ΣΟΦΙΑ ΣΕΙΡΑΧ - Siracide - Sirach 43

¹ γαυριαμα υψους στερεωμα καθαριοτητος ειδος ουρανου εν οραματι δοξης

² ηλιος εν οπτασια διαγγελλων εν εξοδω σκευος θαυμαστον εργον υψιστου

³ εν μεσημβρια αυτου αναξηραινει χωραν και εναντιον καυματος αυτου τις υποστησεται

⁴ καμινον φυσων εν εργοις καυματος τριπλασιως ηλιος εκκαιων ορη ατμιδας πυρωδεις εκφυσων και εκλαμπων ακτινας αμαυροι οφθαλμους

⁵ μεγας κυριος ο ποιησας αυτον και εν λογοις αυτου κατεσπευσεν πορειαν

⁶ και η σεληνη εν πασιν εις καιρον αυτης αναδειξιν χρονων και σημειον αιωνος

⁷ απο σεληνης σημειον εορτης φωστηρ μειουμενος επι συντελειας

⁸ μην κατα το ονομα αυτης εστιν αυξανομενος θαυμαστως εν αλλοιωσει σκευος παρεμβολων εν υψει εν στερεωματι ουρανου εκλαμπων

⁹ καλλος ουρανου δοξα αστρων κοσμος φωτιζων εν υψιστοις κυριου

¹⁰ εν λογοις αγιου στησονται κατα κριμα και ου μη εκλυθωσιν εν φυλακαις αυτων

¹¹ ιδε τοξον και ευλογησον τον ποιησαντα αυτο σφοδρα ωραιον εν τω αυγασματι αυτου

¹² εγυρωσεν ουρανον εν κυκλωσει δοξης χειρες υψιστου ετανυσαν αυτο

¹³ προσταγματι αυτου κατεσπευσεν χιονα και ταχυνει αστραπας κριματος αυτου

¹⁴ δια τουτο ηνεωχθησαν θησαυροι και εξεπτησαν νεφελαι ως πετεινα

¹⁵ εν μεγαλειω αυτου ισχυσεν νεφελας και διεθρυβησαν λιθοι χαλαζης

¹⁶ και εν οπτασια αυτου σαλευθησεται ορη εν θεληματι αυτου πνευσεται νοτος

¹⁷ φωνη βροντης αυτου ωνειδισεν γην και καταιγις βορεου και συστροφη πνευματος

¹⁸ ως πετεινα καθιπταμενα πασσει χιονα και ως ακρις καταλυουσα η καταβασις αυτης καλλος λευκοτητος αυτης εκθαυμασει οφθαλμος και επι του υετου αυτης εκστησεται καρδια

¹⁹ και παχνην ως αλα επι γης χεει και παγεισα γινεται σκολοπων ακρα

²⁰ ψυχρος ανεμος βορεης πνευσει και παγησεται κρυσταλλος εφ' υδατος επι πασαν συναγωγην υδατος καταλυσει και ως θωρακα ενδυσεται το υδωρ

²¹ καταφαγεται ορη και ερημον εκκαυσει και αποσβεσει χλοην ως πυρ

²² ιασις παντων κατα σπουδην ομιχλη δροσος απαντωσα απο καυσωνος ιλαρωσει

²³ λογισμω αυτου εκοπασεν αβυσσον και εφυτευσεν εν αυτη νησους

²⁴ οι πλεοντες την θαλασσαν διηγουνται τον κινδυνον αυτης και ακοαις ωτιων ημων θαυμαζομεν

²⁵ και εκει τα παραδοξα και θαυμασια εργα ποικιλια παντος ζωου κτισις κητων

²⁶ δι' αυτον ευοδοι αγγελος αυτου και εν λογω αυτου συγκειται τα παντα

²⁷ πολλα ερουμεν και ου μη αφικωμεθα και συντελεια λογων το παν εστιν αυτος

²⁸ δοξαζοντες που ισχυσομεν αυτος γαρ ο μεγας παρα παντα τα εργα αυτου

²⁹ φοβερος κυριος και σφοδρα μεγας και θαυμαστη η δυναστεια αυτου

³⁰ δοξαζοντες κυριον υψωσατε καθ' οσον αν δυνησθε υπερεξει γαρ και ετι και υψουντες αυτον πληθυνατε εν ισχυι μη κοπιατε ου γαρ μη αφικησθε

³¹ τις εορακεν αυτον και εκδιηγησεται και τις μεγαλυνει αυτον καθως εστιν

³² πολλα αποκρυφα εστιν μειζονα τουτων ολιγα γαρ εωρακαμεν των εργων αυτου

³³ παντα γαρ εποιησεν ο κυριος και τοις ευσεβεσιν εδωκεν σοφιαν