ΣΟΦΙΑ ΣΕΙΡΑΧ - Siracide - Sirach 19

¹ εργατης μεθυσος ου πλουτισθησεται ο εξουθενων τα ολιγα κατα μικρον πεσειται

² οινος και γυναικες αποστησουσιν συνετους και ο κολλωμενος πορναις τολμηροτερος εσται

³ σηπη και σκωληκες κληρονομησουσιν αυτον και ψυχη τολμηρα εξαρθησεται

⁴ ο ταχυ εμπιστευων κουφος καρδια και ο αμαρτανων εις ψυχην αυτου πλημμελησει

⁵ ο ευφραινομενος καρδια καταγνωσθησεται

⁶ και ο μισων λαλιαν ελαττονουται κακια

⁷ μηδεποτε δευτερωσης λογον και ουθεν σοι ου μη ελαττονωθη

⁸ εν φιλω και εχθρω μη διηγου και ει μη εστιν σοι αμαρτια μη αποκαλυπτε

⁹ ακηκοεν γαρ σου και εφυλαξατο σε και εν καιρω μισησει σε

¹⁰ ακηκοας λογον συναποθανετω σοι θαρσει ου μη σε ρηξει

¹¹ απο προσωπου λογου ωδινησει μωρος ως απο προσωπου βρεφους η τικτουσα

¹² βελος πεπηγος εν μηρω σαρκος ουτως λογος εν κοιλια μωρου

¹³ ελεγξον φιλον μηποτε ουκ εποιησεν και ει τι εποιησεν μηποτε προσθη

¹⁴ ελεγξον τον πλησιον μηποτε ουκ ειπεν και ει ειρηκεν ινα μη δευτερωση

¹⁵ ελεγξον φιλον πολλακις γαρ γινεται διαβολη και μη παντι λογω πιστευε

¹⁶ εστιν ολισθανων και ουκ απο ψυχης και τις ουχ ημαρτεν εν τη γλωσση αυτου

¹⁷ ελεγξον τον πλησιον σου πριν η απειλησαι και δος τοπον νομω υψιστου

¹⁸ -

¹⁹ -

²⁰ πασα σοφια φοβος κυριου και εν παση σοφια ποιησις νομου

²¹ -

²² και ουκ εστιν σοφια πονηριας επιστημη και ουκ εστιν οπου βουλη αμαρτωλων φρονησις

²³ εστιν πανουργια και αυτη βδελυγμα και εστιν αφρων ελαττουμενος σοφια

²⁴ κρειττων ηττωμενος εν συνεσει εμφοβος η περισσευων εν φρονησει και παραβαινων νομον

²⁵ εστιν πανουργια ακριβης και αυτη αδικος και εστιν διαστρεφων χαριν του εκφαναι κριμα

²⁶ εστιν πονηρευομενος συγκεκυφως μελανια και τα εντος αυτου πληρη δολου

²⁷ συγκρυφων προσωπον και εθελοκωφων οπου ουκ επεγνωσθη προφθασει σε

²⁸ και εαν υπο ελαττωματος ισχυος κωλυθη αμαρτειν εαν ευρη καιρον κακοποιησει

²⁹ απο ορασεως επιγνωσθησεται ανηρ και απο απαντησεως προσωπου επιγνωσθησεται νοημων

³⁰ στολισμος ανδρος και γελως οδοντων και βηματα ανθρωπου αναγγελει τα περι αυτου