ΙΩΒ - Giobbe - Job 21

¹ υπολαβων δε ιωβ λεγει

² ακουσατε ακουσατε μου των λογων ινα μη η μοι παρ' υμων αυτη η παρακλησις

³ αρατε με εγω δε λαλησω ειτ' ου καταγελασετε μου

⁴ τι γαρ μη ανθρωπου μου η ελεγξις η δια τι ου θυμωθησομαι

⁵ εισβλεψαντες εις εμε θαυμασατε χειρα θεντες επι σιαγονι

⁶ εαν τε γαρ μνησθω εσπουδακα εχουσιν δε μου τας σαρκας οδυναι

⁷ δια τι ασεβεις ζωσιν πεπαλαιωνται δε και εν πλουτω

⁸ ο σπορος αυτων κατα ψυχην τα δε τεκνα αυτων εν οφθαλμοις

⁹ οι οικοι αυτων ευθηνουσιν φοβος δε ουδαμου μαστιξ δε παρα κυριου ουκ εστιν επ' αυτοις

¹⁰ η βους αυτων ουκ ωμοτοκησεν διεσωθη δε αυτων εν γαστρι εχουσα και ουκ εσφαλεν

¹¹ μενουσιν δε ως προβατα αιωνια τα δε παιδια αυτων προσπαιζουσιν

¹² αναλαβοντες ψαλτηριον και κιθαραν και ευφραινονται φωνη ψαλμου

¹³ συνετελεσαν δε εν αγαθοις τον βιον αυτων εν δε αναπαυσει αδου εκοιμηθησαν

¹⁴ λεγει δε κυριω αποστα απ' εμου οδους σου ειδεναι ου βουλομαι

¹⁵ τι ικανος οτι δουλευσομεν αυτω και τις ωφελεια οτι απαντησομεν αυτω

¹⁶ εν χερσιν γαρ ην αυτων τα αγαθα εργα δε ασεβων ουκ εφορα

¹⁷ ου μην δε αλλα και ασεβων λυχνος σβεσθησεται επελευσεται δε αυτοις η καταστροφη ωδινες δε αυτους εξουσιν απο οργης

¹⁸ εσονται δε ωσπερ αχυρα προ ανεμου η ωσπερ κονιορτος ον υφειλατο λαιλαψ

¹⁹ εκλιποι υιους τα υπαρχοντα αυτου ανταποδωσει προς αυτον και γνωσεται

²⁰ ιδοισαν οι οφθαλμοι αυτου την εαυτου σφαγην απο δε κυριου μη διασωθειη

²¹ οτι τι θελημα αυτου εν οικω αυτου μετ' αυτον και αριθμοι μηνων αυτου διηρεθησαν

²² ποτερον ουχι ο κυριος εστιν ο διδασκων συνεσιν και επιστημην αυτος δε φονους διακρινει

²³ ουτος αποθανειται εν κρατει απλοσυνης αυτου ολος δε ευπαθων και ευθηνων

²⁴ τα δε εγκατα αυτου πληρη στεατος μυελος δε αυτου διαχειται

²⁵ ο δε τελευτα υπο πικριας ψυχης ου φαγων ουδεν αγαθον

²⁶ ομοθυμαδον δε επι γης κοιμωνται σαπρια δε αυτους εκαλυψεν

²⁷ ωστε οιδα υμας οτι τολμη επικεισθε μοι

²⁸ οτι ερειτε που εστιν οικος αρχοντος και που εστιν η σκεπη των σκηνωματων των ασεβων

²⁹ ερωτησατε παραπορευομενους οδον και τα σημεια αυτων ουκ απαλλοτριωσετε

³⁰ οτι εις ημεραν απωλειας κουφιζεται ο πονηρος εις ημεραν οργης αυτου απαχθησονται

³¹ τις απαγγελει επι προσωπου αυτου την οδον αυτου και αυτος εποιησεν τις ανταποδωσει αυτω

³² και αυτος εις ταφους απηνεχθη και επι σορω ηγρυπνησεν

³³ εγλυκανθησαν αυτω χαλικες χειμαρρου και οπισω αυτου πας ανθρωπος απελευσεται και εμπροσθεν αυτου αναριθμητοι

³⁴ πως δε παρακαλειτε με κενα το δε εμε καταπαυσασθαι αφ' υμων ουδεν