ΨΑΛΜΟΙ - Salmi - Psalms 75

¹ εις το τελος εν υμνοις ψαλμος τω ασαφ ωδη προς τον ασσυριον

² γνωστος εν τη ιουδαια ο θεος εν τω ισραηλ μεγα το ονομα αυτου

³ και εγενηθη εν ειρηνη ο τοπος αυτου και το κατοικητηριον αυτου εν σιων

⁴ εκει συνετριψεν τα κρατη των τοξων οπλον και ρομφαιαν και πολεμον διαψαλμα

⁵ φωτιζεις συ θαυμαστως απο ορεων αιωνιων

⁶ εταραχθησαν παντες οι ασυνετοι τη καρδια υπνωσαν υπνον αυτων και ουχ ευρον ουδεν παντες οι ανδρες του πλουτου ταις χερσιν αυτων

⁷ απο επιτιμησεως σου ο θεος ιακωβ ενυσταξαν οι επιβεβηκοτες τους ιππους

⁸ συ φοβερος ει και τις αντιστησεται σοι απο τοτε η οργη σου

⁹ εκ του ουρανου ηκουτισας κρισιν γη εφοβηθη και ησυχασεν

¹⁰ εν τω αναστηναι εις κρισιν τον θεον του σωσαι παντας τους πραεις της γης διαψαλμα

¹¹ οτι ενθυμιον ανθρωπου εξομολογησεται σοι και εγκαταλειμμα ενθυμιου εορτασει σοι

¹² ευξασθε και αποδοτε κυριω τω θεω υμων παντες οι κυκλω αυτου οισουσιν δωρα

¹³ τω φοβερω και αφαιρουμενω πνευματα αρχοντων φοβερω παρα τοις βασιλευσι της γης .