ΙΩΒ - Giobbe - Job 14

¹ βροτος γαρ γεννητος γυναικος ολιγοβιος και πληρης οργης

² η ωσπερ ανθος ανθησαν εξεπεσεν απεδρα δε ωσπερ σκια και ου μη στη

³ ουχι και τουτου λογον εποιησω και τουτον εποιησας εισελθειν εν κριματι ενωπιον σου

⁴ τις γαρ καθαρος εσται απο ρυπου αλλ' ουθεις

⁵ εαν και μια ημερα ο βιος αυτου επι της γης αριθμητοι δε μηνες αυτου παρα σοι εις χρονον εθου και ου μη υπερβη

⁶ αποστα απ' αυτου ινα ησυχαση και ευδοκηση τον βιον ωσπερ ο μισθωτος

⁷ εστιν γαρ δενδρω ελπις εαν γαρ εκκοπη ετι επανθησει και ο ραδαμνος αυτου ου μη εκλιπη

⁸ εαν γαρ γηραση εν γη η ριζα αυτου εν δε πετρα τελευτηση το στελεχος αυτου

⁹ απο οσμης υδατος ανθησει ποιησει δε θερισμον ωσπερ νεοφυτον

¹⁰ ανηρ δε τελευτησας ωχετο πεσων δε βροτος ουκετι εστιν

¹¹ χρονω γαρ σπανιζεται θαλασσα ποταμος δε ερημωθεις εξηρανθη

¹² ανθρωπος δε κοιμηθεις ου μη αναστη εως αν ο ουρανος ου μη συρραφη και ουκ εξυπνισθησονται εξ υπνου αυτων

¹³ ει γαρ οφελον εν αδη με εφυλαξας εκρυψας δε με εως αν παυσηται σου η οργη και ταξη μοι χρονον εν ω μνειαν μου ποιηση

¹⁴ εαν γαρ αποθανη ανθρωπος ζησεται συντελεσας ημερας του βιου αυτου υπομενω εως αν παλιν γενωμαι

¹⁵ ειτα καλεσεις εγω δε σοι υπακουσομαι τα δε εργα των χειρων σου μη αποποιου

¹⁶ ηριθμησας δε μου τα επιτηδευματα και ου μη παρελθη σε ουδεν των αμαρτιων μου

¹⁷ εσφραγισας δε μου τας ανομιας εν βαλλαντιω επεσημηνω δε ει τι ακων παρεβην

¹⁸ και πλην ορος πιπτον διαπεσειται και πετρα παλαιωθησεται εκ του τοπου αυτης

¹⁹ λιθους ελεαναν υδατα και κατεκλυσεν υδατα υπτια του χωματος της γης και υπομονην ανθρωπου απωλεσας

²⁰ ωσας αυτον εις τελος και ωχετο επεστησας αυτω το προσωπον και εξαπεστειλας

²¹ πολλων δε γενομενων των υιων αυτου ουκ οιδεν εαν δε ολιγοι γενωνται ουκ επισταται

²² αλλ' η αι σαρκες αυτου ηλγησαν η δε ψυχη αυτου επενθησεν