ΨΑΛΜΟΙ - Salmi - Psalms 90

¹ αινος ωδης τω δαυιδ ο κατοικων εν βοηθεια του υψιστου εν σκεπη του θεου του ουρανου αυλισθησεται

² ερει τω κυριω αντιλημπτωρ μου ει και καταφυγη μου ο θεος μου ελπιω επ' αυτον

³ οτι αυτος ρυσεται με εκ παγιδος θηρευτων και απο λογου ταραχωδους

⁴ εν τοις μεταφρενοις αυτου επισκιασει σοι και υπο τας πτερυγας αυτου ελπιεις οπλω κυκλωσει σε η αληθεια αυτου

⁵ ου φοβηθηση απο φοβου νυκτερινου απο βελους πετομενου ημερας

⁶ απο πραγματος διαπορευομενου εν σκοτει απο συμπτωματος και δαιμονιου μεσημβρινου

⁷ πεσειται εκ του κλιτους σου χιλιας και μυριας εκ δεξιων σου προς σε δε ουκ εγγιει

⁸ πλην τοις οφθαλμοις σου κατανοησεις και ανταποδοσιν αμαρτωλων οψη

⁹ οτι συ κυριε η ελπις μου τον υψιστον εθου καταφυγην σου

¹⁰ ου προσελευσεται προς σε κακα και μαστιξ ουκ εγγιει τω σκηνωματι σου

¹¹ οτι τοις αγγελοις αυτου εντελειται περι σου του διαφυλαξαι σε εν πασαις ταις οδοις σου

¹² επι χειρων αρουσιν σε μηποτε προσκοψης προς λιθον τον ποδα σου

¹³ επ' ασπιδα και βασιλισκον επιβηση και καταπατησεις λεοντα και δρακοντα

¹⁴ οτι επ' εμε ηλπισεν και ρυσομαι αυτον σκεπασω αυτον οτι εγνω το ονομα μου

¹⁵ επικαλεσεται με και εισακουσομαι αυτου μετ' αυτου ειμι εν θλιψει και εξελουμαι και δοξασω αυτον

¹⁶ μακροτητα ημερων εμπλησω αυτον και δειξω αυτω το σωτηριον μου