ΙΩΒ - Giobbe - Job 9

¹ υπολαβων δε ιωβ λεγει

² επ' αληθειας οιδα οτι ουτως εστιν πως γαρ εσται δικαιος βροτος παρα κυριω

³ εαν γαρ βουληται κριθηναι αυτω ου μη υπακουση αυτω ινα μη αντειπη προς ενα λογον αυτου εκ χιλιων

⁴ σοφος γαρ εστιν διανοια κραταιος τε και μεγας τις σκληρος γενομενος εναντιον αυτου υπεμεινεν

⁵ ο παλαιων ορη και ουκ οιδασιν ο καταστρεφων αυτα οργη

⁶ ο σειων την υπ' ουρανον εκ θεμελιων οι δε στυλοι αυτης σαλευονται

⁷ ο λεγων τω ηλιω και ουκ ανατελλει κατα δε αστρων κατασφραγιζει

⁸ ο τανυσας τον ουρανον μονος και περιπατων ως επ' εδαφους επι θαλασσης

⁹ ο ποιων πλειαδα και εσπερον και αρκτουρον και ταμιεια νοτου

¹⁰ ο ποιων μεγαλα και ανεξιχνιαστα ενδοξα τε και εξαισια ων ουκ εστιν αριθμος

¹¹ εαν υπερβη με ου μη ιδω και εαν παρελθη με ουδ' ως εγνων

¹² εαν απαλλαξη τις αποστρεψει η τις ερει αυτω τι εποιησας

¹³ αυτος γαρ απεστραπται οργην υπ' αυτου εκαμφθησαν κητη τα υπ' ουρανον

¹⁴ εαν δε μου υπακουσηται η διακρινει τα ρηματα μου

¹⁵ εαν τε γαρ ω δικαιος ουκ εισακουσεται μου του κριματος αυτου δεηθησομαι

¹⁶ εαν τε καλεσω και υπακουση ου πιστευω οτι εισακηκοεν μου

¹⁷ μη γνοφω με εκτριψη πολλα δε μου τα συντριμματα πεποιηκεν δια κενης

¹⁸ ουκ εα γαρ με αναπνευσαι ενεπλησεν δε με πικριας

¹⁹ οτι μεν γαρ ισχυι κρατει τις ουν κριματι αυτου αντιστησεται

²⁰ εαν γαρ ω δικαιος το στομα μου ασεβησει εαν τε ω αμεμπτος σκολιος αποβησομαι

²¹ ειτε γαρ ησεβησα ουκ οιδα τη ψυχη πλην οτι αφαιρειται μου η ζωη

²² διο ειπον μεγαν και δυναστην απολλυει οργη

²³ οτι φαυλοι εν θανατω εξαισιω αλλα δικαιοι καταγελωνται

²⁴ παραδεδονται γαρ εις χειρας ασεβους προσωπα κριτων αυτης συγκαλυπτει ει δε μη αυτος τις εστιν

²⁵ ο δε βιος μου εστιν ελαφροτερος δρομεως απεδρασαν και ουκ ειδοσαν

²⁶ η και εστιν ναυσιν ιχνος οδου η αετου πετομενου ζητουντος βοραν

²⁷ εαν τε γαρ ειπω επιλησομαι λαλων συγκυψας τω προσωπω στεναξω

²⁸ σειομαι πασιν τοις μελεσιν οιδα γαρ οτι ουκ αθωον με εασεις

²⁹ επειδη δε ειμι ασεβης δια τι ουκ απεθανον

³⁰ εαν γαρ απολουσωμαι χιονι και αποκαθαρωμαι χερσιν καθαραις

³¹ ικανως εν ρυπω με εβαψας εβδελυξατο δε με η στολη

³² ου γαρ ει ανθρωπος κατ' εμε ω αντικρινουμαι ινα ελθωμεν ομοθυμαδον εις κρισιν

³³ ειθε ην ο μεσιτης ημων και ελεγχων και διακουων ανα μεσον αμφοτερων

³⁴ απαλλαξατω απ' εμου την ραβδον ο δε φοβος αυτου μη με στροβειτω

³⁵ και ου μη φοβηθω αλλα λαλησω ου γαρ ουτω συνεπισταμαι