Salmi ܡܙܡܘܪܐ 35

¹ܕܘܢ ܡܪܝܐ ܕܝܢܝ ܘܐܬܟܬܫ ܥܡ ܐܝܠܝܢ ܕܡܬܟܬܫܝܢ ܥܡܝ²ܐܚܘܕ ܙܝܢܐ ܘܣܟܪܐ ܘܩܘܡ ܒܥܘܕܪܢܝ³ܫܡܘܛ ܣܦܣܝܪܐ ܘܐܒܪܩ ܠܘܩܒܠ ܪ̈ܕܘܦܝ ܘܐܡܪ ܠܢܦܫܝ ܕܐܢܐ ܗܘ ܦܪܘܩܟܝ⁴ܢܒܗܬܘܢ ܘܢܚܦܪܘܢ ܐܝܠܝܢ ܕܒܥܝܢ ܠܢܦܫܝ ܢܗܦܟܘܢ ܠܒܣܬܪܗܘܢ ܘܢܚܦܪܘܢ ܐܝܠܝܢ ܕܐܬܚܫܒܘ ܥܠܝ ܒܝܫܬܐ⁵ܢܗܘܘܢ ܐܝܟ ܕܚܝܚܐ ܩܕܡ ܪܘܚܐ ܘܡܠܐܟܗ ܕܡܪܝܐ ܢܪܕܘܦ ܐܢܘܢ⁶ܬܚܫܟ ܐܘܪܚܗܘܢ ܘܢܗ̈ܘܝܢ ܒܗ̇ ܡܫܪ̈ܘܥܝܬܐ ܘܡܠܐܟܗ ܕܐܠܗܐ ܢܪܕܘܦ ܐܢܘܢ⁷ܥܠ ܕܛܡܪܘ ܠܝ ܦܚ̈ܐ ܘܡܨܝܕܬܐ ܦܪܣܘ ܠܢܦܫܝ⁸ܬܐܬܐ ܥܠܝܗܘܢ ܒܝܫܬܐ ܡܢ ܫܠܝܐ ܘܡܨܝܕܬܐ ܕܛܡܪܘ ܬܐܚܘܕ ܐܢܘܢ ܘܓܘܡܨܐ ܕܚܦܪܘ ܢܦܠܘܢ ܒܗ⁹ܢܦܫܝ ܕܝܢ ܬܪܘܙ ܒܐܠܗܐ. ܘܬܬܒܣܡ ܒܦܘܪܩܢܗ¹⁰ܘܟܠܗܘܢ ܓܪ̈ܡܝ ܢܐܡܪܘܢ ܡܪܝܐ ܡܢܘ ܐܟܘܬܟ ܕܡܦܨܐ ܐܢܬ ܠܒܝܫܐ ܡܢ ܒܥܠܕܒܒܗ ܘܠܡܣܟܢܐ ܘܠܒܝܫܐ ܡܢ ܡܢ ܕܚܛܦ ܠܗ ܒܩܛܝܪܐ¹¹ܩܡܘ ܣܗ̈ܕܐ ܕܥܘܠܐ ܘܡܕܡ ܕܠܐ ܝܕܥ ܗܘܝܬ ܫܐܠܘܢܝ¹²ܦܪܥܘܢܝ ܒܝܫܬܐ ܚܠܦ ܛܒܬܐ ܘܐܘܒܕܘ ܢܦܫܝ ܡܢ ܒܢ̈ܝ ܐܢܫܐ¹³ܘܐܢܐ ܒܟܪܝܗܘܬܗܘܢ ܠܒܫܬ ܣܩܐ ܘܡܟܟܬ ܢܦܫܝ ܒܨܘܡܐ ܘܨܠܘܬܝ ܠܥܘܒܝ ܗܦܟܬ¹⁴ܐܝܟ ܪܚܡܐ ܘܐܝܟ ܐܚܐ ܡܗܠܟ ܗܘܝܬ ܘܐܝܟ ܗܘ ܕܝܬܒ ܒܐܒܠܐ ܐܬܕܘܝܬ¹⁵ܒܚܫܝ ܐܬܟܢܫܘ ܘܚܕܝܘ ܠܝ ܐܬܟܢܫܘ ܥܠܝ ܢܘܓܪܐ ܘܠܐ ܝܕܥܬ¹⁶ܒܫܘܒܗܪܗܘܢ ܘܒܒܘܙܚܗܘܢ ܚܪܩܘ ܥܠܝ ܫ̈ܢܝܗܘܢ¹⁷ܡܪܝ ܟܕܘ ܚܙܝܬ ܐܗܦܟ ܢܦܫܝ ܡܢ ܫܓܘܫܝܗܘܢ ܘܡܢ ܐܪ̈ܝܘܬܐ ܝܚܝܕܘܬܝ¹⁸ܐܘܕܐ ܠܟ ܒܥܕܬܐ ܪܒܬܐ ܘܒܥܡ̈ܡܐ ܣ̈ܓܝܐܐ ܐܙܡܪ ܠܟ¹⁹ܕܠܐ ܢܚܕܘܢ ܠܝ ܒ̈ܥܠܕܒܒܝ ܘܫܩܪ̈ܐ ܕܣܢܝܢ ܠܝ ܡܓܢ ܕܡܪܡܙܝܢ ܒܥܝܢ̈ܝܗܘܢ²⁰ܘܫܠܡܐ ܠܐ ܐܡܪܝܢ ܘܥܠ ܡܟܝܟܐ ܕܐܪܥܐ ܢܟܠܐ ܡܬܚܫܒܝܢ²¹ܦܬܚܘ ܥܠܝ ܦܘܡܗܘܢ ܘܐܡܪܘ ܐܗܐ ܐܗܐ ܚܙܬ ܒܗ ܥܝܢܢ²²ܚܙܝܬ ܐܠܗܐ ܘܠܐ ܬܫܬܘܩ ܡܪܝ ܘܠܐ ܬܪܚܩ ܡܢܝ²³ܐܬܬܥܝܪ ܠܕܝܢܝ ܐܠܗܝ ܘܡܪܝ ܘܚܙܝ ܥܘܠܒܢܝ²⁴ܕܘܢܝܢܝ ܐܝܟ ܙܕܝܩܘܬܟ ܡܪܝܐ ܕܠܐ ܢܚܕܘܢ ܠܝ²⁵ܘܠܐ ܢܐܡܪܘܢ ܒܠܒܗܘܢ ܕܐܬܬܢܝܚܬ ܢܦܫܢ ܘܛܒܥܢܝܗܝ²⁶ܢܒܗܬܘܢ ܘܢܚܦܪܘܢ ܐܟܚܕܐ ܐܝܠܝܢ ܕܨܒܝܢ ܠܒܝܫܬܝ ܘܐܝܠܝܢ ܕܡܬܪܘܪܒܝܢ ܥܠܝ ܢܠܒܫܘܢ ܒܗܬܬܐ²⁷ܢܫܒܚܘܢ ܘܢܚܕܘܢ ܐܝܠܝܢ ܕܨܒܝܢ ܠܙܟܘܬܝ ܘܢܐܡܪܘܢ ܒܟܠܙܒܢ ܕܪܒ ܗܘ ܡܪܝܐ ܕܨܒܐ ܒܫܠܡܐ ܕܥܒܕܗ²⁸ܠܫܢܝ ܢܘܕܐ ܒܙܕܝܩܘܬܟ ܘܟܠܗ ܝܘܡܐ ܒܬܫܒ̈ܚܬܟ

Cambia Bibbia

Confronta con un'altra Bibbia

Versetti esaminati