ΠΑΡΟΙΜΙΑΙ - Proverbi - Proverbs 26

¹ οι εμοι λογοι ειρηνται υπο θεου βασιλεως χρηματισμος ον επαιδευσεν η μητηρ αυτου

² τι τεκνον τηρησεις τι ρησεις θεου πρωτογενες σοι λεγω υιε τι τεκνον εμης κοιλιας τι τεκνον εμων ευχων

³ μη δως γυναιξι σον πλουτον και τον σον νουν και βιον εις υστεροβουλιαν

⁴ μετα βουλης παντα ποιει μετα βουλης οινοποτει οι δυνασται θυμωδεις εισιν οινον δε μη πινετωσαν

⁵ ινα μη πιοντες επιλαθωνται της σοφιας και ορθα κριναι ου μη δυνωνται τους ασθενεις

⁶ διδοτε μεθην τοις εν λυπαις και οινον πινειν τοις εν οδυναις

⁷ ινα επιλαθωνται της πενιας και των πονων μη μνησθωσιν ετι

⁸ ανοιγε σον στομα λογω θεου και κρινε παντας υγιως

⁹ ανοιγε σον στομα και κρινε δικαιως διακρινε δε πενητα και ασθενη

¹⁰ γυναικα ανδρειαν τις ευρησει τιμιωτερα δε εστιν λιθων πολυτελων η τοιαυτη

¹¹ θαρσει επ' αυτη η καρδια του ανδρος αυτης η τοιαυτη καλων σκυλων ουκ απορησει

¹² ενεργει γαρ τω ανδρι αγαθα παντα τον βιον

¹³ μηρυομενη ερια και λινον εποιησεν ευχρηστον ταις χερσιν αυτης

¹⁴ εγενετο ωσει ναυς εμπορευομενη μακροθεν συναγει δε αυτη τον βιον

¹⁵ και ανισταται εκ νυκτων και εδωκεν βρωματα τω οικω και εργα ταις θεραπαιναις

¹⁶ θεωρησασα γεωργιον επριατο απο δε καρπων χειρων αυτης κατεφυτευσεν κτημα

¹⁷ αναζωσαμενη ισχυρως την οσφυν αυτης ηρεισεν τους βραχιονας αυτης εις εργον

¹⁸ εγευσατο οτι καλον εστιν το εργαζεσθαι και ουκ αποσβεννυται ολην την νυκτα ο λυχνος αυτης

¹⁹ τους πηχεις αυτης εκτεινει επι τα συμφεροντα τας δε χειρας αυτης ερειδει εις ατρακτον

²⁰ χειρας δε αυτης διηνοιξεν πενητι καρπον δε εξετεινεν πτωχω

²¹ ου φροντιζει των εν οικω ο ανηρ αυτης οταν που χρονιζη παντες γαρ οι παρ' αυτης ενδιδυσκονται

²² δισσας χλαινας εποιησεν τω ανδρι αυτης εκ δε βυσσου και πορφυρας εαυτη ενδυματα

²³ περιβλεπτος δε γινεται εν πυλαις ο ανηρ αυτης ηνικα αν καθιση εν συνεδριω μετα των γεροντων κατοικων της γης

²⁴ σινδονας εποιησεν και απεδοτο περιζωματα δε τοις χαναναιοις

²⁵ στομα αυτης διηνοιξεν προσεχοντως και εννομως και ταξιν εστειλατο τη γλωσση αυτης

²⁶ ισχυν και ευπρεπειαν ενεδυσατο και ευφρανθη εν ημεραις εσχαταις

²⁷ στεγναι διατριβαι οικων αυτης σιτα δε οκνηρα ουκ εφαγεν

²⁸ το στομα δε ανοιγει σοφως και νομοθεσμως η δε ελεημοσυνη αυτης ανεστησεν τα τεκνα αυτης και επλουτησαν και ο ανηρ αυτης ηνεσεν αυτην

²⁹ πολλαι θυγατερες εκτησαντο πλουτον πολλαι εποιησαν δυνατα συ δε υπερκεισαι και υπερηρας πασας

³⁰ ψευδεις αρεσκειαι και ματαιον καλλος γυναικος γυνη γαρ συνετη ευλογειται φοβον δε κυριου αυτη αινειτω

³¹ δοτε αυτη απο καρπων χειρων αυτης και αινεισθω εν πυλαις ο ανηρ αυτης .