Jó 21
123456789101112131415161718192021222324252627282930313233343536373839404142
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Respondens autem Job, dixit : | 1 Respondens autem Iob dixit: |
2 Audite, quæso, sermones meos, et agite pœnitentiam. | 2 “ Audite, quaeso, sermones meos, et sint haec consolationes vestrae. |
3 Sustinete me, et ego loquar : et post mea, si videbitur, verba, ridete. | 3 Sustinete me, et ego loquar; et post verba mea ridebitis. |
4 Numquid contra hominem disputatio mea est, ut merito non debeam contristari ? | 4 Numquid contra hominem disputatio mea est, ut merito non debeam impatiens fieri? |
5 Attendite me et obstupescite, et superponite digitum ori vestro. | 5 Attendite me et obstupescite et superponite digitum ori vestro. |
6 Et ego, quando recordatus fuero, pertimesco, et concutit carnem meam tremor. | 6 Et ego, quando recordatus fuero, pertimesco, et concutit carnem meam tremor. |
7 Quare ergo impii vivunt, sublevati sunt, confortatique divitiis ? | 7 Quare ergo impii vivunt, senuerunt confortatique sunt divitiis? |
8 Semen eorum permanet coram eis : propinquorum turba et nepotum in conspectu eorum. | 8 Semen eorum permanet coram eis, et progenies eorum in conspectu eorum. |
9 Domus eorum securæ sunt et pacatæ, et non est virga Dei super illos. | 9 Domus eorum securae sunt et pacatae, et non est virga Dei super illos. |
10 Bos eorum concepit, et non abortivit : vacca peperit, et non est privata fœtu suo. | 10 Bos eorum concepit et non abortivit, vacca peperit et non est privata fetu suo. |
11 Egrediuntur quasi greges parvuli eorum, et infantes eorum exultant lusibus. | 11 Egrediuntur quasi greges parvuli eorum, et infantes eorum exsultant lusibus. |
12 Tenent tympanum et citharam, et gaudent ad sonitum organi. | 12 Tenent tympanum et citharam et gaudent ad sonitum organi. |
13 Ducunt in bonis dies suos, et in puncto ad inferna descendunt. | 13 Ducunt in bonis dies suos et in puncto ad inferna descendunt. |
14 Qui dixerunt Deo : Recede a nobis, et scientiam viarum tuarum nolumus. | 14 Qui dixerant Deo: “Recede a nobis! Scientiam viarum tuarum nolumus. |
15 Quis est Omnipotens, ut serviamus ei ? et quid nobis prodest si oraverimus illum ? | 15 Quis est Omnipotens, ut serviamus ei, et quid nobis prodest, si oraverimus illum?”. |
16 Verumtamen quia non sunt in manu eorum bona sua, consilium impiorum longe sit a me. | 16 Sint in manu eorum bona sua; consilium vero impiorum longe sit a me. |
17 Quoties lucerna impiorum extinguetur, et superveniet eis inundatio, et dolores dividet furoris sui ? | 17 Quam saepe lucerna impiorum exstinguitur, et superveniet eis pernicies, et dolores dividet in furore suo? |
18 Erunt sicut paleæ ante faciem venti, et sicut favilla quam turbo dispergit. | 18 Erunt sicut paleae ante faciem venti, et sicut favilla, quam turbo dispergit. |
19 Deus servabit filiis illius dolorem patris, et cum reddiderit, tunc sciet. | 19 “Servabitne Deus filiis iniquitatem eius?”. Retribuat illi, ut sciat. |
20 Videbunt oculi ejus interfectionem suam, et de furore Omnipotentis bibet. | 20 Videbunt oculi eius interfectionem suam, et de furore Omnipotentis bibet. |
21 Quid enim ad eum pertinet de domo sua post se, et si numerus mensium ejus dimidietur ? | 21 Quid enim ad eum pertinet de domo sua post se, et si numerus mensium eius recidetur? |
22 Numquid Deus docebit quispiam scientiam, qui excelsos judicat ? | 22 Numquid Deum docebit quispiam scientiam, qui excelsos iudicat? |
23 Iste moritur robustus et sanus, dives et felix : | 23 Iste moritur robustus et sanus, dives et felix; |
24 viscera ejus plena sunt adipe, et medullis ossa illius irrigantur : | 24 viscera eius plena sunt adipe, et medullis ossa illius irrigantur. |
25 alius vero moritur in amaritudine animæ absque ullis opibus : | 25 Alius vero moritur in amaritudine animae absque ullis opibus; |
26 et tamen simul in pulvere dormient, et vermes operient eos. | 26 et tamen simul in pulvere dormient, et vermes operient eos. |
27 Certe novi cogitationes vestras, et sententias contra me iniquas. | 27 Certe novi cogitationes vestras et sententias contra me iniquas. |
28 Dicitis enim : Ubi est domus principis ? et ubi tabernacula impiorum ? | 28 Dicitis enim: “Ubi est domus principis, et ubi tabernacula impiorum?”. |
29 Interrogate quemlibet de viatoribus, et hæc eadem illum intelligere cognoscetis : | 29 Nonne interrogastis quemlibet de viatoribus et signa eorum non agnovistis? |
30 quia in diem perditionis servatur malus, et ad diem furoris ducetur. | 30 Quia in diem perditionis servatur malus et ad diem furoris abducetur. |
31 Quis arguet coram eo viam ejus ? et quæ fecit, quis reddet illi ? | 31 Quis arguet coram eo viam eius, et, quae fecit, quis reddet illi? |
32 Ipse ad sepulchra ducetur, et in congerie mortuorum vigilabit. | 32 Ipse ad sepulcra ducetur, et super tumulum vigilabunt. |
33 Dulcis fuit glareis Cocyti, et post se omnem hominem trahet, et ante se innumerabiles. | 33 Dulces erunt ei glebae vallis, et post se omnem hominem trahet et ante se innumerabiles. |
34 Quomodo igitur consolamini me frustra, cum responsio vestra repugnare ostensa sit veritati ? | 34 Quomodo igitur consolamini me frustra, et responsionis vestrae restat perfidia? ”. |