ΙΩΒ - Giobbe - Job 24

¹ δια τι δε κυριον ελαθον ωραι

² ασεβεις δε οριον υπερεβησαν ποιμνιον συν ποιμενι αρπασαντες

³ υποζυγιον ορφανων απηγαγον και βουν χηρας ηνεχυρασαν

⁴ εξεκλιναν αδυνατους εξ οδου δικαιας ομοθυμαδον εκρυβησαν πραεις γης

⁵ απεβησαν δε ωσπερ ονοι εν αγρω υπερ εμου εξελθοντες την εαυτων πραξιν ηδυνθη αυτω αρτος εις νεωτερους

⁶ αγρον προ ωρας ουκ αυτων οντα εθερισαν αδυνατοι δε αμπελωνας ασεβων αμισθι και ασιτι ηργασαντο

⁷ γυμνους πολλους εκοιμισαν ανευ ιματιων αμφιασιν δε ψυχης αυτων αφειλαντο

⁸ απο ψεκαδων ορεων υγραινονται παρα το μη εχειν αυτους σκεπην πετραν περιεβαλοντο

⁹ ηρπασαν ορφανον απο μαστου εκπεπτωκοτα δε εταπεινωσαν

¹⁰ γυμνους δε εκοιμισαν αδικως πεινωντων δε τον ψωμον αφειλαντο

¹¹ εν στενοις αδικως ενηδρευσαν οδον δε δικαιαν ουκ ηδεισαν

¹² οι εκ πολεως και οικων ιδιων εξεβαλλοντο ψυχη δε νηπιων εστεναξεν μεγα αυτος δε δια τι τουτων επισκοπην ου πεποιηται

¹³ επι γης οντων αυτων και ουκ επεγνωσαν οδον δε δικαιοσυνης ουκ ηδεισαν ουδε ατραπους αυτης επορευθησαν

¹⁴ γνους δε αυτων τα εργα παρεδωκεν αυτους εις σκοτος και νυκτος εσται ως κλεπτης

¹⁵ και οφθαλμος μοιχου εφυλαξεν σκοτος λεγων ου προσνοησει με οφθαλμος και αποκρυβην προσωπου εθετο

¹⁶ διωρυξεν εν σκοτει οικιας ημερας εσφραγισαν εαυτους ουκ επεγνωσαν φως

¹⁷ οτι ομοθυμαδον το πρωι αυτοις σκια θανατου οτι επιγνωσεται ταραχας σκιας θανατου

¹⁸ ελαφρος εστιν επι προσωπον υδατος καταραθειη η μερις αυτων επι γης

¹⁹ αναφανειη δε τα φυτα αυτων επι γης ξηρα αγκαλιδα γαρ ορφανων ηρπασαν

²⁰ ειτ' ανεμνησθη αυτου η αμαρτια ωσπερ δε ομιχλη δροσου αφανης εγενετο αποδοθειη δε αυτω α επραξεν συντριβειη δε πας αδικος ισα ξυλω ανιατω

²¹ στειραν γαρ ουκ ευ εποιησεν και γυναιον ουκ ηλεησεν

²² θυμω δε κατεστρεψεν αδυνατους αναστας τοιγαρουν ου μη πιστευση κατα της εαυτου ζωης

²³ μαλακισθεις μη ελπιζετω υγιασθηναι αλλα πεσειται νοσω

²⁴ πολλους γαρ εκακωσεν το υψωμα αυτου εμαρανθη δε ωσπερ μολοχη εν καυματι η ωσπερ σταχυς απο καλαμης αυτοματος αποπεσων

²⁵ ει δε μη τις εστιν ο φαμενος ψευδη με λεγειν και θησει εις ουδεν τα ρηματα μου