Genesi ܒܪܝܬܐ 36

¹ ܘܗܳܠܶܝܢ ܬܰܘ̈ܠܕܳܬܶܗ ܕܥܺܝܣܽܘ: ܥܺܝܣܽܘ ܗܽܘܝܽܘ ܐܰܕܽܘܡ.

² ܥܺܝܣܽܘ ܢܣܰܒ ܢܶܫܰܘ̈ܗܝ ܡܶܢ ܒܢ̈ܳܬ ܟܢܰܥܢ: ܠܥܰܕܳܐ ܒܰܪܬ ܐܰܠܽܘܢ ܚܺܝܬܳܝܳܐ: ܘܠܰܐܗܠܺܝܒܡܳܐ ܒܰܪܬ ܥܰܢܳܐ ܒܰܪ ܨܶܒܥܽܘܢ ܚܳܘܳܝܳܐ.

³ ܘܰܠܒܶܣܡܰܬ ܒܰܪܬ ܐܺܝܫܡܳܥܺܝܠ: ܚܳܬܶܗ ܕܰܢܒܺܝܽܘܬ.

⁴ ܘܝܶܠܕܰܬ ܥܰܕܳܐ ܠܥܺܝܣܽܘ: ܠܶܐܠܺܝܦܰܙ: ܘܒܶܣܡܰܬ ܝܶܠܕܰܬ ܠܰܪܥܽܘܐܶܝܠ.

⁵ ܘܰܐܗܠܺܝܒܡܳܐ ܝܶܠܕܰܬ ܠܝܰܥܽܘܫ: ܘܠܝܰܥܠܰܢ: ܘܰܠܩܽܘܪܰܚ: ܗܳܠܶܝܢ ܒܢܰܘ̈ܗܝ ܕܥܺܝܣܽܘ ܕܶܐܬܺܝܠܶܕܘ ܠܶܗ ܒܰܐܪܥܳܐ ܕܰܟܢܰܥܢ.

⁶ ܘܰܕܒܰܪ ܥܺܝܣܽܘ ܢܶܫܰܘ̈ܗܝ: ܘܰܒܢܰܘ̈ܗܝ: ܘܰܒܢ̈ܳܬܶܗ: ܘܟܽܠ ܢܰܦ̈ܫܳܬܳܐ ܕܒܰܝܬܶܗ ܘܟܽܠܶܗ ܒܥܺܝܪܶܗ ܘܟܽܠܶܗ ܩܶܢܝܳܢܶܗ ܕܰܩܢܳܐ ܒܰܐܪܥܳܐ ܕܰܟܢܰܥܢ: ܘܶܐܙܰܠ ܠܰܐܪܥܳܐ ܕܣܳܥܺܝܪ ܡܶܢ ܩܕܳܡ ܝܰܥܩܽܘܒ ܐܰܚܽܘܗܝ.

⁷ ܡܶܛܽܠ ܕܣܰܓܺܝ ܗܘܳܐ ܩܶܢܝܳܢܗܽܘܢ ܠܡܶܬܰܒ ܐܰܟܚܕܳܐ: ܘܠܳܐ ܡܰܘܦܝܳܐ ܗܘܳܬ ܐܰܪܥܳܐ ܕܡܰܥܡܰܪܗܽܘܢ ܠܰܡܣܰܝܒܳܪܽܘ ܐܶܢܽܘܢ: ܡܶܛܽܠ ܩܶܢܝܳܢܗܽܘܢ.

⁸ ܘܺܝܬܶܒ ܥܺܝܣܽܘ ܒܛܽܘܪܳܐ ܕܣܳܥܺܝܪ: ܥܺܝܣܽܘ ܗܽܘܝܽܘ ܐܰܕܽܘܡ.

⁹ ܬܰܘܠܕ̈ܳܬܶܗ ܕܥܺܝܣܽܘ ܘܗܳܠܶܝܢ ܬܰܘ̈ܠܕܳܬܶܗ ܕܥܺܝܣܽܘ ܐܰܒܽܘܗܽܘܢ ܕܰܐܕܽܘܡܳܝ̈ܶܐ: ܒܛܽܘܪܳܐ ܕܣܳܥܺܝܪ.

¹⁰ ܘܗܳܠܶܝܢ ܫܡܳܗ̈ܶܐ ܕܰܒܢܰܝ̈ ܥܺܝܣܽܘ: ܐܰܠܺܝܦܳܙ ܒܰܪ ܥܰܕܳܐ ܐܰܢ̱ܬܬܶܗ ܕܥܺܝܣܽܘ: ܘܰܪܥܽܘܐܶܝܠ ܒܰܪ ܒܶܣܡܰܬ: ܐܰܢ̱ܬܬܶܗ ܕܥܺܝܣܽܘ.

¹¹ ܘܰܗܘܰܘ ܒܢܰܘ̈ܗܝ ܕܶܐܠܺܝܦܳܙ: ܬܰܝܡܳܢ ܐܘܡܳܪ: ܘܨܰܦܽܘ: ܘܓܰܥܬܰܡ: ܘܩܰܢܙ.

¹² ܘܬܰܡܢܰܥ ܗܘܳܬ ܕܪܽܘܟܬܳܐ ܠܶܐܠܺܝܦܳܙ ܒܰܪ ܥܺܝܣܽܘ: ܘܝܶܠܕܰܬ ܠܶܐܠܺܝܦܳܙ ܠܰܥܡܳܠܺܝܩ: ܗܳܠܶܝܢ ܒܢܶܝ̈ܗ̇ ܕܥܰܕܳܐ ܐܰܢ̱ܬܬܶܗ ܕܥܺܝܣܽܘ.

¹³ ܘܗܳܠܶܝܢ ܒܢܰܝ̈ ܪܥܽܘܐܶܝܠ: ܢܳܚܳܬ: ܘܙܰܪܰܚ: ܘܫܰܡܳܐ: ܘܡܰܙܳܐ: ܗܳܠܶܝܢ ܒܢܰܝ̈ ܒܶܣܡܰܬ ܐܰܢ̱ܬܬܶܗ ܕܥܺܝܣܽܘ

¹⁴ ܘܗܳܠܶܝܢ ܒܢܰܝ̈ ܐܰܗܠܺܝܒܡܳܐ: ܒܰܪܬ ܥܰܢܳܐ ܒܰܪ ܨܶܒܥܽܘܢ: ܐܰܢ̱ܬܬܶܗ ܕܥܺܝܣܽܘ: ܘܝܶܠܕܰܬ ܠܥܺܝܣܽܘ ܠܝܰܥܽܘܫ: ܘܰܠܝܰܥܠܳܢ: ܘܰܠܩܽܘܪܰܚ.

¹⁵ ܘܗܳܠܶܝܢ ܪܰܘܖ̈ܒܳܢܶܐ ܕܰܒܢܰܝ̈ ܥܺܝܣܽܘ: ܒܢܰܝ̈ ܐܶܠܺܝܦܳܙ ܒܽܘܟܪܶܗ ܕܥܺܝܣܽܘ: ܪܰܒܳܐ ܬܰܝܡܳܢ: ܪܰܒܳܐ ܐܽܘܡܳܪ: ܪܰܒܳܐ ܨܰܦܽܘ: ܪܰܒܳܐ ܩܰܢܙ.

¹⁶ ܪܰܒܳܐ ܓܰܥܬܳܡ: ܪܰܒܳܐ ܩܽܘܪܰܚ: ܪܰܒܳܐ ܥܡܳܠܺܝܩ: ܗܳܠܶܝܢ ܪܰܘܖ̈ܒܳܢܶܐ ܕܶܐܠܺܝܦܳܙ ܒܰܐܪܥܳܐ ܕܰܐܕܽܘܡ: ܗܳܠܶܝܢ ܒܢܶܝ̈ܗ̇ ܕܥܰܕܳܐ.

¹⁷ ܘܗܳܠܶܝܢ ܒܢܰܝ̈ ܪܥܽܘܐܶܝܠ ܒܰܪ ܥܺܝܣܽܘ: ܪܰܒܳܐ ܢܳܚܳܬ: ܪܰܒܳܐ ܙܰܪܰܚ: ܪܰܒܳܐ ܫܰܡܳܐ: ܪܰܒܳܐ ܡܰܙܳܐ: ܗܳܠܶܝܢ ܪܰܘܖ̈ܒܳܢܶܐ ܕܰܪܥܽܘܐܶܝܠ ܒܰܐܪܥܳܐ ܕܰܐܕܽܘܡ: ܗܳܠܶܝܢ ܒܢܶܝ̈ܗ̇ ܕܒܶܣܡܰܬ ܐܰܢ̱ܬܬܶܗ ܕܥܺܝܣܽܘ.

¹⁸ ܘܗܳܠܶܝܢ ܒܢܰܝ̈ ܐܰܗܠܺܝܒܡܳܐ ܐܰܢ̱ܬܬܶܗ ܕܥܺܝܣܽܘ: ܪܰܒܳܐ ܝܰܥܽܘܫ: ܪܰܒܳܐ ܝܰܥܠܳܢ: ܪܰܒܳܐ ܩܽܘܪܰܚ: ܗܳܠܶܝܢ ܒܢܰܝ̈ ܐܰܗܠܺܝܒܡܳܐ ܒܰܪܬ ܥܰܢܳܐ ܐܰܢ̱ܬܬܶܗ ܕܥܺܝܣܽܘ.

¹⁹ ܗܳܠܶܝܢ ܒܢܰܝ̈ ܥܺܝܣܽܘ: ܘܗܳܠܶܝܢ ܪܰܘܖ̈ܒܳܢܰܝ̈ܗܽܘܢ: ܥܺܝܣܽܘ ܗܽܘܝܽܘ ܐܰܕܽܘܡ.

²⁰ ܘܗܳܠܶܝܢ ܒܢܰܝ̈ ܣܳܥܺܝܪ ܚܰܘܖ̈ܳܝܶܐ ܝܳܬܒܰܝ̈ ܐܰܪܥܳܐ: ܠܰܘܛܳܢ: ܘܫܽܘܒܳܠ: ܘܨܶܒܥܽܘܢ: ܘܥܰܢܳܐ.

²¹ ܘܕܺܝܫܽܘܢ: ܘܳܐܨܳܪ: ܘܕܰܝܫܳܢ: ܗܳܠܶܝܢ ܪܰܘܖ̈ܒܳܢܶܐ ܕܚܰܘܖ̈ܳܝܶܐ ܒܢܰܝ̈ ܣܳܥܺܝܪ ܒܰܐܪܥܳܐ ܕܰܐܕܽܘܡ.

²² ܘܰܗܘܰܘ ܒܢܰܝ̈ ܠܰܘܛܳܢ: ܚܽܘܪܺܝ: ܘܗܽܘܡܳܡ: ܘܚܳܬܶܗ ܕܠܰܘܛܳܢ ܬܰܡܢܰܥ.

²³ ܘܗܳܠܶܝܢ ܒܢܰܝ̈ ܫܽܘܒܳܠ: ܥܰܠܽܘܢ: ܘܡܰܢܚܰܬ: ܘܥܽܘܒܳܠ: ܘܫܳܦܰܪ: ܐܘܝܳܡ.

²⁴ ܘܗܳܠܶܝܢ ܒܢܰܝ̈ ܨܶܒܥܽܘܢ: ܐܰܢܳܐ ܘܥܳܢܳܐ: ܗܰܘ ܥܰܢܳܐ ܕܶܐܫܟܰܚ ܠܶܗ ܡܰܝ̈ܳܐ ܒܡܰܕܒܪܳܐ: ܟܰܕ ܪܳܥܶܐ ܗܘܳܐ ܚܶܡܖ̈ܳܐ ܕܨܶܒܥܽܘܢ ܐܰܒܽܘܗܝ.

²⁵ ܘܗܳܠܶܝܢ ܒܢܰܝ̈ ܥܰܢܳܐ: ܕܺܝܫܽܘܢ ܘܰܐܗܠܺܝܒܡܳܐ.

²⁶ ܘܗܳܠܶܝܢ ܒܢܰܝ̈ ܕܺܝܫܽܘܢ: ܚܰܡܪܰܢ: ܘܰܐܫܒܰܢ: ܘܝܰܬܪܳܢ: ܘܟܰܪܳܢ.

²⁷ ܘܗܳܠܶܝܢ ܒܢܰܝ̈ ܐܳܨܳܪ: ܒܰܠܗܳܢ: ܘܙܰܥܽܘܢ: ܘܥܰܩܳܢ.

²⁸ ܘܗܳܠܶܝܢ ܒܢܰܝ̈ ܕܰܝܫܳܢ: ܥܽܘܨ: ܘܳܐܪܳܢ.

²⁹ ܘܗܳܠܶܝܢ ܪܰܘܖ̈ܒܳܢܶܐ ܕܚܰܘܖ̈ܳܝܶܐ: ܪܰܒܳܐ ܠܰܘܛܳܢ: ܪܰܒܳܐ ܫܽܘܒܳܠ: ܪܰܒܳܐ ܨܶܒܥܽܘܢ: ܪܰܒܳܐ ܥܰܢܳܐ.

³⁰ ܪܰܒܳܐ ܕܺܝܫܽܘܢ: ܪܰܒܳܐ ܐܳܨܳܪ: ܪܰܒܳܐ ܕܰܝܫܰܢ: ܗܳܠܶܝܢ ܪܰܘܖ̈ܒܳܢܶܐ ܕܚܰܘܖ̈ܳܝܶܐ ܠܪܰܘܖ̈ܒܳܢܰܝ̈ܗܽܘܢ ܒܰܐܪܥܳܐ ܕܣܳܥܺܝܪ.

³¹ ܘܗܳܠܶܝܢ ܡܰܠܟ̈ܶܐ ܕܰܐܡܠܶܟܘ ܒܰܐܪܥܳܐ ܕܰܐܕܽܘܡ: ܩܕܳܡ ܕܢܰܡܠܶܟ ܡܰܠܟܳܐ ܠܰܒܢܰܝ̈ ܝܺܣܪܳܐܶܝܠ.

³² ܐܰܡܠܶܟ ܒܰܐܕܽܘܡ ܒܳܠܰܥ ܒܰܪ ܒܥܽܘܪ: ܘܰܫܡܳܐ ܕܰܩܪܺܝܬܶܗ ܕܺܝܗܰܒ.

³³ ܘܡܺܝܬ ܒܳܠܰܥ: ܘܰܐܡܠܶܟ ܒܳܬܪܶܗ ܝܽܘܒܳܒ ܒܰܪ ܙܰܪܰܚ ܡܶܢ ܒܽܘܨܳܪ.

³⁴ ܘܡܺܝܬ ܝܽܘܒܳܒ: ܘܰܐܡܠܶܟ ܒܳܬܪܶܗ ܚܫܽܘܡ ܡܶܢ ܐܰܪܥܳܐ ܕܬܰܝܡܢܳܐ.

³⁵ ܘܡܺܝܬ ܚܫܽܘܡ: ܘܰܐܡܠܶܟ ܒܳܬܪܶܗ ܗܳܕܳܕ ܒܰܪ ܒܕܳܕ ܕܩܰܛܶܠ ܠܡܶܕܝܰܢܳܝ̈ܶܐ ܒܚܰܩ̈ܠܳܬܳܐ ܕܡܽܘܐܳܒ: ܘܰܫܡܳܐ ܕܰܩܪܺܝܬܶܗ ܓܘܺܝܬ.

³⁶ ܘܡܺܝܬ ܗܳܕܳܕ: ܘܰܐܡܠܶܟ ܒܳܬܪܶܗ ܣܰܡܠܳܐ ܡܶܢ ܡܰܣܪܩܳܐ.

³⁷ ܘܡܺܝܬ ܣܰܡܠܳܐ: ܘܰܐܡܠܶܟ ܒܳܬܪܶܗ ܫܳܐܘܳܠ ܡܶܢ ܪܰܚܒܽܘܬ ܢܰܗܪܳܐ.

³⁸ ܘܡܺܝܬ ܫܳܐܘܳܠ: ܘܰܐܡܠܶܟ ܒܳܬܪܶܗ ܒܥܶܠܚܰܢܳܢ ܒܰܪ ܥܒܰܟܽܘܪ.

³⁹ ܘܡܺܝܬ ܒܥܶܠܚܰܢܳܢ ܒܰܪ ܥܒܰܟܽܘܪ: ܘܰܐܡܠܶܟ ܒܳܬܪܶܗ ܗܳܕܳܕ: ܘܰܫܡܳܐ ܕܰܩܪܺܝܬܶܗ ܦܳܥܽܘ: ܘܰܫܡܳܐ ܕܰܐܢ̱ܬܬܶܗ ܡܰܗܛܒܐܶܝܠ ܒܰܪܬ ܡܰܛܪܺܝܕ ܒܰܪ ܡܺܝܙܳܗܳܒ.

⁴⁰ ܘܗܳܠܶܝܢ ܫܡܳܗ̈ܶܐ ܕܪܰܘܖ̈ܒܳܢܶܐ ܕܥܺܝܣܽܘ: ܠܫܰܖ̈ܒܬܗܽܘܢ: ܠܬܰܘ̈ܠܕܳܬܗܽܘܢ: ܒܰܫܡܳܗܰܝ̈ܗܽܘܢ: ܪܰܒܳܐ ܬܰܡܢܰܥ: ܪܰܒܳܐ ܥܰܢܘܳܐ: ܪܰܒܳܐ ܐܰܝܬܺܝܬ.

⁴¹ ܪܰܒܳܐ ܐܰܗܠܺܝܒܡܳܐ: ܪܰܒܳܐ ܐܺܝܠܳܐ: ܪܰܒܳܐ ܦܺܝܢܽܘܢ.

⁴² ܪܰܒܳܐ ܩܰܢܙ: ܪܰܒܳܐ ܬܰܝܡܳܢ: ܪܰܒܳܐ ܡܰܒܨܰܪ.

⁴³ ܪܰܒܳܐ ܡܰܓܕܺܝܠ: ܪܰܒܳܐ ܓܝܰܪܰܡ: ܗܳܠܶܝܢ ܪܰܘܖ̈ܒܳܢܶܐ ܕܰܐܕܽܘܡܳܝ̈ܶܐ ܒܶܝܬ ܡܰܥܡܰܪܗܽܘܢ: ܒܰܐܪܥܳܐ ܕܝܳܪܬܽܘܬܗܽܘܢ: ܗܽܘܝܽܘ ܥܺܝܣܽܘ ܐܰܒܽܘܗܽܘܢ ܕܰܐܕܽܘܡܳܝ̈ܶܐ.