Salmi ܡܙܡܘܪܐ 51

³ܪܚܡ ܥܠܝ ܐܠܗܐ ܐܝܟ ܛܝܒܘܬܟ ܘܐܝܟ ܣܘܓܐܐ ܕܪ̈ܚܡܝܟ ܥܛܝ ܚ̈ܛܗܝ⁴ܐܣܓܐ ܐܫܝܓܝܢܝ ܡܢ ܥܘܠܝ ܘܡܢ ܚ̈ܛܗܝ ܕܟܢܝ⁵ܡܛܠ ܕܣܟ̈ܠܘܬܝ ܝܕܥ ܐܢܐ ܘܚ̈ܛܗܝ ܠܘܩܒܠܝ ܐܢܘܢ ܒܟܠܙܒܢ⁶ܠܟ ܒܠܚܘܕܝܟ ܚܛܝܬ ܘܒܝܫܬ̈ܐ ܩܕܡܝܟ ܥܒܕܬ. ܡܛܠ ܕܬܙܕܕܩ ܒܡܠܬܟ ܘܬܙܟܐ ܒܕܝܢܝ̈ܟ⁷ܡܛܠ ܕܒܥܘܠܐ ܐܬܒܛܢܬ ܘܒܚ̈ܛܗܐ ܒܛܢܬܢܝ ܐܡܝ⁸ܐܢܬ ܕܝܢ ܒܩܘܫܬܐ ܨܒܝܬ ܘܟܣ̈ܝܬܐ ܕܚܟܡܬܟ ܐܘܕܥܬܢܝ⁹ܪܘܣ ܥܠܝ ܒܙܘܦܐ ܘܐܬܕܟܐ ܚܠܠܝܢܝ ܒܗ ܘܡܢ ܬܠܓܐ ܐܚܘܪ¹⁰ܐܣܒܥܝܢܝ ܒܘܣܡܟ ܘܚܕܘܬܟ ܘܢܚܕܘܢ ܓܪ̈ܡܝ ܡܟܝ̈ܟܐ¹¹ܐܗܦܟ ܐ̈ܦܝܟ ܡܢ ܚ̈ܛܗܝ ܘܟܠܗܝܢ ܣܟ̈ܠܘܬܝ ܥܛܝ¹²ܠܒܐ ܕܟܝܐ ܒܪܝ ܒܝ ܐܠܗܐ ܘܪܘܚܟ ܬܩܢܬܐ ܚܕܬ ܒܓܘܝ¹³ܠܐ ܬܫܕܝܢܝ ܡܢ ܩܕܡܝܟ. ܘܪܘܚܟ ܩܕܝܫܐ ܠܐ ܬܣܒ ܡܢܝ¹⁴ܐܠܐ ܐܗܦܟ ܠܝ ܒܘܣܡܟ ܘܦܘܪܩܢܟ ܘܪܘܚܟ ܡܫܒܚܬܐ ܬܣܡܟܢܝ¹⁵ܕܐܠܦ ܠܥܘ̈ܠܐ ܐܘܪܚܟ ܘܚ̈ܛܝܐ ܠܘܬܟ ܢܬܦܢܘܢ¹⁶ܦܨܢܝ ܡܢ ܕܡܐ ܐܠܗܝ ܐܠܗܐ ܕܙܕܝܩܘܬܝ ܘܢܫܒܚ ܠܫܢܝ ܙܕܝܩܘܬܟ¹⁷ܡܪܝܐ ܦܬܚ ܠܝ ܣܦܘ̈ܬܝ ܘܦܘܡܝ ܢܦܩ ܬܫܒܚ̈ܬܟ¹⁸ܡܛܠ ܕܠܐ ܨܒܝܬ ܒܕܒܚ̈ܐ ܐܦܠܐ ܒܝܩ̈ܕܐ ܫܠܡ̈ܐ ܐܬܪܥܝܬ¹⁹ܕܒܚ̈ܘܗܝ ܕܐܠܗܐ ܪܘܚܐ ܗܝ ܡܟܝܟܬܐ ܠܒܐ ܫܚܝܩܐ ܐܠܗܐ ܠܐ ܡܣܠܐ²⁰ܐܛܐܒ ܒܨܒܝܢܟ ܠܨܗܝܘܢ ܘܒܢܝ ܫܘܪ̈ܝܗ̇ ܕܐܘܪܫܠܡ²¹ܗܝ ܕܝܢ ܬܨܛܒܐ ܒܕܒܚ̈ܐ ܕܩܘܫܬܐ ܘܒܝ̈ܩܕܐ ܫ̈ܠܡܐ ܗܝ ܕܝܢ ܢܣܩܘܢ ܬܘܪ̈ܐ ܥܠ ܡܕܒܚܟ

Cambia Bibbia

Confronta con un'altra Bibbia

Versetti esaminati