ΠΑΡΟΙΜΙΑΙ - Proverbi - Proverbs 18

¹ προφασεις ζητει ανηρ βουλομενος χωριζεσθαι απο φιλων εν παντι δε καιρω επονειδιστος εσται

² ου χρειαν εχει σοφιας ενδεης φρενων μαλλον γαρ αγεται αφροσυνη

³ οταν ελθη ασεβης εις βαθος κακων καταφρονει επερχεται δε αυτω ατιμια και ονειδος

⁴ υδωρ βαθυ λογος εν καρδια ανδρος ποταμος δε αναπηδυει και πηγη ζωης

⁵ θαυμασαι προσωπον ασεβους ου καλον ουδε οσιον εκκλινειν το δικαιον εν κρισει

⁶ χειλη αφρονος αγουσιν αυτον εις κακα το δε στομα αυτου το θρασυ θανατον επικαλειται

⁷ στομα αφρονος συντριβη αυτω τα δε χειλη αυτου παγις τη ψυχη αυτου

⁸ οκνηρους καταβαλλει φοβος ψυχαι δε ανδρογυνων πεινασουσιν

⁹ ο μη ιωμενος εαυτον εν τοις εργοις αυτου αδελφος εστιν του λυμαινομενου εαυτον

¹⁰ εκ μεγαλωσυνης ισχυος ονομα κυριου αυτω δε προσδραμοντες δικαιοι υψουνται

¹¹ υπαρξις πλουσιου ανδρος πολις οχυρα η δε δοξα αυτης μεγα επισκιαζει

¹² προ συντριβης υψουται καρδια ανδρος και προ δοξης ταπεινουται

¹³ ος αποκρινεται λογον πριν ακουσαι αφροσυνη αυτω εστιν και ονειδος

¹⁴ θυμον ανδρος πραυνει θεραπων φρονιμος ολιγοψυχον δε ανδρα τις υποισει

¹⁵ καρδια φρονιμου κταται αισθησιν ωτα δε σοφων ζητει εννοιαν

¹⁶ δομα ανθρωπου εμπλατυνει αυτον και παρα δυνασταις καθιζανει αυτον

¹⁷ δικαιος εαυτου κατηγορος εν πρωτολογια ως δ' αν επιβαλη ο αντιδικος ελεγχεται

¹⁸ αντιλογιας παυει κληρος εν δε δυνασταις οριζει

¹⁹ αδελφος υπο αδελφου βοηθουμενος ως πολις οχυρα και υψηλη ισχυει δε ωσπερ τεθεμελιωμενον βασιλειον

²⁰ απο καρπων στοματος ανηρ πιμπλησιν κοιλιαν αυτου απο δε καρπων χειλεων αυτου εμπλησθησεται

²¹ θανατος και ζωη εν χειρι γλωσσης οι δε κρατουντες αυτης εδονται τους καρπους αυτης

²² ος ευρεν γυναικα αγαθην ευρεν χαριτας ελαβεν δε παρα θεου ιλαροτητα [22α] ος εκβαλλει γυναικα αγαθην εκβαλλει τα αγαθα ο δε κατεχων μοιχαλιδα αφρων και ασεβης