ΣΟΦΙΑ ΣΕΙΡΑΧ - Siracide - Sirach 32

¹ ηγουμενον σε κατεστησαν μη επαιρου γινου εν αυτοις ως εις εξ αυτων φροντισον αυτων και ουτω καθισον

² και πασαν την χρειαν σου ποιησας αναπεσε ινα ευφρανθης δι' αυτους και ευκοσμιας χαριν λαβης στεφανον

³ λαλησον πρεσβυτερε πρεπει γαρ σοι εν ακριβει επιστημη και μη εμποδισης μουσικα

⁴ οπου ακροαμα μη εκχεης λαλιαν και ακαιρως μη σοφιζου

⁵ σφραγις ανθρακος επι κοσμω χρυσω συγκριμα μουσικων εν συμποσιω οινου

⁶ εν κατασκευασματι χρυσω σφραγις σμαραγδου μελος μουσικων εφ' ηδει οινω

⁷ λαλησον νεανισκε ει χρεια σου μολις δις εαν επερωτηθης

⁸ κεφαλαιωσον λογον εν ολιγοις πολλα γινου ως γινωσκων και αμα σιωπων

⁹ εν μεσω μεγιστανων μη εξισαζου και ετερου λεγοντος μη πολλα αδολεσχει

¹⁰ προ βροντης κατασπευδει αστραπη και προ αισχυντηρου προελευσεται χαρις

¹¹ εν ωρα εξεγειρου και μη ουραγει αποτρεχε εις οικον και μη ραθυμει

¹² εκει παιζε και ποιει τα ενθυμηματα σου και μη αμαρτης λογω υπερηφανω

¹³ και επι τουτοις ευλογησον τον ποιησαντα σε και μεθυσκοντα σε απο των αγαθων αυτου

¹⁴ ο φοβουμενος κυριον εκδεξεται παιδειαν και οι ορθριζοντες ευρησουσιν ευδοκιαν

¹⁵ ο ζητων νομον εμπλησθησεται αυτου και ο υποκρινομενος σκανδαλισθησεται εν αυτω

¹⁶ οι φοβουμενοι κυριον ευρησουσιν κριμα και δικαιωματα ως φως εξαψουσιν

¹⁷ ανθρωπος αμαρτωλος εκκλινει ελεγμον και κατα το θελημα αυτου ευρησει συγκριμα

¹⁸ ανηρ βουλης ου μη παριδη διανοημα αλλοτριος και υπερηφανος ου καταπτηξει φοβον

¹⁹ ανευ βουλης μηθεν ποιησης και εν τω ποιησαι σε μη μεταμελου

²⁰ εν οδω αντιπτωματος μη πορευου και μη προσκοψης εν λιθωδεσιν

²¹ μη πιστευσης εν οδω απροσκοπω

²² και απο των τεκνων σου φυλαξαι

²³ εν παντι εργω πιστευε τη ψυχη σου και γαρ τουτο εστιν τηρησις εντολων

²⁴ ο πιστευων νομω προσεχει εντολαις και ο πεποιθως κυριω ουκ ελαττωθησεται