Salmi ܡܙܡܘܪܐ 55

²ܨܘܬ ܐܠܗܐ ܨܠܘܬܝ ܘܠܐ ܬܗܡܐ ܡܢ ܒܥܘܬܝ³ܫܡܥܝܢܝ ܘܥܢܝܢܝ ܘܐܬܦܢ ܠܓܥܬܝ ܘܫܡܥܝܢܝ⁴ܡܛܠ ܒ̈ܥܠܕܒܒܝ ܘܡܛܠ ܐܘܠܨܢܗ ܕܥܘܠܐ ܡܛܠ ܕܨܠܘ ܥܠܝ ܥܘ̈ܠܐ ܘܣܩܪܘܢܝ⁵ܘܢܦܠܬ ܒܝ ܕܚܠܬܐ⁶ܘܟܣܝܘܢܝ ܛ̈ܠܠܝ ܡܘܬܐ⁷ܘܐܡܪܬ ܡܢ ܕܝܢ ܝܗܒ ܠܝ ܓܦ̈ܐ ܐܝܟ ܕܝܘܢܐ ܦܪܚܬ ܘܫܟܢܬ⁸ܘܐܪܚܩܬ ܦܪܚܬ ܘܫܪܝܬ ܒܡܕܒܪܐ⁹ܘܟܬܪܬ ܠܡܢ ܕܡܦܨܐ ܠܝ ܡܢ ܪܘܚܐ ܕܥܠܥܠܐ¹⁰ܛܒܥ ܡܪܝ ܗܘܦܟܐ ܕܠܫܢܝ̈ܗܘܢ ܡܛܠ ܕܚܙܝܬ ܚܪܝܢܐ ܘܕܝܢܐ ܒܩܪܝܬܐ¹¹ܒܐܝܡܡܐ ܘܒܠܠܝܐ ܟܪܝܟܝܢ ܠܫܘܪ̈ܝܗ̇ ܥܘܠܐ ܘܫܘܩܪܐ ܒܓܘܗ̇¹²ܘܥܬܐ ܘܠܐ ܥܢܕ ܡܢ ܫܘܩ̈ܝܗ̇ ܬܘܟܐ ܘܢܟܠܐ¹³ܠܐ ܗܘܐ ܓܝܪ ܒܥܠܕܒܒܝ ܚܣܕܢܝ ܕܐܣܝܒܪ ܐܦ ܠܐ ܣܢܐܝ ܐܬܬܪܝܡ ܥܠܝ ܕܐܛܫܐ ܡܢܗ¹⁴ܐܢܬ ܗܘ ܒܪܢܫܐ ܕܐܟܘܬܝ ܩܪܝܒܝ ܘܪܚܡܝ¹⁵ܕܐܝܟ ܚܕܐ ܠܥܣܢ ܫܪܘܬܐ ܒܒܝܬܗ ܕܐܠܗܐ ܟܕ ܡܗܠܟܝܢ ܗܘܝܢ ܒܐܘܝܘܬܐ¹⁶ܐܝܬܐ ܥܠܝܗܘܢ ܡܘܬܐ ܘܢܚܬܘܢ ܟܕ ܚܝܝ̈ܢ ܠܫܝܘܠ ܡܛܠ ܕܒܝܫܬܐ ܐܝܬ ܒܓܘܗܘܢ¹⁷ܐܢܐ ܕܝܢ ܠܐܠܗܐ ܐܩܪܐ ܘܐܠܗܐ ܢܦܪܩܢܝ¹⁸ܒܪܡܫܐ ܘܒܨܦܪܐ ܘܒܛܗܪܐ ܐܪܢܐ ܘܐܡܪ ܘܐܫܡܥ ܩܠܝ¹⁹ܦܨܗ̇ ܠܢܦܫܝ ܡܢ ܐܝܠܝܢ ܕܚܟܡܝܢ ܠܝ ܡܛܠ ܕܒܚܪܝܢܐ ܗܘܘ ܥܡܝ²⁰ܢܫܡܥ ܐܠܗܐ ܘܢܡܟܟ ܐܢܘܢ ܗܘ ܕܐܝܬܘܗܝ ܡܢ ܩܕܡ ܥܠܡ̈ܐ ܠܝܬ ܠܗܘܢ ܬܚܠܘܦܐ ܘܠܐ ܕܚܠܘ ܡܢ ܐܠܗܐ²¹ܐܘܫܛܘ ܐܝܕܐ ܥܠ ܩܪܝܒܗ ܘܛܘܫܘ ܩܝܡܗ²²ܐܬܕܠܚܘ ܡܢ ܪܘܓܙܐ ܕܐ̈ܦܘܗܝ ܘܡܢ ܚܡܬܐ ܕܠܒܗ ܪ̈ܟܝܟܢ ܡ̈ܠܘܗܝ ܡܢ ܡܫܚܐ ܘܗ̈ܢܝܢ ܠܘ̈ܠܝܬܐ²³ܫܕܝ ܨܦܬܟ ܥܠ ܡܪܝܐ ܘܗܘ ܢܬܪܣܝܟ ܘܠܐ ܢܬܠ ܠܥܠܡ ܙܘܥܬܐ ܠܙܕܝܩ̈ܘܗܝ²⁴ܐܢܬ ܕܝܢ ܐܠܗܐ ܐܚܬ ܐܢܘܢ ܠܓܘܒܐ ܕܐܒܕܢܐ ܠܓܒܪ̈ܐ ܐܫ̈ܕܝ ܕܡܐ ܘܢ̈ܟܠܝ ܢܟܠܐ ܘܠܐ ܢܫܠܡܘܢ ܝܘܡ̈ܬܗܘܢ ܘܐܢܐ ܐܣܒܪ ܒܟ

Cambia Bibbia

Confronta con un'altra Bibbia

Versetti esaminati