ΙΩΒ - Giobbe - Job 36

¹ προσθεις δε ελιους ετι λεγει

² μεινον με μικρον ετι ινα διδαξω σε ετι γαρ εν εμοι εστιν λεξις

³ αναλαβων την επιστημην μου μακραν εργοις δε μου δικαια ερω

⁴ επ' αληθειας και ουκ αδικα ρηματα αδικως συνιεις

⁵ γιγνωσκε δε οτι ο κυριος ου μη αποποιησηται τον ακακον δυνατος ισχυι καρδιας

⁶ ασεβη ου μη ζωοποιησει και κριμα πτωχων δωσει

⁷ ουκ αφελει απο δικαιου οφθαλμους αυτου και μετα βασιλεων εις θρονον και καθιει αυτους εις νεικος και υψωθησονται

⁸ και ει πεπεδημενοι εν χειροπεδαις συσχεθησονται εν σχοινιοις πενιας

⁹ και αναγγελει αυτοις τα εργα αυτων και τα παραπτωματα αυτων οτι ισχυσουσιν

¹⁰ αλλα του δικαιου εισακουσεται και ειπεν οτι επιστραφησονται εξ αδικιας

¹¹ εαν ακουσωσιν και δουλευσωσιν συντελεσουσιν τας ημερας αυτων εν αγαθοις και τα ετη αυτων εν ευπρεπειαις

¹² ασεβεις δε ου διασωζει παρα το μη βουλεσθαι ειδεναι αυτους τον κυριον και διοτι νουθετουμενοι ανηκοοι ησαν

¹³ και υποκριται καρδια ταξουσιν θυμον ου βοησονται οτι εδησεν αυτους

¹⁴ αποθανοι τοινυν εν νεοτητι η ψυχη αυτων η δε ζωη αυτων τιτρωσκομενη υπο αγγελων

¹⁵ ανθ' ων εθλιψαν ασθενη και αδυνατον κριμα δε πραεων εκθησει

¹⁶ και προσετι ηπατησεν σε εκ στοματος εχθρου αβυσσος καταχυσις υποκατω αυτης και κατεβη τραπεζα σου πληρης πιοτητος

¹⁷ ουχ υστερησει δε απο δικαιων κριμα

¹⁸ θυμος δε επ' ασεβεις εσται δι' ασεβειαν δωρων ων εδεχοντο επ' αδικιαις

¹⁹ μη σε εκκλινατω εκων ο νους δεησεως εν αναγκη οντων αδυνατων και παντας τους κραταιουντας ισχυν

²⁰ μη εξελκυσης την νυκτα του αναβηναι λαους αντ' αυτων

²¹ αλλα φυλαξαι μη πραξης ατοπα επι τουτον γαρ εξειλω απο πτωχειας

²² ιδου ο ισχυρος κραταιωσει εν ισχυι αυτου τις γαρ εστιν κατ' αυτον δυναστης

²³ τις δε εστιν ο εταζων αυτου τα εργα η τις ο ειπας επραξεν αδικα

²⁴ μνησθητι οτι μεγαλα εστιν αυτου τα εργα ων ηρξαν ανδρες

²⁵ πας ανθρωπος ειδεν εν εαυτω οσοι τιτρωσκομενοι εισιν βροτοι

²⁶ ιδου ο ισχυρος πολυς και ου γνωσομεθα αριθμος ετων αυτου και απεραντος

²⁷ αριθμηται δε αυτω σταγονες υετου και επιχυθησονται υετω εις νεφελην

²⁸ ρυησονται παλαιωματα εσκιασεν δε νεφη επι αμυθητων βροτων [8α] ωραν εθετο κτηνεσιν οιδασιν δε κοιτης ταξιν [8β] επι τουτοις πασιν ουκ εξισταται σου η διανοια ουδε διαλλασσεται σου η καρδια απο σωματος

²⁹ και εαν συνη απεκτασεις νεφελης ισοτητα σκηνης αυτου

³⁰ ιδου εκτεινει επ' αυτον ηδω και ριζωματα της θαλασσης εκαλυψεν

³¹ εν γαρ αυτοις κρινει λαους δωσει τροφην τω ισχυοντι

³² επι χειρων εκαλυψεν φως και ενετειλατο περι αυτης εν απαντωντι

³³ αναγγελει περι αυτου φιλον αυτου κτησις και περι αδικιας