ΨΑΛΜΟΙ - Salmi - Psalms 139

¹ εις το τελος ψαλμος τω δαυιδ

² εξελου με κυριε εξ ανθρωπου πονηρου απο ανδρος αδικου ρυσαι με

³ οιτινες ελογισαντο αδικιας εν καρδια ολην την ημεραν παρετασσοντο πολεμους

⁴ ηκονησαν γλωσσαν αυτων ωσει οφεως ιος ασπιδων υπο τα χειλη αυτων διαψαλμα

⁵ φυλαξον με κυριε εκ χειρος αμαρτωλου απο ανθρωπων αδικων εξελου με οιτινες ελογισαντο υποσκελισαι τα διαβηματα μου

⁶ εκρυψαν υπερηφανοι παγιδα μοι και σχοινια διετειναν παγιδας τοις ποσιν μου εχομενα τριβου σκανδαλον εθεντο μοι διαψαλμα

⁷ ειπα τω κυριω θεος μου ει συ ενωτισαι κυριε την φωνην της δεησεως μου

⁸ κυριε κυριε δυναμις της σωτηριας μου επεσκιασας επι την κεφαλην μου εν ημερα πολεμου

⁹ μη παραδως με κυριε απο της επιθυμιας μου αμαρτωλω διελογισαντο κατ' εμου μη εγκαταλιπης με μηποτε υψωθωσιν διαψαλμα

¹⁰ η κεφαλη του κυκλωματος αυτων κοπος των χειλεων αυτων καλυψει αυτους

¹¹ πεσουνται επ' αυτους ανθρακες εν πυρι καταβαλεις αυτους εν ταλαιπωριαις ου μη υποστωσιν

¹² ανηρ γλωσσωδης ου κατευθυνθησεται επι της γης ανδρα αδικον κακα θηρευσει εις διαφθοραν

¹³ εγνων οτι ποιησει κυριος την κρισιν του πτωχου και την δικην των πενητων

¹⁴ πλην δικαιοι εξομολογησονται τω ονοματι σου και κατοικησουσιν ευθεις συν τω προσωπω σου