ΙΩΒ - Giobbe - Job 6

¹ υπολαβων δε ιωβ λεγει

² ει γαρ τις ιστων στησαι μου την οργην τας δε οδυνας μου αραι εν ζυγω ομοθυμαδον

³ και δη αμμου παραλιας βαρυτερα εσται αλλ' ως εοικεν τα ρηματα μου εστιν φαυλα

⁴ βελη γαρ κυριου εν τω σωματι μου εστιν ων ο θυμος αυτων εκπινει μου το αιμα οταν αρξωμαι λαλειν κεντουσι με

⁵ τι γαρ μη δια κενης κεκραξεται ονος αγριος αλλ' η τα σιτα ζητων ει δε και ρηξει φωνην βους επι φατνης εχων τα βρωματα

⁶ ει βρωθησεται αρτος ανευ αλος ει δε και εστιν γευμα εν ρημασιν κενοις

⁷ ου δυναται γαρ παυσασθαι μου η ψυχη βρομον γαρ ορω τα σιτα μου ωσπερ οσμην λεοντος

⁸ ει γαρ δωη και ελθοι μου η αιτησις και την ελπιδα μου δωη ο κυριος

⁹ αρξαμενος ο κυριος τρωσατω με εις τελος δε μη με ανελετω

¹⁰ ειη δε μου πολις ταφος εφ' ης επι τειχεων ηλλομην επ' αυτης ου μη φεισωμαι ου γαρ εψευσαμην ρηματα αγια θεου μου

¹¹ τις γαρ μου η ισχυς οτι υπομενω η τις μου ο χρονος οτι ανεχεται μου η ψυχη

¹² μη ισχυς λιθων η ισχυς μου η αι σαρκες μου εισιν χαλκειαι

¹³ η ουκ επ' αυτω επεποιθειν βοηθεια δε απ' εμου απεστιν

¹⁴ απειπατο με ελεος επισκοπη δε κυριου υπερειδεν με

¹⁵ ου προσειδον με οι εγγυτατοι μου ωσπερ χειμαρρους εκλειπων η ωσπερ κυμα παρηλθον με

¹⁶ οιτινες με διευλαβουντο νυν επιπεπτωκασιν μοι ωσπερ χιων η κρυσταλλος πεπηγως

¹⁷ καθως τακεισα θερμης γενομενης ουκ επεγνωσθη οπερ ην

¹⁸ ουτως καγω κατελειφθην υπο παντων απωλομην δε και εξοικος εγενομην

¹⁹ ιδετε οδους θαιμανων ατραπους σαβων οι διορωντες

²⁰ και αισχυνην οφειλησουσιν οι επι πολεσιν και χρημασιν πεποιθοτες

²¹ αταρ δε και υμεις επεβητε μοι ανελεημονως ωστε ιδοντες το εμον τραυμα φοβηθητε

²² τι γαρ μη τι υμας ητησα η της παρ' υμων ισχυος επιδεομαι

²³ ωστε σωσαι με εξ εχθρων η εκ χειρος δυναστων ρυσασθαι με

²⁴ διδαξατε με εγω δε κωφευσω ει τι πεπλανημαι φρασατε μοι

²⁵ αλλ' ως εοικεν φαυλα αληθινου ρηματα ου γαρ παρ' υμων ισχυν αιτουμαι

²⁶ ουδε ο ελεγχος υμων ρημασιν με παυσει ουδε γαρ υμων φθεγμα ρηματος ανεξομαι

²⁷ πλην οτι επ' ορφανω επιπιπτετε εναλλεσθε δε επι φιλω υμων

²⁸ νυνι δε εισβλεψας εις προσωπα υμων ου ψευσομαι

²⁹ καθισατε δη και μη ειη αδικον και παλιν τω δικαιω συνερχεσθε

³⁰ ου γαρ εστιν εν γλωσση μου αδικον η ο λαρυγξ μου ουχι συνεσιν μελετα