ΨΑΛΜΟΙ - Salmi - Psalms 47

¹ ψαλμος ωδης τοις υιοις κορε δευτερα σαββατου

² μεγας κυριος και αινετος σφοδρα εν πολει του θεου ημων ορει αγιω αυτου

³ ευ ριζων αγαλλιαματι πασης της γης ορη σιων τα πλευρα του βορρα η πολις του βασιλεως του μεγαλου

⁴ ο θεος εν ταις βαρεσιν αυτης γινωσκεται οταν αντιλαμβανηται αυτης

⁵ οτι ιδου οι βασιλεις συνηχθησαν ηλθοσαν επι το αυτο

⁶ αυτοι ιδοντες ουτως εθαυμασαν εταραχθησαν εσαλευθησαν

⁷ τρομος επελαβετο αυτων εκει ωδινες ως τικτουσης

⁸ εν πνευματι βιαιω συντριψεις πλοια θαρσις

⁹ καθαπερ ηκουσαμεν ουτως ειδομεν εν πολει κυριου των δυναμεων εν πολει του θεου ημων ο θεος εθεμελιωσεν αυτην εις τον αιωνα διαψαλμα

¹⁰ υπελαβομεν ο θεος το ελεος σου εν μεσω του ναου σου

¹¹ κατα το ονομα σου ο θεος ουτως και η αινεσις σου επι τα περατα της γης δικαιοσυνης πληρης η δεξια σου

¹² ευφρανθητω το ορος σιων αγαλλιασθωσαν αι θυγατερες της ιουδαιας ενεκεν των κριματων σου κυριε

¹³ κυκλωσατε σιων και περιλαβετε αυτην διηγησασθε εν τοις πυργοις αυτης

¹⁴ θεσθε τας καρδιας υμων εις την δυναμιν αυτης και καταδιελεσθε τας βαρεις αυτης οπως αν διηγησησθε εις γενεαν ετεραν

¹⁵ οτι ουτος εστιν ο θεος ο θεος ημων εις τον αιωνα και εις τον αιωνα του αιωνος αυτος ποιμανει ημας εις τους αιωνας