ΙΩΒ - Giobbe - Job 15

¹ υπολαβων δε ελιφας ο θαιμανιτης λεγει

² ποτερον σοφος αποκρισιν δωσει συνεσεως πνευματος και ενεπλησεν πονον γαστρος

³ ελεγχων εν ρημασιν οις ου δει εν λογοις οις ουδεν οφελος

⁴ ου και συ απεποιησω φοβον συνετελεσω δε ρηματα τοιαυτα εναντι του κυριου

⁵ ενοχος ει ρημασιν στοματος σου ουδε διεκρινας ρηματα δυναστων

⁶ ελεγξαι σε το σον στομα και μη εγω τα δε χειλη σου καταμαρτυρησουσιν σου

⁷ τι γαρ μη πρωτος ανθρωπων εγενηθης η προ θινων επαγης

⁸ η συνταγμα κυριου ακηκοας εις δε σε αφικετο σοφια

⁹ τι γαρ οιδας ο ουκ οιδαμεν η τι συνιεις ο ουχι και ημεις

¹⁰ και γε πρεσβυτης και γε παλαιος εν ημιν βαρυτερος του πατρος σου ημεραις

¹¹ ολιγα ων ημαρτηκας μεμαστιγωσαι μεγαλως υπερβαλλοντως λελαληκας

¹² τι ετολμησεν η καρδια σου η τι επηνεγκαν οι οφθαλμοι σου

¹³ οτι θυμον ερρηξας εναντι κυριου εξηγαγες δε εκ στοματος ρηματα τοιαυτα

¹⁴ τις γαρ ων βροτος οτι εσται αμεμπτος η ως εσομενος δικαιος γεννητος γυναικος

¹⁵ ει κατα αγιων ου πιστευει ουρανος δε ου καθαρος εναντιον αυτου

¹⁶ εα δε εβδελυγμενος και ακαθαρτος ανηρ πινων αδικιας ισα ποτω

¹⁷ αναγγελω δε σοι ακουε μου α δη εωρακα αναγγελω σοι

¹⁸ α σοφοι ερουσιν και ουκ εκρυψαν πατερας αυτων

¹⁹ αυτοις μονοις εδοθη η γη και ουκ επηλθεν αλλογενης επ' αυτους

²⁰ πας ο βιος ασεβους εν φροντιδι ετη δε αριθμητα δεδομενα δυναστη

²¹ ο δε φοβος αυτου εν ωσιν αυτου οταν δοκη ηδη ειρηνευειν ηξει αυτου η καταστροφη

²² μη πιστευετω αποστραφηναι απο σκοτους εντεταλται γαρ ηδη εις χειρας σιδηρου

²³ κατατετακται δε εις σιτα γυψιν οιδεν δε εν εαυτω οτι μενει εις πτωμα ημερα δε αυτον σκοτεινη στροβησει

²⁴ αναγκη δε και θλιψις αυτον καθεξει ωσπερ στρατηγος πρωτοστατης πιπτων

²⁵ οτι ηρκεν χειρας εναντιον του κυριου εναντι δε κυριου παντοκρατορος ετραχηλιασεν

²⁶ εδραμεν δε εναντιον αυτου υβρει εν παχει νωτου ασπιδος αυτου

²⁷ οτι εκαλυψεν το προσωπον αυτου εν στεατι αυτου και εποιησεν περιστομιον επι των μηριων

²⁸ αυλισθειη δε πολεις ερημους εισελθοι δε εις οικους αοικητους α δε εκεινοι ητοιμασαν αλλοι αποισονται

²⁹ ουτε μη πλουτισθη ουτε μη μεινη αυτου τα υπαρχοντα ου μη βαλη επι την γην σκιαν

³⁰ ουδε μη εκφυγη το σκοτος τον βλαστον αυτου μαραναι ανεμος εκπεσοι δε αυτου το ανθος

³¹ μη πιστευετω οτι υπομενει κενα γαρ αποβησεται αυτω

³² η τομη αυτου προ ωρας φθαρησεται και ο ραδαμνος αυτου ου μη πυκαση

³³ τρυγηθειη δε ωσπερ ομφαξ προ ωρας εκπεσοι δε ως ανθος ελαιας

³⁴ μαρτυριον γαρ ασεβους θανατος πυρ δε καυσει οικους δωροδεκτων

³⁵ εν γαστρι δε λημψεται οδυνας αποβησεται δε αυτω κενα η δε κοιλια αυτου υποισει δολον