ΨΑΛΜΟΙ - Salmi - Psalms 55

¹ εις το τελος υπερ του λαου του απο των αγιων μεμακρυμμενου τω δαυιδ εις στηλογραφιαν οποτε εκρατησαν αυτον οι αλλοφυλοι εν γεθ

² ελεησον με κυριε οτι κατεπατησεν με ανθρωπος ολην την ημεραν πολεμων εθλιψεν με

³ κατεπατησαν με οι εχθροι μου ολην την ημεραν οτι πολλοι οι πολεμουντες με απο υψους

⁴ ημερας φοβηθησομαι εγω δε επι σοι ελπιω

⁵ εν τω θεω επαινεσω τους λογους μου ολην την ημεραν επι τω θεω ηλπισα ου φοβηθησομαι τι ποιησει μοι σαρξ

⁶ ολην την ημεραν τους λογους μου εβδελυσσοντο κατ' εμου παντες οι διαλογισμοι αυτων εις κακον

⁷ παροικησουσιν και κατακρυψουσιν αυτοι την πτερναν μου φυλαξουσιν καθαπερ υπεμειναν την ψυχην μου

⁸ υπερ του μηθενος σωσεις αυτους εν οργη λαους καταξεις ο θεος

⁹ την ζωην μου εξηγγειλα σοι εθου τα δακρυα μου ενωπιον σου ως και εν τη επαγγελια σου

¹⁰ επιστρεψουσιν οι εχθροι μου εις τα οπισω εν η αν ημερα επικαλεσωμαι σε ιδου εγνων οτι θεος μου ει συ

¹¹ επι τω θεω αινεσω ρημα επι τω κυριω αινεσω λογον

¹² επι τω θεω ηλπισα ου φοβηθησομαι τι ποιησει μοι ανθρωπος

¹³ εν εμοι ο θεος αι ευχαι ας αποδωσω αινεσεως σοι

¹⁴ οτι ερρυσω την ψυχην μου εκ θανατου και τους ποδας μου εξ ολισθηματος του ευαρεστησαι ενωπιον του θεου εν φωτι ζωντων