Salmi ܡܙܡܘܪܐ 118

¹ܐܘܕܘ ܠܡܪܝܐ ܕܛܒ ܗܘ ܘܠܥܠܡ ܪ̈ܚܡܘܗܝ²ܢܐܡܪ ܐܝܣܪܝܠ ܕܠܥܠܡ ܪ̈ܚܡܘܗܝ³ܢܐܡܪܘܢ ܕܒܝܬ ܐܗܪܘܢ ܕܠܥܠܡ ܪ̈ܚܡܘܗܝ⁴ܢܐܡܪܘܢ ܕܚ̈ܠܘܗܝ ܕܡܪܝܐ ܕܠܥܠܡ ܪ̈ܚܡܘܗܝ⁵ܡܢ ܐܘܠܨܢܐ ܩܪܝܬ ܠܡܪܝܐ ܘܥܢܢܝ ܡܪܝܐ ܒܐܪܘܚܬܐ⁶ܡܪܝܐ ܡܥܕܪܢܝ ܠܐ ܐܕܚܠ ܡܢܐ ܥܒܕ ܠܝ ܒܪ ܐܢܫܐ⁷ܡܪܝܐ ܡܥܕܪܢܝ ܘܐܢܐ ܐܚܙܐ ܒܣ̈ܢܐܝ⁸ܛܒ ܠܡܬܬܟܠܘ ܥܠ ܡܪܝܐ ܛܒ ܡܢ ܕܠܡܬܬܟܠܘ ܥܠ ܒܪܢܫܐ⁹ܛܒ ܠܡܬܬܟܠܘ ܥܠ ܡܪܝܐ ܛܒ ܡܢ ܕܠܡܬܬܟܠܘ ܥܠ ܫܠܝܛܐ¹⁰ܟܠܗܘܢ ܥܡ̈ܡܐ ܚܕܪܘܢܝ ܘܒܫܡܗ ܕܡܪܝܐ ܐܣܝܦܬ ܐܢܘܢ¹¹ܐܬܟܪܟܘܢܝ ܘܚܕܪܘܢܝ ܘܒܫܡܗ ܕܡܪܝܐ ܐܣܝܦܬ ܐܢܘܢ¹²ܚܕܪܘܢܝ ܐܝܟ ܕܒܘܪ̈ܐ ܘܕܥܟܘ ܐܝܟ ܢܘܪܐ ܕܓ̈ܠܐ ܘܒܫܡܗ ܕܡܪܝܐ ܐܣܝܦܬ ܐܢܘܢ¹³ܐܬܕܚܝܬ ܕܐܣܬܚܦ ܘܐܦܠ ܘܡܪܝܐ ܥܕܪܢܝ¹⁴ܚܝܠܝ ܘܫܘܒܚܝ ܡܪܝܐ ܗܘ ܘܗܘ ܗܘܐ ܠܝ ܦܪܘܩܐ¹⁵ܩܠܐ ܕܫܘܒܚܐ ܘܕܦܘܪܩܢܐ ܒܡܫܟܢܐ ܕܙܕܝܩ̈ܐ ܝܡܝܢܗ ܕܡܪܝܐ ܥܒܕܬ ܚܝܠܐ¹⁶ܝܡܝܢܗ ܕܡܪܝܐ ܐܪܝܡܬܢܝ ܝܡܝܢܗ ܕܡܪܝܐ ܥܒܕܬ ܚܝܠܐ¹⁷ܘܠܐ ܐܡܘܬ ܐܠܐ ܐܚܐ ܘܐܫܬܥܐ ܥܒ̈ܕܘܗܝ ܕܡܪܝܐ¹⁸ܡܪܕܐ ܪܕܢܝ ܡܪܝܐ ܘܠܡܘܬܐ ܠܐ ܐܫܠܡܢܝ¹⁹ܦܬܚ ܠܝ ܬܪ̈ܥܐ ܕܙܕܝܩܘܬܐ ܕܐܥܘܠ ܒܗܘܢ ܘܐܘܕܐ ܠܡܪܝܐ²⁰ܗܢܘ ܬܪܥܗ ܕܡܪܝܐ ܕܙܕܝܩ̈ܐ ܥܐܠܝܢ ܒܗ²¹ܐܘܕܐ ܠܟ ܕܥܢܝܬܢܝ ܘܗܘܝܬ ܠܝ ܦܪܘܩܐ²²ܟܐܦܐ ܕܐܣܠܝܘ ܒ̈ܢܝܐ ܗܝ ܗܘܬ ܠܪܝܫܗ ܕܒܢܝܢܐ²³ܡܢ ܩܕܡ ܡܪܝܐ ܗܘܬ ܗܕܐ ܘܬܕܡܘܪܬܐ ܗܝ ܒܥܝܢ̈ܝܢ²⁴ܗܢܘ ܝܘܡܐ ܕܥܒܕ ܡܪܝܐ ܬܘ ܢܕܘܨ ܘܢܚܕܐ ܒܗ²⁵ܐܘ ܡܪܝܐ ܦܪܘܩܝܢܝ ܐܘ ܡܪܝܐ ܦܨܢܝ²⁶ܒܪܝܟ ܗܘ ܕܐܬܐ ܒܫܡܗ ܕܡܪܝܐ ܒܪܟܢܟܘܢ ܡܢ ܒܝܬܗ ܕܡܪܝܐ²⁷ܡܪܝܐ ܐܠܗܢ ܐܢܗܪ ܠܢ ܘܐܣܘܪ ܥܕܥܐ̈ܕܝܢ ܒܫܫ̈ܠܬܐ ܥܕܡܐ ܠܩܪ̈ܢܬܗ ܕܡܕܒܚܐ²⁸ܐܠܗܝ ܐܢܬ ܐܘܕܐ ܠܟ ܐܠܗܝ ܐܢܬ ܐܫܒܚܟ²⁹ܐܘܕܘ ܠܡܪܝܐ ܕܛܒ ܗܘ ܘܠܥܠܡ ܛܝܒܘܬܗ

Cambia Bibbia

Confronta con un'altra Bibbia

Versetti esaminati