Jó 35
123456789101112131415161718192021222324252627282930313233343536373839404142
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Igitur Eliu hæc rursum locutus est : | 1 Igitur Eliu haec rursum locutus est: |
2 Numquid æqua tibi videtur tua cogitatio, ut diceres : Justior sum Deo ? | 2 “ Numquid aequa tibi videtur tua cogitatio, ut diceres: “Iustificatio mea coram Deo”? |
3 Dixisti enim : Non tibi placet quod rectum est : vel quid tibi proderit, si ego peccavero ? | 3 Dixisti enim: “Quid ad te? Vel quid tibi proderit, si ego peccavero?”. |
4 Itaque ego respondebo sermonibus tuis, et amicis tuis tecum. | 4 Itaque ego respondebo sermonibus tuis et amicis tuis tecum. |
5 Suspice cælum, et intuere : et contemplare æthera quod altior te sit. | 5 Suspice caelum et intuere et contemplare nubes quod altiores te sint. |
6 Si peccaveris, quid ei nocebis ? et si multiplicatæ fuerint iniquitates tuæ, quid facies contra eum ? | 6 Si peccaveris, quid facies ei? Et si multiplicatae fuerint iniquitates tuae, quid facies contra eum? |
7 Porro si juste egeris, quid donabis ei ? aut quid de manu tua accipiet ? | 7 Porro si iuste egeris, quid donabis ei? Aut quid de manu tua accipiet? |
8 Homini qui similis tui est, nocebit impietas tua : et filium hominis adjuvabit justitia tua. | 8 Homini, qui similis tui est, nocebit impietas tua, et filium hominis adiuvabit iustitia tua. |
9 Propter multitudinem calumniatorum clamabunt, et ejulabunt propter vim brachii tyrannorum. | 9 Propter multitudinem oppressorum clamabunt et eiulabunt propter vim brachii tyrannorum, |
10 Et non dixit : Ubi est Deus qui fecit me, qui dedit carmina in nocte ; | 10 sed nemo dixit: “Ubi est Deus, qui fecit me, qui dedit carmina in nocte, |
11 qui docet nos super jumenta terræ, et super volucres cæli erudit nos ? | 11 qui docet nos super iumenta terrae et super volucres caeli erudit nos?”. |
12 Ibi clamabunt, et non exaudiet, propter superbiam malorum. | 12 Ibi clamabunt, et non exaudiet, propter superbiam malorum. |
13 Non ergo frustra audiet Deus, et Omnipotens causas singulorum intuebitur. | 13 Etiam, frustra: non audiet Deus, et Omnipotens non intuebitur. |
14 Etiam cum dixeris : Non considerat : judicare coram illo, et expecta eum. | 14 Omnino cum dixeris: “Non considerat”, iudicium est coram illo, et exspectas eum. |
15 Nunc enim non infert furorem suum, nec ulciscitur scelus valde. | 15 Et nunc cum dicis: “Ira eius poenas non infert, nec ulciscitur scelus valde”, |
16 Ergo Job frustra aperit os suum, et absque scientia verba multiplicat. | 16 Iob frustra aperit os suum et absque scientia verba multiplicat ”. |