ΠΑΡΟΙΜΙΑΙ - Proverbi - Proverbs 3

¹ υιε εμων νομιμων μη επιλανθανου τα δε ρηματα μου τηρειτω ση καρδια

² μηκος γαρ βιου και ετη ζωης και ειρηνην προσθησουσιν σοι

³ ελεημοσυναι και πιστεις μη εκλιπετωσαν σε αφαψαι δε αυτας επι σω τραχηλω και ευρησεις χαριν

⁴ και προνοου καλα ενωπιον κυριου και ανθρωπων

⁵ ισθι πεποιθως εν ολη καρδια επι θεω επι δε ση σοφια μη επαιρου

⁶ εν πασαις οδοις σου γνωριζε αυτην ινα ορθοτομη τας οδους σου ο δε πους σου ου μη προσκοπτη

⁷ μη ισθι φρονιμος παρα σεαυτω φοβου δε τον θεον και εκκλινε απο παντος κακου

⁸ τοτε ιασις εσται τω σωματι σου και επιμελεια τοις οστεοις σου

⁹ τιμα τον κυριον απο σων δικαιων πονων και απαρχου αυτω απο σων καρπων δικαιοσυνης

¹⁰ ινα πιμπληται τα ταμιεια σου πλησμονης σιτου οινω δε αι ληνοι σου εκβλυζωσιν

¹¹ υιε μη ολιγωρει παιδειας κυριου μηδε εκλυου υπ' αυτου ελεγχομενος

¹² ον γαρ αγαπα κυριος παιδευει μαστιγοι δε παντα υιον ον παραδεχεται

¹³ μακαριος ανθρωπος ος ευρεν σοφιαν και θνητος ος ειδεν φρονησιν

¹⁴ κρειττον γαρ αυτην εμπορευεσθαι η χρυσιου και αργυριου θησαυρους

¹⁵ τιμιωτερα δε εστιν λιθων πολυτελων ουκ αντιταξεται αυτη ουδεν πονηρον ευγνωστος εστιν πασιν τοις εγγιζουσιν αυτη παν δε τιμιον ουκ αξιον αυτης εστιν

¹⁶ μηκος γαρ βιου και ετη ζωης εν τη δεξια αυτης εν δε τη αριστερα αυτης πλουτος και δοξα [16α] εκ του στοματος αυτης εκπορευεται δικαιοσυνη νομον δε και ελεον επι γλωσσης φορει

¹⁷ αι οδοι αυτης οδοι καλαι και παντες οι τριβοι αυτης εν ειρηνη

¹⁸ ξυλον ζωης εστι πασι τοις αντεχομενοις αυτης και τοις επερειδομενοις επ' αυτην ως επι κυριον ασφαλης

¹⁹ ο θεος τη σοφια εθεμελιωσεν την γην ητοιμασεν δε ουρανους εν φρονησει

²⁰ εν αισθησει αβυσσοι ερραγησαν νεφη δε ερρυησαν δροσους

²¹ υιε μη παραρρυης τηρησον δε εμην βουλην και εννοιαν

²² ινα ζηση η ψυχη σου και χαρις η περι σω τραχηλω [22α] εσται δε ιασις ταις σαρξι σου και επιμελεια τοις σοις οστεοις

²³ ινα πορευη πεποιθως εν ειρηνη πασας τας οδους σου ο δε πους σου ου μη προσκοψη

²⁴ εαν γαρ καθη αφοβος εση εαν δε καθευδης ηδεως υπνωσεις

²⁵ και ου φοβηθηση πτοησιν επελθουσαν ουδε ορμας ασεβων επερχομενας

²⁶ ο γαρ κυριος εσται επι πασων οδων σου και ερεισει σον ποδα ινα μη σαλευθης

²⁷ μη αποσχη ευ ποιειν ενδεη ηνικα αν εχη η χειρ σου βοηθειν

²⁸ μη ειπης επανελθων επανηκε και αυριον δωσω δυνατου σου οντος ευ ποιειν ου γαρ οιδας τι τεξεται η επιουσα

²⁹ μη τεκτηνη επι σον φιλον κακα παροικουντα και πεποιθοτα επι σοι

³⁰ μη φιλεχθρησης προς ανθρωπον ματην μη τι εις σε εργασηται κακον

³¹ μη κτηση κακων ανδρων ονειδη μηδε ζηλωσης τας οδους αυτων

³² ακαθαρτος γαρ εναντι κυριου πας παρανομος εν δε δικαιοις ου συνεδριαζει

³³ καταρα θεου εν οικοις ασεβων επαυλεις δε δικαιων ευλογουνται

³⁴ κυριος υπερηφανοις αντιτασσεται ταπεινοις δε διδωσιν χαριν

³⁵ δοξαν σοφοι κληρονομησουσιν οι δε ασεβεις υψωσαν ατιμιαν