ΨΑΛΜΟΙ - Salmi - Psalms 80

¹ εις το τελος υπερ των ληνων τω ασαφ ψαλμος

² αγαλλιασθε τω θεω τω βοηθω ημων αλαλαξατε τω θεω ιακωβ

³ λαβετε ψαλμον και δοτε τυμπανον ψαλτηριον τερπνον μετα κιθαρας

⁴ σαλπισατε εν νεομηνια σαλπιγγι εν ευσημω ημερα εορτης ημων

⁵ οτι προσταγμα τω ισραηλ εστιν και κριμα τω θεω ιακωβ

⁶ μαρτυριον εν τω ιωσηφ εθετο αυτον εν τω εξελθειν αυτον εκ γης αιγυπτου γλωσσαν ην ουκ εγνω ηκουσεν

⁷ απεστησεν απο αρσεων τον νωτον αυτου αι χειρες αυτου εν τω κοφινω εδουλευσαν

⁸ εν θλιψει επεκαλεσω με και ερρυσαμην σε επηκουσα σου εν αποκρυφω καταιγιδος εδοκιμασα σε επι υδατος αντιλογιας διαψαλμα

⁹ ακουσον λαος μου και διαμαρτυρομαι σοι ισραηλ εαν ακουσης μου

¹⁰ ουκ εσται εν σοι θεος προσφατος ουδε προσκυνησεις θεω αλλοτριω

¹¹ εγω γαρ ειμι κυριος ο θεος σου ο αναγαγων σε εκ γης αιγυπτου πλατυνον το στομα σου και πληρωσω αυτο

¹² και ουκ ηκουσεν ο λαος μου της φωνης μου και ισραηλ ου προσεσχεν μοι

¹³ και εξαπεστειλα αυτους κατα τα επιτηδευματα των καρδιων αυτων πορευσονται εν τοις επιτηδευμασιν αυτων

¹⁴ ει ο λαος μου ηκουσεν μου ισραηλ ταις οδοις μου ει επορευθη

¹⁵ εν τω μηδενι αν τους εχθρους αυτων εταπεινωσα και επι τους θλιβοντας αυτους επεβαλον την χειρα μου

¹⁶ οι εχθροι κυριου εψευσαντο αυτω και εσται ο καιρος αυτων εις τον αιωνα

¹⁷ και εψωμισεν αυτους εκ στεατος πυρου και εκ πετρας μελι εχορτασεν αυτους