ΨΑΛΜΟΙ - Salmi - Psalms 101

¹ προσευχη τω πτωχω οταν ακηδιαση και εναντιον κυριου εκχεη την δεησιν αυτου

² εισακουσον κυριε της προσευχης μου και η κραυγη μου προς σε ελθατω

³ μη αποστρεψης το προσωπον σου απ' εμου εν η αν ημερα θλιβωμαι κλινον το ους σου προς με εν η αν ημερα επικαλεσωμαι σε ταχυ εισακουσον μου

⁴ οτι εξελιπον ωσει καπνος αι ημεραι μου και τα οστα μου ωσει φρυγιον συνεφρυγησαν

⁵ επληγη ωσει χορτος και εξηρανθη η καρδια μου οτι επελαθομην του φαγειν τον αρτον μου

⁶ απο φωνης του στεναγμου μου εκολληθη το οστουν μου τη σαρκι μου

⁷ ωμοιωθην πελεκανι ερημικω εγενηθην ωσει νυκτικοραξ εν οικοπεδω

⁸ ηγρυπνησα και εγενηθην ωσει στρουθιον μοναζον επι δωματι

⁹ ολην την ημεραν ωνειδιζον με οι εχθροι μου και οι επαινουντες με κατ' εμου ωμνυον

¹⁰ οτι σποδον ωσει αρτον εφαγον και το πομα μου μετα κλαυθμου εκιρνων

¹¹ απο προσωπου της οργης σου και του θυμου σου οτι επαρας κατερραξας με

¹² αι ημεραι μου ωσει σκια εκλιθησαν και εγω ωσει χορτος εξηρανθην

¹³ συ δε κυριε εις τον αιωνα μενεις και το μνημοσυνον σου εις γενεαν και γενεαν

¹⁴ συ αναστας οικτιρησεις την σιων οτι καιρος του οικτιρησαι αυτην οτι ηκει καιρος

¹⁵ οτι ευδοκησαν οι δουλοι σου τους λιθους αυτης και τον χουν αυτης οικτιρησουσιν

¹⁶ και φοβηθησονται τα εθνη το ονομα κυριου και παντες οι βασιλεις της γης την δοξαν σου

¹⁷ οτι οικοδομησει κυριος την σιων και οφθησεται εν τη δοξη αυτου

¹⁸ επεβλεψεν επι την προσευχην των ταπεινων και ουκ εξουδενωσεν την δεησιν αυτων

¹⁹ γραφητω αυτη εις γενεαν ετεραν και λαος ο κτιζομενος αινεσει τον κυριον

²⁰ οτι εξεκυψεν εξ υψους αγιου αυτου κυριος εξ ουρανου επι την γην επεβλεψεν

²¹ του ακουσαι τον στεναγμον των πεπεδημενων του λυσαι τους υιους των τεθανατωμενων

²² του αναγγειλαι εν σιων το ονομα κυριου και την αινεσιν αυτου εν ιερουσαλημ

²³ εν τω συναχθηναι λαους επι το αυτο και βασιλειας του δουλευειν τω κυριω

²⁴ απεκριθη αυτω εν οδω ισχυος αυτου την ολιγοτητα των ημερων μου αναγγειλον μοι

²⁵ μη αναγαγης με εν ημισει ημερων μου εν γενεα γενεων τα ετη σου

²⁶ κατ' αρχας συ κυριε την γην εθεμελιωσας και εργα των χειρων σου εισιν οι ουρανοι

²⁷ αυτοι απολουνται συ δε διαμενεις και παντες ως ιματιον παλαιωθησονται και ωσει περιβολαιον αλλαξεις αυτους και αλλαγησονται

²⁸ συ δε ο αυτος ει και τα ετη σου ουκ εκλειψουσιν

²⁹ οι υιοι των δουλων σου κατασκηνωσουσιν και το σπερμα αυτων εις τον αιωνα κατευθυνθησεται