Lamentazioni 5
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Recordare, Domine, quid acci derit nobis; intuere et respice opprobrium nostrum. | 1 Recordare, Domine, quid acciderit nobis ; intuere et respice opprobrium nostrum. |
2 Hereditas nostra versa est ad alienos, domus nostrae ad extraneos. | 2 Hæreditas nostra versa est ad alienos, domus nostræ ad extraneos. |
3 Pupilli facti sumus absque patre, matres nostrae quasi viduae. | 3 Pupilli facti sumus absque patre, matres nostræ quasi viduæ. |
4 Aquam nostram pecunia bibimus, ligna nostra pretio comparamus. | 4 Aquam nostram pecunia bibimus ; ligna nostra pretio comparavimus. |
5 Iugum in cervicibus nostris minamur; lassis non datur requies. | 5 Cervicibus nostris minabamur, lassis non dabatur requies. |
6 Aegyptiis dedimus manum et Assyriis, ut saturaremur pane. | 6 Ægypto dedimus manum et Assyriis, ut saturaremur pane. |
7 Patres nostri peccaverunt et non sunt, et nos iniquitates eorum portamus. | 7 Patres nostri peccaverunt, et non sunt : et nos iniquitates eorum portavimus. |
8 Servi dominantur nostri; non est qui redimat de manu eorum. | 8 Servi dominati sunt nostri : non fuit qui redimeret de manu eorum. |
9 Vitae nostrae periculo afferimus panem nobis a facie gladii in deserto. | 9 In animabus nostris afferebamus panem nobis, a facie gladii in deserto. |
10 Pellis nostra quasi clibanus exusta est propter aestum famis. | 10 Pellis nostra quasi clibanus exusta est, a facie tempestatum famis. |
11 Mulieres in Sion humiliaverunt et virgines in civitatibus Iudae. | 11 Mulieres in Sion humiliaverunt, et virgines in civitatibus Juda. |
12 Principes manu eorum suspensi sunt; facies senum honorem non habuerunt. | 12 Principes manu suspensi sunt ; facies senum non erubuerunt. |
13 Adulescentes molam portaverunt, et pueri sub lignis corruerunt. | 13 Adolescentibus impudice abusi sunt, et pueri in ligno corruerunt. |
14 Senes deficiunt de portis, iuvenes de choro psallentium. | 14 Senes defecerunt de portis, juvenes de choro psallentium. |
15 Defecit gaudium cordis nostri; versus est in luctum chorus noster. | 15 Defecit gaudium cordis nostri ; versus est in luctum chorus noster. |
16 Cecidit corona capitis nostri; vae nobis, quia peccavimus! | 16 Cecidit corona capitis nostri : væ nobis, quia peccavimus ! |
17 Propterea maestum factum est cor nostrum, ideo contenebrati sunt oculi nostri, | 17 Propterea mœstum factum est cor nostrum ; ideo contenebrati sunt oculi nostri, |
18 propter montem Sion, quia desolatus est: vulpes ambulant in eo. | 18 propter montem Sion quia disperiit ; vulpes ambulaverunt in eo. |
19 Tu autem, Domine, in aeternum permanebis, solium tuum in generationem et generationem. | 19 Tu autem, Domine, in æternum permanebis, solium tuum in generationem et generationem. |
20 Quare in perpetuum oblivisceris nostri, derelinques nos in longitudinem dierum? | 20 Quare in perpetuum oblivisceris nostri, derelinques nos in longitudine dierum ? |
21 Converte nos, Domine, ad te, et convertemur; innova dies nostros sicut a principio. | 21 Converte nos, Domine, ad te, et convertemur ; innova dies nostros, sicut a principio. |
22 Ergone proiciens reppulisti nos, iratus es contra nos vehementer? | 22 Sed projiciens repulisti nos : iratus es contra nos vehementer. |