ΙΩΒ - Giobbe - Job 4

¹ υπολαβων δε ελιφας ο θαιμανιτης λεγει

² μη πολλακις σοι λελαληται εν κοπω ισχυν δε ρηματων σου τις υποισει

³ ει γαρ συ ενουθετησας πολλους και χειρας ασθενους παρεκαλεσας

⁴ ασθενουντας τε εξανεστησας ρημασιν γονασιν τε αδυνατουσιν θαρσος περιεθηκας

⁵ νυν δε ηκει επι σε πονος και ηψατο σου συ δε εσπουδασας

⁶ ποτερον ουχ ο φοβος σου εστιν εν αφροσυνη και η ελπις σου και η ακακια της οδου σου

⁷ μνησθητι ουν τις καθαρος ων απωλετο η ποτε αληθινοι ολορριζοι απωλοντο

⁸ καθ' ον τροπον ειδον τους αροτριωντας τα ατοπα οι δε σπειροντες αυτα οδυνας θεριουσιν εαυτοις

⁹ απο προσταγματος κυριου απολουνται απο δε πνευματος οργης αυτου αφανισθησονται

¹⁰ σθενος λεοντος φωνη δε λεαινης γαυριαμα δε δρακοντων εσβεσθη

¹¹ μυρμηκολεων ωλετο παρα το μη εχειν βοραν σκυμνοι δε λεοντων ελιπον αλληλους

¹² ει δε τι ρημα αληθινον εγεγονει εν λογοις σου ουθεν αν σοι τουτων κακον απηντησεν ποτερον ου δεξεται μου το ους εξαισια παρ' αυτου

¹³ φοβοι δε και ηχω νυκτερινη επιπιπτων φοβος επ' ανθρωπους

¹⁴ φρικη δε μοι συνηντησεν και τρομος και μεγαλως μου τα οστα συνεσεισεν

¹⁵ και πνευμα επι προσωπον μου επηλθεν εφριξαν δε μου τριχες και σαρκες

¹⁶ ανεστην και ουκ επεγνων ειδον και ουκ ην μορφη προ οφθαλμων μου αλλ' η αυραν και φωνην ηκουον

¹⁷ τι γαρ μη καθαρος εσται βροτος εναντιον κυριου η απο των εργων αυτου αμεμπτος ανηρ

¹⁸ ει κατα παιδων αυτου ου πιστευει κατα δε αγγελων αυτου σκολιον τι επενοησεν

¹⁹ τους δε κατοικουντας οικιας πηλινας εξ ων και αυτοι εκ του αυτου πηλου εσμεν επαισεν αυτους σητος τροπον

²⁰ και απο πρωιθεν εως εσπερας ουκετι εισιν παρα το μη δυνασθαι αυτους εαυτοις βοηθησαι απωλοντο

²¹ ενεφυσησεν γαρ αυτοις και εξηρανθησαν απωλοντο παρα το μη εχειν αυτους σοφιαν