ΙΩΒ - Giobbe - Job 22

¹ υπολαβων δε ελιφας ο θαιμανιτης λεγει

² ποτερον ουχι ο κυριος εστιν ο διδασκων συνεσιν και επιστημην

³ τι γαρ μελει τω κυριω εαν συ ησθα τοις εργοις αμεμπτος η ωφελεια οτι απλωσης την οδον σου

⁴ η λογον σου ποιουμενος ελεγξει σε και συνεισελευσεται σοι εις κρισιν

⁵ ποτερον ουχ η κακια σου εστιν πολλη αναριθμητοι δε σου εισιν αι αμαρτιαι

⁶ ηνεχυραζες δε τους αδελφους σου δια κενης αμφιασιν δε γυμνων αφειλου

⁷ ουδε υδωρ διψωντας εποτισας αλλα πεινωντων εστερησας ψωμον

⁸ εθαυμασας δε τινων προσωπον ωκισας δε τους επι της γης

⁹ χηρας δε εξαπεστειλας κενας ορφανους δε εκακωσας

¹⁰ τοιγαρουν εκυκλωσαν σε παγιδες και εσπουδασεν σε πολεμος εξαισιος

¹¹ το φως σοι σκοτος απεβη κοιμηθεντα δε υδωρ σε εκαλυψεν

¹² μη ουχι ο τα υψηλα ναιων εφορα τους δε υβρει φερομενους εταπεινωσεν

¹³ και ειπας τι εγνω ο ισχυρος η κατα του γνοφου κρινει

¹⁴ νεφη αποκρυφη αυτου και ουχ οραθησεται και γυρον ουρανου διαπορευσεται

¹⁵ μη τριβον αιωνιον φυλαξεις ην επατησαν ανδρες αδικοι

¹⁶ οι συνελημφθησαν αωροι ποταμος επιρρεων οι θεμελιοι αυτων

¹⁷ οι λεγοντες κυριος τι ποιησει ημιν η τι επαξεται ημιν ο παντοκρατωρ

¹⁸ ος δε ενεπλησεν τους οικους αυτων αγαθων βουλη δε ασεβων πορρω απ' αυτου

¹⁹ ιδοντες δικαιοι εγελασαν αμεμπτος δε εμυκτηρισεν

²⁰ ει μη ηφανισθη η υποστασις αυτων και το καταλειμμα αυτων καταφαγεται πυρ

²¹ γενου δη σκληρος εαν υπομεινης ειτ' ο καρπος σου εσται εν αγαθοις

²² εκλαβε δε εκ στοματος αυτου εξηγοριαν και αναλαβε τα ρηματα αυτου εν καρδια σου

²³ εαν δε επιστραφης και ταπεινωσης σεαυτον εναντι κυριου πορρω εποιησας απο διαιτης σου το αδικον

²⁴ θηση επι χωματι εν πετρα και ως πετρα χειμαρρους ωφιρ

²⁵ εσται ουν σου ο παντοκρατωρ βοηθος απο εχθρων καθαρον δε αποδωσει σε ωσπερ αργυριον πεπυρωμενον

²⁶ ειτα παρρησιασθηση εναντι κυριου αναβλεψας εις τον ουρανον ιλαρως

²⁷ ευξαμενου δε σου προς αυτον εισακουσεται σου δωσει δε σοι αποδουναι τας ευχας

²⁸ αποκαταστησει δε σοι διαιταν δικαιοσυνης επι δε οδοις σου εσται φεγγος

²⁹ οτι εταπεινωσεν αυτον και ερεις υπερηφανευσατο και κυφοντα οφθαλμοις σωσει

³⁰ ρυσεται αθωον και διασωθητι εν καθαραις χερσιν σου