ΣΟΦΙΑ ΣΕΙΡΑΧ - Siracide - Sirach 14

¹ μακαριος ανηρ ος ουκ ωλισθησεν εν τω στοματι αυτου και ου κατενυγη εν λυπη αμαρτιων

² μακαριος ου ου κατεγνω η ψυχη αυτου και ος ουκ επεσεν απο της ελπιδος αυτου

³ ανδρι μικρολογω ου καλος ο πλουτος και ανθρωπω βασκανω ινα τι χρηματα

⁴ ο συναγων απο της ψυχης αυτου συναγει αλλοις και εν τοις αγαθοις αυτου τρυφησουσιν ετεροι

⁵ ο πονηρος εαυτω τινι αγαθος εσται και ου μη ευφρανθησεται εν τοις χρημασιν αυτου

⁶ του βασκαινοντος εαυτον ουκ εστιν πονηροτερος και τουτο ανταποδομα της κακιας αυτου

⁷ καν ευ ποιη εν ληθη ποιει και επ' εσχατων εκφαινει την κακιαν αυτου

⁸ πονηρος ο βασκαινων οφθαλμω αποστρεφων προσωπον και υπερορων ψυχας

⁹ πλεονεκτου οφθαλμος ουκ εμπιπλαται μεριδι και αδικια πονηρα αναξηραινει ψυχην

¹⁰ οφθαλμος πονηρος φθονερος επ' αρτω και ελλιπης επι της τραπεζης αυτου

¹¹ τεκνον καθως εαν εχης ευ ποιει σεαυτον και προσφορας κυριω αξιως προσαγε

¹² μνησθητι οτι θανατος ου χρονιει και διαθηκη αδου ουχ υπεδειχθη σοι

¹³ πριν σε τελευτησαι ευ ποιει φιλω και κατα την ισχυν σου εκτεινον και δος αυτω

¹⁴ μη αφυστερησης απο αγαθης ημερας και μερις επιθυμιας αγαθης μη σε παρελθατω

¹⁵ ουχι ετερω καταλειψεις τους πονους σου και τους κοπους σου εις διαιρεσιν κληρου

¹⁶ δος και λαβε και απατησον την ψυχην σου οτι ουκ εστιν εν αδου ζητησαι τρυφην

¹⁷ πασα σαρξ ως ιματιον παλαιουται η γαρ διαθηκη απ' αιωνος θανατω αποθανη

¹⁸ ως φυλλον θαλλον επι δενδρου δασεος τα μεν καταβαλλει αλλα δε φυει ουτως γενεα σαρκος και αιματος η μεν τελευτα ετερα δε γενναται

¹⁹ παν εργον σηπομενον εκλειπει και ο εργαζομενος αυτο μετ' αυτου απελευσεται

²⁰ μακαριος ανηρ ος εν σοφια μελετησει και ος εν συνεσει αυτου διαλεχθησεται

²¹ ο διανοουμενος τας οδους αυτης εν καρδια αυτου και εν τοις αποκρυφοις αυτης εννοηθησεται

²² εξελθε οπισω αυτης ως ιχνευτης και εν ταις οδοις αυτης ενεδρευε

²³ ο παρακυπτων δια των θυριδων αυτης και επι των θυρωματων αυτης ακροασεται

²⁴ ο καταλυων συνεγγυς του οικου αυτης και πηξει πασσαλον εν τοις τοιχοις αυτης

²⁵ στησει την σκηνην αυτου κατα χειρας αυτης και καταλυσει εν καταλυματι αγαθων

²⁶ θησει τα τεκνα αυτου εν τη σκεπη αυτης και υπο τους κλαδους αυτης αυλισθησεται

²⁷ σκεπασθησεται υπ' αυτης απο καυματος και εν τη δοξη αυτης καταλυσει