ΙΩΒ - Giobbe - Job 29

¹ ετι δε προσθεις ιωβ ειπεν τω προοιμιω

² τις αν με θειη κατα μηνα εμπροσθεν ημερων ων με ο θεος εφυλαξεν

³ ως οτε ηυγει ο λυχνος αυτου υπερ κεφαλης μου οτε τω φωτι αυτου επορευομην εν σκοτει

⁴ οτε ημην επιβριθων οδοις οτε ο θεος επισκοπην εποιειτο του οικου μου

⁵ οτε ημην υλωδης λιαν κυκλω δε μου οι παιδες

⁶ οτε εχεοντο μου αι οδοι βουτυρω τα δε ορη μου εχεοντο γαλακτι

⁷ οτε εξεπορευομην ορθριος εν πολει εν δε πλατειαις ετιθετο μου ο διφρος

⁸ ιδοντες με νεανισκοι εκρυβησαν πρεσβυται δε παντες εστησαν

⁹ αδροι δε επαυσαντο λαλουντες δακτυλον επιθεντες επι στοματι

¹⁰ οι δε ακουσαντες εμακαρισαν με και γλωσσα αυτων τω λαρυγγι αυτων εκολληθη

¹¹ οτι ους ηκουσεν και εμακαρισεν με οφθαλμος δε ιδων με εξεκλινεν

¹² διεσωσα γαρ πτωχον εκ χειρος δυναστου και ορφανω ω ουκ ην βοηθος εβοηθησα

¹³ ευλογια απολλυμενου επ' εμε ελθοι στομα δε χηρας με ευλογησεν

¹⁴ δικαιοσυνην δε ενεδεδυκειν ημφιασαμην δε κριμα ισα διπλοιδι

¹⁵ οφθαλμος ημην τυφλων πους δε χωλων

¹⁶ εγω ημην πατηρ αδυνατων δικην δε ην ουκ ηδειν εξιχνιασα

¹⁷ συνετριψα δε μυλας αδικων εκ δε μεσου των οδοντων αυτων αρπαγμα εξεσπασα

¹⁸ ειπα δε η ηλικια μου γηρασει ωσπερ στελεχος φοινικος πολυν χρονον βιωσω

¹⁹ η ριζα μου διηνοικται επι υδατος και δροσος αυλισθησεται εν τω θερισμω μου

²⁰ η δοξα μου καινη μετ' εμου και το τοξον μου εν χειρι αυτου πορευσεται

²¹ εμου ακουσαντες προσεσχον εσιωπησαν δε επι τη εμη βουλη

²² επι δε τω εμω ρηματι ου προσεθεντο περιχαρεις δε εγινοντο οποταν αυτοις ελαλουν

²³ ωσπερ γη διψωσα προσδεχομενη τον υετον ουτως ουτοι την εμην λαλιαν

²⁴ εαν γελασω προς αυτους ου μη πιστευσωσιν και φως του προσωπου μου ουκ απεπιπτεν

²⁵ εξελεξαμην οδον αυτων και εκαθισα αρχων και κατεσκηνουν ωσει βασιλευς εν μονοζωνοις ον τροπον παθεινους παρακαλων