ΠΑΡΟΙΜΙΑΙ - Proverbi - Proverbs 23

¹ εαν καθισης δειπνειν επι τραπεζης δυναστων νοητως νοει τα παρατιθεμενα σοι

² και επιβαλλε την χειρα σου ειδως οτι τοιαυτα σε δει παρασκευασαι

³ ει δε απληστοτερος ει μη επιθυμει των εδεσματων αυτου ταυτα γαρ εχεται ζωης ψευδους

⁴ μη παρεκτεινου πενης ων πλουσιω τη δε ση εννοια αποσχου

⁵ εαν επιστησης το σον ομμα προς αυτον ουδαμου φανειται κατεσκευασται γαρ αυτω πτερυγες ωσπερ αετου και υποστρεφει εις τον οικον του προεστηκοτος αυτου

⁶ μη συνδειπνει ανδρι βασκανω μηδε επιθυμει των βρωματων αυτου

⁷ ον τροπον γαρ ει τις καταπιοι τριχα ουτως εσθιει και πινει

⁸ μηδε προς σε εισαγαγης αυτον και φαγης τον ψωμον σου μετ' αυτου εξεμεσει γαρ αυτον και λυμανειται τους λογους σου τους καλους

⁹ εις ωτα αφρονος μηδεν λεγε μηποτε μυκτηριση τους συνετους λογους σου

¹⁰ μη μεταθης ορια αιωνια εις δε κτημα ορφανων μη εισελθης

¹¹ ο γαρ λυτρουμενος αυτους κυριος κραταιος εστιν και κρινει την κρισιν αυτων μετα σου

¹² δος εις παιδειαν την καρδιαν σου τα δε ωτα σου ετοιμασον λογοις αισθησεως

¹³ μη αποσχη νηπιον παιδευειν οτι εαν παταξης αυτον ραβδω ου μη αποθανη

¹⁴ συ μεν γαρ παταξεις αυτον ραβδω την δε ψυχην αυτου εκ θανατου ρυση

¹⁵ υιε εαν σοφη γενηται σου η καρδια ευφρανεις και την εμην καρδιαν

¹⁶ και ενδιατριψει λογοις τα σα χειλη προς τα εμα χειλη εαν ορθα ωσιν

¹⁷ μη ζηλουτω η καρδια σου αμαρτωλους αλλα εν φοβω κυριου ισθι ολην την ημεραν

¹⁸ εαν γαρ τηρησης αυτα εσται σοι εκγονα η δε ελπις σου ουκ αποστησεται

¹⁹ ακουε υιε και σοφος γινου και κατευθυνε εννοιας σης καρδιας

²⁰ μη ισθι οινοποτης μηδε εκτεινου συμβολαις κρεων τε αγορασμοις

²¹ πας γαρ μεθυσος και πορνοκοπος πτωχευσει και ενδυσεται διερρηγμενα και ρακωδη πας υπνωδης

²² ακουε υιε πατρος του γεννησαντος σε και μη καταφρονει οτι γεγηρακεν σου η μητηρ

²³ -

²⁴ καλως εκτρεφει πατηρ δικαιος επι δε υιω σοφω ευφραινεται η ψυχη αυτου

²⁵ ευφραινεσθω ο πατηρ και η μητηρ επι σοι και χαιρετω η τεκουσα σε

²⁶ δος μοι υιε σην καρδιαν οι δε σοι οφθαλμοι εμας οδους τηρειτωσαν

²⁷ πιθος γαρ τετρημενος εστιν αλλοτριος οικος και φρεαρ στενον αλλοτριον

²⁸ ουτος γαρ συντομως απολειται και πας παρανομος αναλωθησεται

²⁹ τινι ουαι τινι θορυβος τινι κρισις τινι αηδιαι και λεσχαι τινι συντριμματα δια κενης τινος πελειοι οι οφθαλμοι

³⁰ ου των εγχρονιζοντων εν οινοις ου των ιχνευοντων που ποτοι γινονται

³¹ μη μεθυσκεσθε οινω αλλα ομιλειτε ανθρωποις δικαιοις και ομιλειτε εν περιπατοις εαν γαρ εις τας φιαλας και τα ποτηρια δως τους οφθαλμους σου υστερον περιπατησεις γυμνοτερος υπερου

³² το δε εσχατον ωσπερ υπο οφεως πεπληγως εκτεινεται και ωσπερ υπο κεραστου διαχειται αυτω ο ιος

³³ οι οφθαλμοι σου οταν ιδωσιν αλλοτριαν το στομα σου τοτε λαλησει σκολια

³⁴ και κατακειση ωσπερ εν καρδια θαλασσης και ωσπερ κυβερνητης εν πολλω κλυδωνι

³⁵ ερεις δε τυπτουσιν με και ουκ επονεσα και ενεπαιξαν μοι εγω δε ουκ ηδειν ποτε ορθρος εσται ινα ελθων ζητησω μεθ' ων συνελευσομαι