ΨΑΛΜΟΙ - Salmi - Psalms 84

¹ εις το τελος τοις υιοις κορε ψαλμος

² ευδοκησας κυριε την γην σου απεστρεψας την αιχμαλωσιαν ιακωβ

³ αφηκας τας ανομιας τω λαω σου εκαλυψας πασας τας αμαρτιας αυτων διαψαλμα

⁴ κατεπαυσας πασαν την οργην σου απεστρεψας απο οργης θυμου σου

⁵ επιστρεψον ημας ο θεος των σωτηριων ημων και αποστρεψον τον θυμον σου αφ' ημων

⁶ μη εις τον αιωνα οργισθηση ημιν η διατενεις την οργην σου απο γενεας εις γενεαν

⁷ ο θεος συ επιστρεψας ζωωσεις ημας και ο λαος σου ευφρανθησεται επι σοι

⁸ δειξον ημιν κυριε το ελεος σου και το σωτηριον σου δωης ημιν

⁹ ακουσομαι τι λαλησει εν εμοι κυριος ο θεος οτι λαλησει ειρηνην επι τον λαον αυτου και επι τους οσιους αυτου και επι τους επιστρεφοντας προς αυτον καρδιαν

¹⁰ πλην εγγυς των φοβουμενων αυτον το σωτηριον αυτου του κατασκηνωσαι δοξαν εν τη γη ημων

¹¹ ελεος και αληθεια συνηντησαν δικαιοσυνη και ειρηνη κατεφιλησαν

¹² αληθεια εκ της γης ανετειλεν και δικαιοσυνη εκ του ουρανου διεκυψεν

¹³ και γαρ ο κυριος δωσει χρηστοτητα και η γη ημων δωσει τον καρπον αυτης

¹⁴ δικαιοσυνη εναντιον αυτου προπορευσεται και θησει εις οδον τα διαβηματα αυτου