ΨΑΛΜΟΙ - Salmi - Psalms 24

¹ ψαλμος τω δαυιδ προς σε κυριε ηρα την ψυχην μου ο θεος μου

² επι σοι πεποιθα μη καταισχυνθειην μηδε καταγελασατωσαν μου οι εχθροι μου

³ και γαρ παντες οι υπομενοντες σε ου μη καταισχυνθωσιν αισχυνθητωσαν παντες οι ανομουντες δια κενης

⁴ τας οδους σου κυριε γνωρισον μοι και τας τριβους σου διδαξον με

⁵ οδηγησον με επι την αληθειαν σου και διδαξον με οτι συ ει ο θεος ο σωτηρ μου και σε υπεμεινα ολην την ημεραν

⁶ μνησθητι των οικτιρμων σου κυριε και τα ελεη σου οτι απο του αιωνος εισιν

⁷ αμαρτιας νεοτητος μου και αγνοιας μου μη μνησθης κατα το ελεος σου μνησθητι μου συ ενεκα της χρηστοτητος σου κυριε

⁸ χρηστος και ευθης ο κυριος δια τουτο νομοθετησει αμαρτανοντας εν οδω

⁹ οδηγησει πραεις εν κρισει διδαξει πραεις οδους αυτου

¹⁰ πασαι αι οδοι κυριου ελεος και αληθεια τοις εκζητουσιν την διαθηκην αυτου και τα μαρτυρια αυτου

¹¹ ενεκα του ονοματος σου κυριε και ιλαση τη αμαρτια μου πολλη γαρ εστιν

¹² τις εστιν ανθρωπος ο φοβουμενος τον κυριον νομοθετησει αυτω εν οδω η ηρετισατο

¹³ η ψυχη αυτου εν αγαθοις αυλισθησεται και το σπερμα αυτου κληρονομησει γην

¹⁴ κραταιωμα κυριος των φοβουμενων αυτον και το ονομα κυριου των φοβουμενων αυτον και η διαθηκη αυτου του δηλωσαι αυτοις

¹⁵ οι οφθαλμοι μου δια παντος προς τον κυριον οτι αυτος εκσπασει εκ παγιδος τους ποδας μου

¹⁶ επιβλεψον επ' εμε και ελεησον με οτι μονογενης και πτωχος ειμι εγω

¹⁷ αι θλιψεις της καρδιας μου επλατυνθησαν εκ των αναγκων μου εξαγαγε με

¹⁸ ιδε την ταπεινωσιν μου και τον κοπον μου και αφες πασας τας αμαρτιας μου

¹⁹ ιδε τους εχθρους μου οτι επληθυνθησαν και μισος αδικον εμισησαν με

²⁰ φυλαξον την ψυχην μου και ρυσαι με μη καταισχυνθειην οτι ηλπισα επι σε

²¹ ακακοι και ευθεις εκολλωντο μοι οτι υπεμεινα σε κυριε

²² λυτρωσαι ο θεος τον ισραηλ εκ πασων των θλιψεων αυτου