ΨΑΛΜΟΙ - Salmi - Psalms 21

¹ εις το τελος υπερ της αντιλημψεως της εωθινης ψαλμος τω δαυιδ

² ο θεος ο θεος μου προσχες μοι ινα τι εγκατελιπες με μακραν απο της σωτηριας μου οι λογοι των παραπτωματων μου

³ ο θεος μου κεκραξομαι ημερας και ουκ εισακουση και νυκτος και ουκ εις ανοιαν εμοι

⁴ συ δε εν αγιοις κατοικεις ο επαινος ισραηλ

⁵ επι σοι ηλπισαν οι πατερες ημων ηλπισαν και ερρυσω αυτους

⁶ προς σε εκεκραξαν και εσωθησαν επι σοι ηλπισαν και ου κατησχυνθησαν

⁷ εγω δε ειμι σκωληξ και ουκ ανθρωπος ονειδος ανθρωπου και εξουδενημα λαου

⁸ παντες οι θεωρουντες με εξεμυκτηρισαν με ελαλησαν εν χειλεσιν εκινησαν κεφαλην

⁹ ηλπισεν επι κυριον ρυσασθω αυτον σωσατω αυτον οτι θελει αυτον

¹⁰ οτι συ ει ο εκσπασας με εκ γαστρος η ελπις μου απο μαστων της μητρος μου

¹¹ επι σε επερριφην εκ μητρας εκ κοιλιας μητρος μου θεος μου ει συ

¹² μη αποστης απ' εμου οτι θλιψις εγγυς οτι ουκ εστιν ο βοηθων

¹³ περιεκυκλωσαν με μοσχοι πολλοι ταυροι πιονες περιεσχον με

¹⁴ ηνοιξαν επ' εμε το στομα αυτων ως λεων ο αρπαζων και ωρυομενος

¹⁵ ωσει υδωρ εξεχυθην και διεσκορπισθη παντα τα οστα μου εγενηθη η καρδια μου ωσει κηρος τηκομενος εν μεσω της κοιλιας μου

¹⁶ εξηρανθη ως οστρακον η ισχυς μου και η γλωσσα μου κεκολληται τω λαρυγγι μου και εις χουν θανατου κατηγαγες με

¹⁷ οτι εκυκλωσαν με κυνες πολλοι συναγωγη πονηρευομενων περιεσχον με ωρυξαν χειρας μου και ποδας

¹⁸ εξηριθμησα παντα τα οστα μου αυτοι δε κατενοησαν και επειδον με

¹⁹ διεμερισαντο τα ιματια μου εαυτοις και επι τον ιματισμον μου εβαλον κληρον

²⁰ συ δε κυριε μη μακρυνης την βοηθειαν μου εις την αντιλημψιν μου προσχες

²¹ ρυσαι απο ρομφαιας την ψυχην μου και εκ χειρος κυνος την μονογενη μου

²² σωσον με εκ στοματος λεοντος και απο κερατων μονοκερωτων την ταπεινωσιν μου

²³ διηγησομαι το ονομα σου τοις αδελφοις μου εν μεσω εκκλησιας υμνησω σε

²⁴ οι φοβουμενοι κυριον αινεσατε αυτον απαν το σπερμα ιακωβ δοξασατε αυτον φοβηθητωσαν αυτον απαν το σπερμα ισραηλ

²⁵ οτι ουκ εξουδενωσεν ουδε προσωχθισεν τη δεησει του πτωχου ουδε απεστρεψεν το προσωπον αυτου απ' εμου και εν τω κεκραγεναι με προς αυτον εισηκουσεν μου

²⁶ παρα σου ο επαινος μου εν εκκλησια μεγαλη τας ευχας μου αποδωσω ενωπιον των φοβουμενων αυτον

²⁷ φαγονται πενητες και εμπλησθησονται και αινεσουσιν κυριον οι εκζητουντες αυτον ζησονται αι καρδιαι αυτων εις αιωνα αιωνος

²⁸ μνησθησονται και επιστραφησονται προς κυριον παντα τα περατα της γης και προσκυνησουσιν ενωπιον σου πασαι αι πατριαι των εθνων

²⁹ οτι του κυριου η βασιλεια και αυτος δεσποζει των εθνων

³⁰ εφαγον και προσεκυνησαν παντες οι πιονες της γης ενωπιον αυτου προπεσουνται παντες οι καταβαινοντες εις την γην και η ψυχη μου αυτω ζη

³¹ και το σπερμα μου δουλευσει αυτω αναγγελησεται τω κυριω γενεα η ερχομενη

³² και αναγγελουσιν την δικαιοσυνην αυτου λαω τω τεχθησομενω οτι εποιησεν ο κυριος