ΙΩΒ - Giobbe - Job 39

¹ ει εγνως καιρον τοκετου τραγελαφων πετρας εφυλαξας δε ωδινας ελαφων

² ηριθμησας δε αυτων μηνας πληρεις τοκετου ωδινας δε αυτων ελυσας

³ εξεθρεψας δε αυτων τα παιδια εξω φοβου ωδινας αυτων εξαποστελεις

⁴ απορρηξουσιν τα τεκνα αυτων πληθυνθησονται εν γενηματι εξελευσονται και ου μη ανακαμψουσιν αυτοις

⁵ τις δε εστιν ο αφεις ονον αγριον ελευθερον δεσμους δε αυτου τις ελυσεν

⁶ εθεμην δε την διαιταν αυτου ερημον και τα σκηνωματα αυτου αλμυριδα

⁷ καταγελων πολυοχλιας πολεως μεμψιν δε φορολογου ουκ ακουων

⁸ κατασκεψεται ορη νομην αυτου και οπισω παντος χλωρου ζητει

⁹ βουλησεται δε σοι μονοκερως δουλευσαι η κοιμηθηναι επι φατνης σου

¹⁰ δησεις δε εν ιμασι ζυγον αυτου η ελκυσει σου αυλακας εν πεδιω

¹¹ πεποιθας δε επ' αυτω οτι πολλη η ισχυς αυτου επαφησεις δε αυτω τα εργα σου

¹² πιστευσεις δε οτι αποδωσει σοι τον σπορον εισοισει δε σου τον αλωνα

¹³ πτερυξ τερπομενων νεελασα εαν συλλαβη ασιδα και νεσσα

¹⁴ οτι αφησει εις γην τα ωα αυτης και επι χουν θαλψει

¹⁵ και επελαθετο οτι πους σκορπιει και θηρια αγρου καταπατησει

¹⁶ απεσκληρυνεν τα τεκνα αυτης ωστε μη εαυτη εις κενον εκοπιασεν ανευ φοβου

¹⁷ οτι κατεσιωπησεν αυτη ο θεος σοφιαν και ουκ εμερισεν αυτη εν τη συνεσει

¹⁸ κατα καιρον εν υψει υψωσει καταγελασεται ιππου και του επιβατου αυτου

¹⁹ η συ περιεθηκας ιππω δυναμιν ενεδυσας δε τραχηλω αυτου φοβον

²⁰ περιεθηκας δε αυτω πανοπλιαν δοξαν δε στηθεων αυτου τολμη

²¹ ανορυσσων εν πεδιω γαυρια εκπορευεται δε εις πεδιον εν ισχυι

²² συναντων βελει καταγελα και ου μη αποστραφη απο σιδηρου

²³ επ' αυτω γαυρια τοξον και μαχαιρα

²⁴ και οργη αφανιει την γην και ου μη πιστευση εως αν σημανη σαλπιγξ

²⁵ σαλπιγγος δε σημαινουσης λεγει ευγε πορρωθεν δε οσφραινεται πολεμου συν αλματι και κραυγη

²⁶ εκ δε της σης επιστημης εστηκεν ιεραξ αναπετασας τας πτερυγας ακινητος καθορων τα προς νοτον

²⁷ επι δε σω προσταγματι υψουται αετος γυψ δε επι νοσσιας αυτου καθεσθεις αυλιζεται

²⁸ επ' εξοχη πετρας και αποκρυφω

²⁹ εκεισε ων ζητει τα σιτα πορρωθεν οι οφθαλμοι αυτου σκοπευουσιν

³⁰ νεοσσοι δε αυτου φυρονται εν αιματι ου δ' αν ωσι τεθνεωτες παραχρημα ευρισκονται