Marcus 5

Torna indietro

Nova Vulgata	Bibbia Vulgata Clementina
¹ Et venerunt trans fretum maris in regionem Gerasenorum.	¹ Et venerunt trans fretum maris in regionem Gerasenorum.
² Et exeunte eode navi, statim occurrit ei de monumentis homo in spiritu immundo,	² Et exeunti ei de navi, statim occurrit de monumentis homo in spiritu immundo,
³ quidomicilium habebat in monumentis; et neque catenis iam quisquam eum poteratligare,	³ qui domicilium habebat in monumentis, et neque catenis jam quisquam poterat eum ligare :
⁴ quoniam saepe compedibus et catenis vinctus dirupisset catenas etcompedes comminuisset, et nemo poterat eum domare;	⁴ quoniam sæpe compedibus et catenis vinctus, dirupisset catenas, et compedes comminuisset, et nemo poterat eum domare :
⁵ et semper nocte ac die inmonumentis et in montibus erat clamans et concidens se lapidibus.	⁵ et semper die ac nocte in monumentis, et in montibus erat, clamans, et concidens se lapidibus.
⁶ Et vidensIesum a longe cucurrit et adoravit eum	⁶ Videns autem Jesum a longe, cucurrit, et adoravit eum :
⁷ et clamans voce magna dicit: “ Quidmihi et tibi, Iesu, fili Dei Altissimi? Adiuro te per Deum, ne me torqueas ”.	⁷ et clamans voce magna dixit : Quid mihi et tibi, Jesu Fili Dei altissimi ? adjuro te per Deum, ne me torqueas.
⁸ Dicebat enim illi: “ Exi, spiritus immunde, ab homine ”.	⁸ Dicebat enim illi : Exi spiritus immunde ab homine.
⁹ Et interrogabateum: “ Quod tibi nomen est? ”. Et dicit ei: “ Legio nomen mihi est, quiamulti sumus ”.	⁹ Et interrogabat eum : Quod tibi nomen est ? Et dicit ei : Legio mihi nomen est, quia multi sumus.
¹⁰ Et deprecabatur eum multum, ne se expelleret extra regionem.	¹⁰ Et deprecabatur eum multum, ne se expelleret extra regionem.
¹¹ Erat autem ibi circa montem grex porcorum magnus pascens;	¹¹ Erat autem ibi circa montem grex porcorum magnus, pascens.
¹² et deprecatisunt eum dicentes: “ Mitte nos in porcos, ut in eos introeamus ”.	¹² Et deprecabantur eum spiritus, dicentes : Mitte nos in porcos ut in eos introëamus.
¹³ Etconcessit eis. Et exeuntes spiritus immundi introierunt in porcos. Et magnoimpetu grex ruit per praecipitium in mare, ad duo milia, et suffocabantur inmari.	¹³ Et concessit eis statim Jesus. Et exeuntes spiritus immundi introierunt in porcos : et magno impetu grex præcipitatus est in mare ad duo millia, et suffocati sunt in mari.
¹⁴ Qui autem pascebant eos, fugerunt et nuntiaverunt in civitatem et inagros; et egressi sunt videre quid esset facti.	¹⁴ Qui autem pascebant eos, fugerunt, et nuntiaverunt in civitatem et in agros. Et egressi sunt videre quid esset factum :
¹⁵ Et veniunt ad Iesum; etvident illum, qui a daemonio vexabatur, sedentem, vestitum et sanae mentis, eumqui legionem habuerat, et timuerunt.	¹⁵ et veniunt ad Jesum : et vident illum qui a dæmonio vexabatur, sedentem, vestitum, et sanæ mentis, et timuerunt.
¹⁶ Et qui viderant, narraverunt illisqualiter factum esset ei, qui daemonium habuerat, et de porcis.	¹⁶ Et narraverunt illis, qui viderant, qualiter factum esset ei qui dæmonium habuerat, et de porcis.
¹⁷ Et rogare eumcoeperunt, ut discederet a finibus eorum.	¹⁷ Et rogare cœperunt eum ut discederet de finibus eorum.
¹⁸ Cumque ascenderet navem, quidaemonio vexatus fuerat, deprecabatur eum, ut esset cum illo.	¹⁸ Cumque ascenderet navim, cœpit illum deprecari, qui a dæmonio vexatus fuerat, ut esset cum illo,
¹⁹ Et non admisiteum, sed ait illi: “ Vade in domum tuam ad tuos et annuntia illis quanta tibiDominus fecerit et misertus sit tui ”.	¹⁹ et non admisit eum, sed ait illi : Vade in domum tuam ad tuos, et annuntia illis quanta tibi Dominus fecerit, et misertus sit tui.
²⁰ Et abiit et coepit praedicare inDecapoli quanta sibi fecisset Iesus, et omnes mirabantur.	²⁰ Et abiit, et cœpit prædicare in Decapoli, quanta sibi fecisset Jesus : et omnes mirabantur.
²¹ Et cum transcendisset Iesus in navi rursus trans fretum, convenit turba multaad illum, et erat circa mare.	²¹ Et cum transcendisset Jesus in navi rursum trans fretum, convenit turba multa ad eum, et erat circa mare.
²² Et venit quidam de archisynagogis nomine Iairuset videns eum procidit ad pedes eius	²² Et venit quidam de archisynagogis nomine Jairus, et videns eum procidit ad pedes ejus,
²³ et deprecatur eum multum dicens: “Filiola mea in extremis est; veni, impone manus super eam, ut salva sit et vivat”.	²³ et deprecabatur eum multum, dicens : Quoniam filia mea in extremis est, veni, impone manum super eam, ut salva sit, et vivat.
²⁴ Et abiit cum illo. Et sequebatur eum turba multa et comprimebant illum.	²⁴ Et abiit cum illo, et sequebatur eum turba multa, et comprimebant eum.
²⁵ Et mulier, quae erat in profluvio sanguinis annis duodecim	²⁵ Et mulier, quæ erat in profluvio sanguinis annis duodecim,
²⁶ et fuerat multaperpessa a compluribus medicis et erogaverat omnia sua nec quidquam profecerat,sed magis deterius habebat,	²⁶ et fuerat multa perpessa a compluribus medicis : et erogaverat omnia sua, nec quidquam profecerat, sed magis deterius habebat :
²⁷ cum audisset de Iesu, venit in turba retro ettetigit vestimentum eius;	²⁷ cum audisset de Jesu, venit in turba retro, et tetigit vestimentum ejus :
²⁸ dicebat enim: “ Si vel vestimenta eius tetigero,salva ero ”.	²⁸ dicebat enim : Quia si vel vestimentum ejus tetigero, salva ero.
²⁹ Et confestim siccatus est fons sanguinis eius, et sensitcorpore quod sanata esset a plaga.	²⁹ Et confestim siccatus est fons sanguinis ejus : et sensit corpore quia sanata esset a plaga.
³⁰ Et statim Iesus cognoscens in semetipsovirtutem, quae exierat de eo, conversus ad turbam aiebat: “ Quis tetigitvestimenta mea? ”.	³⁰ Et statim Jesus in semetipso cognoscens virtutem quæ exierat de illo, conversus ad turbam, aiebat : Quis tetigit vestimenta mea ?
³¹ Et dicebant ei discipuli sui: “ Vides turbamcomprimentem te et dicis: “Quis me tetigit?” ”.	³¹ Et dicebant ei discipuli sui : Vides turbam comprimentem te, et dicis : Quis me tetigit ?
³² Et circumspiciebatvidere eam, quae hoc fecerat.	³² Et circumspiciebat videre eam, quæ hoc fecerat.
³³ Mulier autem timens et tremens, sciens quodfactum esset in se, venit et procidit ante eum et dixit ei omnem veritatem.	³³ Mulier vero timens et tremens, sciens quod factum esset in se, venit et procidit ante eum, et dixit ei omnem veritatem.
³⁴ Ille autem dixit ei: “ Filia, fides tua te salvam fecit. Vade in pace et estosana a plaga tua ”.	³⁴ Ille autem dixit ei : Filia, fides tua te salvam fecit : vade in pace, et esto sana a plaga tua.
³⁵ Adhuc eo loquente, veniunt ab archisynagogo dicentes: “ Filia tua mortuaest; quid ultra vexas magistrum? ”.	³⁵ Adhuc eo loquente, veniunt ab archisynagogo, dicentes : Quia filia tua mortua est : quid ultra vexas magistrum ?
³⁶ Iesus autem, verbo, quod dicebatur,audito, ait archisynagogo: “ Noli timere; tantummodo crede! ”.	³⁶ Jesus autem audito verbo quod dicebatur, ait archisynagogo : Noli timere : tantummodo crede.
³⁷ Et nonadmisit quemquam sequi se nisi Petrum et Iacobum et Ioannem fratrem Iacobi.	³⁷ Et non admisit quemquam se sequi nisi Petrum, et Jacobum, et Joannem fratrem Jacobi.
³⁸ Et veniunt ad domum archisynagogi; et videt tumultum et flentes et eiulantesmultum,	³⁸ Et veniunt in domum archisynagogi, et videt tumultum, et flentes, et ejulantes multum.
³⁹ et ingressus ait eis: “ Quid turbamini et ploratis? Puella non estmortua, sed dormit ”.	³⁹ Et ingressus, ait illis : Quid turbamini, et ploratis ? puella non est mortua, sed dormit.
⁴⁰ Et irridebant eum. Ipse vero, eiectis omnibus,assumit patrem puellae et matrem et, qui secum erant, et ingreditur, ubi eratpuella;	⁴⁰ Et irridebant eum. Ipse vero ejectis omnibus assumit patrem, et matrem puellæ, et qui secum erant, et ingreditur ubi puella erat jacens.
⁴¹ et tenens manum puellae ait illi: “ Talitha, qum! ” — quod estinterpretatum: “ Puella, tibi dico: Surge! ” - .	⁴¹ Et tenens manum puellæ, ait illi : Talitha cumi, quod est interpretatum : Puella (tibi dico), surge.
⁴² Et confestim surrexitpuella et ambulabat; erat enim annorum duodecim. Et obstupuerunt continuostupore magno.	⁴² Et confestim surrexit puella, et ambulabat : erat autem annorum duodecim : et obstupuerunt stupore magno.
⁴³ Et praecepit illis vehementer, ut nemo id sciret, et dixitdari illi manducare.	⁴³ Et præcepit illis vehementer ut nemo id sciret : et dixit dari illi manducare.

Vetus Testamentum

Novum Testamentum

Cambia Bibbia

Confronta con un'altra Bibbia

Versetti esaminati