ΙΩΒ - Giobbe - Job 23

¹ υπολαβων δε ιωβ λεγει

² και δη οιδα οτι εκ χειρος μου η ελεγξις εστιν και η χειρ αυτου βαρεια γεγονεν επ' εμω στεναγμω

³ τις δ' αρα γνοιη οτι ευροιμι αυτον και ελθοιμι εις τελος

⁴ ειποιμι δε εμαυτου κριμα το δε στομα μου εμπλησαιμι ελεγχων

⁵ γνωην δε ρηματα α μοι ερει αισθοιμην δε τινα μοι απαγγελει

⁶ και ει εν πολλη ισχυι επελευσεται μοι ειτα εν απειλη μοι ου χρησεται

⁷ αληθεια γαρ και ελεγχος παρ' αυτου εξαγαγοι δε εις τελος το κριμα μου

⁸ εις γαρ πρωτα πορευσομαι και ουκετι ειμι τα δε επ' εσχατοις τι οιδα

⁹ αριστερα ποιησαντος αυτου και ου κατεσχον περιβαλει δεξια και ουκ οψομαι

¹⁰ οιδεν γαρ ηδη οδον μου διεκρινεν δε με ωσπερ το χρυσιον

¹¹ εξελευσομαι δε εν ενταλμασιν αυτου οδους γαρ αυτου εφυλαξα και ου μη εκκλινω

¹² απο ενταλματων αυτου και ου μη παρελθω εν δε κολπω μου εκρυψα ρηματα αυτου

¹³ ει δε και αυτος εκρινεν ουτως τις εστιν ο αντειπων αυτω ο γαρ αυτος ηθελησεν και εποιησεν

¹⁴ -

¹⁵ δια τουτο επ' αυτω εσπουδακα νουθετουμενος δε εφροντισα αυτου [15α] επι τουτω απο προσωπου αυτου κατασπουδασθω κατανοησω και πτοηθησομαι εξ αυτου

¹⁶ κυριος δε εμαλακυνεν την καρδιαν μου ο δε παντοκρατωρ εσπουδασεν με

¹⁷ ου γαρ ηδειν οτι επελευσεται μοι σκοτος προ προσωπου δε μου εκαλυψεν γνοφος