Salmi ܡܙܡܘܪܐ 69

²ܦܪܘܩܝܢܝ ܐܠܗܐ ܡܛܠ ܕܡܛܘ ܡ̈ܝܐ ܥܕܡܐ ܠܢܦܫܐ³ܛܒܥܬ ܒܗܘܬܐ ܥܡܝܩܬܐ ܘܠܝܬ ܒܗ̇ ܒܝܬ ܩܝܡܐ ܥܠܬ ܠܥܘܡܩܐ ܕܡ̈ܝܐ ܘܨܡܪܬܐ ܛܒܥܬܢܝ⁴ܠܐܝܬ ܒܩܪ̈ܝ ܘܚܪܬ ܓܓܪܬܝ ܓ̈ܙܝ ܥܝܢ̈ܝ ܟܕ ܡܣܟܐ ܐܢܐ ܠܐܠܗܝ⁵ܣܓܝܘ ܡܢ ܣܥܪܐ ܕܪܝܫܝ ܒ̈ܥܠܕܒܒܝ ܕܡܓܢ ܘܥܫܢܘ ܡܢ ܓܪ̈ܡܝ ܒ̈ܥܠܕܒܒܝ ܕܫܘܩܪܐ ܡܕܡ ܕܠܐ ܛܠܡܬ ܡܦܢܐ ܗܘܝܬ⁶ܐܠܗܐ ܐܢܬ ܝܕܥ ܐܢܬ ܣܟ̈ܠܘܬܝ ܘܚ̈ܛܗܝ ܡܢܟ ܠܐ ܐܬܟܣܝܘ⁷ܠܐ ܢܒܗܬܘܢ ܒܝ ܐܝܠܝܢ ܕܡܣܒܪܝܢ ܒܟ ܡܪܝܐ ܐܠܗܐ ܚܝܠܬܢܐ ܘܠܐ ܢܚܦܪܘܢ ܒܝ ܐܝܠܝܢ ܕܒܥܝܢ ܠܟ ܐܠܗܗ ܕܐܝܣܪܝܠ⁸ܡܛܠܬܟ ܩܒܠܬ ܚܣܕܐ ܘܟܣܝܬ ܒܗܬܬܐ ܠܐ̈ܦܝ⁹ܘܢܘܟܪܝܐ ܗܘܝܬ ܠܐ̈ܚܝ ܘܐܟܣܢܝܐ ܠܒܢ̈ܝ ܐܡܝ¹⁰ܡܛܠ ܕܛܢܢܗ ܕܒܝܬܟ ܐܟܠܢܝ ܘܚܣܕܐ ܕܡܚܣ̈ܕܢܝܟ ܢܦܠ ܥܠܝ¹¹ܡܟܟܬ ܢܦܫܝ ܒܨܘܡܐ ܘܗܘܝܬ ܠܗܘܢ ܠܚܣܕܐ¹²ܥܒܕܬ ܠܒܘܫܝ ܣܩܐ ܘܗܘܝܬ ܠܗܘܢ ܠܡܬܠܐ¹³ܘܪܢܘ ܒܝ ܐܝܠܝܢ ܕܝܬܒܝܢ ܒܬܪܥܐ ܘܪܢܘ ܒܝ ܐܝܠܝܢ ܕܫܬܝܢ ܫܟܪܐ¹⁴ܘܐܢܐ ܨܠܝܬ ܩܕܡܝܟ ܡܪܝܐ ܒܙܒܢܐ ܡܩܒܠܐ ܐܠܗܐ ܒܣܘܓܐܐ ܕܛܝܒܘܬܟ ܥܢܝܢܝ ܘܒܣܘܓܐܐ ܕܦܘܪܩܢܟ¹⁵ܦܨܢܝ ܡܢ ܣܝܢܐ ܕܠܐ ܐܛܒܥ ܘܐܬܦܨܐ ܡܢ ܣ̈ܢܐܝ ܘܡܢ ܥܘܡܩܐ ܕܡ̈ܝܐ¹⁶ܕܠܐ ܬܛܒܥܢܝ ܨܡܪܬܐ ܕܡ̈ܝܐ ܘܠܐ ܬܒܠܥܢܝ ܗܘܬܐ ܘܠܐ ܬܐܚܘܕ ܥܠܝ ܒܐܪܐ ܦܘܡܗ̇¹⁷ܥܢܝܢܝ ܡܪܝܐ ܡܛܠ ܕܛܒܐ ܗܝ ܛܝܒܘܬܟ ܘܒܣܘܓܐܐ ܕܪ̈ܚܡܝܟ ܐܬܦܢ ܥܠܝ¹⁸ܠܐ ܬܗܦܟ ܐ̈ܦܝܟ ܡܢ ܥܒܕܟ ܡܛܠ ܕܥܩܬ ܠܝ ܒܥܓܠ ܥܢܝܢܝ¹⁹ܩܪܒ ܢܦܫܝ ܠܦܘܪܩܢܟ ܡܛܠ ܒ̈ܥܠܕܒܒܝ ܦܪܘܩܝܢܝ²⁰ܐܢܬ ܝܕܥ ܐܢܬ ܚܣܕܝ ܘܒܗܬܬܝ ܠܘܩܒܠ ܟܘܠܗܘܢ ܒ̈ܥܠܕܒܒܝ²¹ܐܣܐ ܬܒܪܗ ܕܠܒܝ ܘܥܨܘܒ ܣܟܝܬ ܠܡܢ ܕܬܟܪܐ ܠܗ ܘܠܝܬ ܘܠܡܒܝܐܢܐ ܘܠܐ ܐܫܟܚܬ²²ܝܗܒܘ ܒܡܐܟܘܠܬܝ ܡܪ̈ܪܐ ܘܠܨܗܝܝ ܚܠܐ ܐܫܩܝܘܢܝ²³ܢܗܘܐ ܦܬܘܪܗܘܢ ܩܕܡܝܗܘܢ ܦܚܐ ܘܦܘܪܥܢܗܘܢ ܠܬܘܩܠܬܐ²⁴ܢܚܫ̈ܟܢ ܥܝܢ̈ܝܗܘܢ ܕܠܐ ܢܚܙܘܢ ܘܚܨܗܘܢ ܒܟܠܙܒܢ ܢܗܘܐ ܟܦܝܦ²⁵ܐܫܘܕ ܥܠܝܗܘܢ ܪܘܓܙܟ ܘܚܡܬܐ ܕܪܘܓܙܟ ܬܕܪܟ ܐܢܘܢ²⁶ܢܗܘܐ ܒܝܬ ܡܥܡܪܗܘܢ ܚܪܒ ܘܒܡܫ̈ܟܢܝܗܘܢ ܠܐ ܢܗܘܐ ܕܥܡܪ²⁷ܡܛܠ ܕܠܡܢ ܕܐܢܬ ܡܚܝܬ ܪܕܦܘ ܘܐܘܣܦܘ ܥܠ ܟܐܒܗ ܕܩܛܝܠܐ²⁸ܗܒ ܥܘܠܐ ܥܠ ܥܘܠܗܘܢ ܕܠܐ ܢܥܠܘܢ ܒܙܕܝܩܘܬܟ²⁹ܢܬܥܛܘܢ ܡܢ ܣܦܪܟ ܕܚ̈ܝܐ ܘܥܡ ܙܕܝܩ̈ܝܟ ܠܐ ܢܬܟܬܒܘܢ³⁰ܘܐܢܐ ܡܣܟܢܐ ܐܢܐ ܘܡܟܐܒܐ ܦܘܪܩܢܟ ܐܠܗܐ ܥܕܪܢܝ³¹ܐܫܒܚ ܫܡܗ ܕܐܠܗܐ ܒܬܫܒܘܚܬܐ ܘܐܘܪܒܝܘܗܝ ܒܬܘܕܝܬܐ³²ܐܫܦܪ ܠܡܪܝܐ ܡܢ ܬܘܪ̈ܐ ܡ̈ܦܛܡܐ ܩܪ̈ܢܢܐ ܘܦܪ̈ܣܢܐ³³ܚܙܘ ܡܣ̈ܟܢܐ ܘܚܕܘ ܘܢܚܐ ܠܒܟܘܢ³⁴ܡܛܠ ܕܫܡܥ ܡܪܝܐ ܠܡܣ̈ܟܢܐ ܘܠܐܣܝܪ̈ܘܗܝ ܠܐ ܫܐܛ³⁵ܢܫܒܚܘܢܝܗܝ ܫܡܝܐ ܘܐܪܥܐ ܘܝܡ̈ܡܐ ܘܟܠ ܕܪܚܫ ܒܗܘܢ³⁶ܡܛܠ ܕܐܠܗܐ ܦܪܩ ܠܨܗܝܘܢ ܘܡܒܢܐ ܠܩܘܪ̈ܝܐ ܕܝܗܘܕܐ ܕܢܬܒܘܢ ܒܗ̇ ܥܒ̈ܕܘܗܝ ܘܢܐܪܬܘܢܗ̇³⁷ܘܪ̈ܚܡܝ ܫܡܗ ܢܫܪܘܢ ܒܗ̇

Cambia Bibbia

Confronta con un'altra Bibbia

Versetti esaminati