ΣΟΦΙΑ ΣΕΙΡΑΧ - Siracide - Sirach 21

¹ τεκνον ημαρτες μη προσθης μηκετι και περι των προτερων σου δεηθητι

² ως απο προσωπου οφεως φευγε απο αμαρτιας εαν γαρ προσελθης δηξεται σε οδοντες λεοντος οι οδοντες αυτης αναιρουντες ψυχας ανθρωπων

³ ως ρομφαια διστομος πασα ανομια τη πληγη αυτης ουκ εστιν ιασις

⁴ καταπληγμος και υβρις ερημωσουσιν πλουτον ουτως οικος υπερηφανου ερημωθησεται

⁵ δεησις πτωχου εκ στοματος εως ωτιων αυτου και το κριμα αυτου κατα σπουδην ερχεται

⁶ μισων ελεγμον εν ιχνει αμαρτωλου και ο φοβουμενος κυριον επιστρεψει εν καρδια

⁷ γνωστος μακροθεν ο δυνατος εν γλωσση ο δε νοημων οιδεν εν τω ολισθανειν αυτον

⁸ ο οικοδομων την οικιαν αυτου εν χρημασιν αλλοτριοις ως συναγων αυτου τους λιθους εις χειμωνα

⁹ στιππυον συνηγμενον συναγωγη ανομων και η συντελεια αυτων φλοξ πυρος

¹⁰ οδος αμαρτωλων ωμαλισμενη εκ λιθων και επ' εσχατων αυτης βοθρος αδου

¹¹ ο φυλασσων νομον κατακρατει του εννοηματος αυτου και συντελεια του φοβου κυριου σοφια

¹² ου παιδευθησεται ος ουκ εστιν πανουργος εστιν δε πανουργια πληθυνουσα πικριαν

¹³ γνωσις σοφου ως κατακλυσμος πληθυνθησεται και η βουλη αυτου ως πηγη ζωης

¹⁴ εγκατα μωρου ως αγγειον συντετριμμενον και πασαν γνωσιν ου κρατησει

¹⁵ λογον σοφον εαν ακουση επιστημων αινεσει αυτον και επ' αυτον προσθησει ηκουσεν ο σπαταλων και απηρεσεν αυτω και απεστρεψεν αυτον οπισω του νωτου αυτου

¹⁶ εξηγησις μωρου ως εν οδω φορτιον επι δε χειλους συνετου ευρεθησεται χαρις

¹⁷ στομα φρονιμου ζητηθησεται εν εκκλησια και τους λογους αυτου διανοηθησονται εν καρδια

¹⁸ ως οικος ηφανισμενος ουτως μωρω σοφια και γνωσις ασυνετου αδιεξεταστοι λογοι

¹⁹ πεδαι εν ποσιν ανοητου παιδεια και ως χειροπεδαι επι χειρος δεξιας

²⁰ μωρος εν γελωτι ανυψοι φωνην αυτου ανηρ δε πανουργος μολις ησυχη μειδιασει

²¹ ως κοσμος χρυσους φρονιμω παιδεια και ως χλιδων επι βραχιονι δεξιω

²² πους μωρου ταχυς εις οικιαν ανθρωπος δε πολυπειρος αισχυνθησεται απο προσωπου

²³ αφρων απο θυρας παρακυπτει εις οικιαν ανηρ δε πεπαιδευμενος εξω στησεται

²⁴ απαιδευσια ανθρωπου ακροασθαι παρα θυραν ο δε φρονιμος βαρυνθησεται ατιμια

²⁵ χειλη αλλοτριων εν τουτοις διηγησονται λογοι δε φρονιμων εν ζυγω σταθησονται

²⁶ εν στοματι μωρων η καρδια αυτων καρδια δε σοφων στομα αυτων

²⁷ εν τω καταρασθαι ασεβη τον σαταναν αυτος καταραται την εαυτου ψυχην

²⁸ μολυνει την εαυτου ψυχην ο ψιθυριζων και εν παροικησει μισηθησεται