ΠΑΡΟΙΜΙΑΙ - Proverbi - Proverbs 1

¹ παροιμιαι σαλωμωντος υιου δαυιδ ος εβασιλευσεν εν ισραηλ

² γνωναι σοφιαν και παιδειαν νοησαι τε λογους φρονησεως

³ δεξασθαι τε στροφας λογων νοησαι τε δικαιοσυνην αληθη και κριμα κατευθυνειν

⁴ ινα δω ακακοις πανουργιαν παιδι δε νεω αισθησιν τε και εννοιαν

⁵ τωνδε γαρ ακουσας σοφος σοφωτερος εσται ο δε νοημων κυβερνησιν κτησεται

⁶ νοησει τε παραβολην και σκοτεινον λογον ρησεις τε σοφων και αινιγματα

⁷ αρχη σοφιας φοβος θεου συνεσις δε αγαθη πασι τοις ποιουσιν αυτην ευσεβεια δε εις θεον αρχη αισθησεως σοφιαν δε και παιδειαν ασεβεις εξουθενησουσιν

⁸ ακουε υιε παιδειαν πατρος σου και μη απωση θεσμους μητρος σου

⁹ στεφανον γαρ χαριτων δεξη ση κορυφη και κλοιον χρυσεον περι σω τραχηλω

¹⁰ υιε μη σε πλανησωσιν ανδρες ασεβεις μηδε βουληθης εαν παρακαλεσωσι σε λεγοντες

¹¹ ελθε μεθ' ημων κοινωνησον αιματος κρυψωμεν δε εις γην ανδρα δικαιον αδικως

¹² καταπιωμεν δε αυτον ωσπερ αδης ζωντα και αρωμεν αυτου την μνημην εκ γης

¹³ την κτησιν αυτου την πολυτελη καταλαβωμεθα πλησωμεν δε οικους ημετερους σκυλων

¹⁴ τον δε σον κληρον βαλε εν ημιν κοινον δε βαλλαντιον κτησωμεθα παντες και μαρσιππιον εν γενηθητω ημιν

¹⁵ μη πορευθης εν οδω μετ' αυτων εκκλινον δε τον ποδα σου εκ των τριβων αυτων

¹⁶ οι γαρ ποδες αυτων εις κακιαν τρεχουσιν και ταχινοι του εκχεαι αιμα

¹⁷ ου γαρ αδικως εκτεινεται δικτυα πτερωτοις

¹⁸ αυτοι γαρ οι φονου μετεχοντες θησαυριζουσιν εαυτοις κακα η δε καταστροφη ανδρων παρανομων κακη

¹⁹ αυται αι οδοι εισιν παντων των συντελουντων τα ανομα τη γαρ ασεβεια την εαυτων ψυχην αφαιρουνται

²⁰ σοφια εν εξοδοις υμνειται εν δε πλατειαις παρρησιαν αγει

²¹ επ' ακρων δε τειχεων κηρυσσεται επι δε πυλαις δυναστων παρεδρευει επι δε πυλαις πολεως θαρρουσα λεγει

²² οσον αν χρονον ακακοι εχωνται της δικαιοσυνης ουκ αισχυνθησονται οι δε αφρονες της υβρεως οντες επιθυμηται ασεβεις γενομενοι εμισησαν αισθησιν

²³ και υπευθυνοι εγενοντο ελεγχοις ιδου προησομαι υμιν εμης πνοης ρησιν διδαξω δε υμας τον εμον λογον

²⁴ επειδη εκαλουν και ουχ υπηκουσατε και εξετεινον λογους και ου προσειχετε

²⁵ αλλα ακυρους εποιειτε εμας βουλας τοις δε εμοις ελεγχοις ηπειθησατε

²⁶ τοιγαρουν καγω τη υμετερα απωλεια επιγελασομαι καταχαρουμαι δε ηνικα αν ερχηται υμιν ολεθρος

²⁷ και ως αν αφικηται υμιν αφνω θορυβος η δε καταστροφη ομοιως καταιγιδι παρη και οταν ερχηται υμιν θλιψις και πολιορκια η οταν ερχηται υμιν ολεθρος

²⁸ εσται γαρ οταν επικαλεσησθε με εγω δε ουκ εισακουσομαι υμων ζητησουσιν με κακοι και ουχ ευρησουσιν

²⁹ εμισησαν γαρ σοφιαν τον δε φοβον του κυριου ου προειλαντο

³⁰ ουδε ηθελον εμαις προσεχειν βουλαις εμυκτηριζον δε εμους ελεγχους

³¹ τοιγαρουν εδονται της εαυτων οδου τους καρπους και της εαυτων ασεβειας πλησθησονται

³² ανθ' ων γαρ ηδικουν νηπιους φονευθησονται και εξετασμος ασεβεις ολει

³³ ο δε εμου ακουων κατασκηνωσει επ' ελπιδι και ησυχασει αφοβως απο παντος κακου