Genesi ܒܪܝܬܐ 10

¹ ܘܗܳܠܶܝܢ ܬܰܘܠܕ̈ܳܬܳܐ ܕܰܒܢܰܝ̈ ܢܽܘܚ: ܫܺܝܡ: ܘܚܰܡ: ܘܝܰܦܶܬ: ܘܶܐܬܺܝܠܶܕܘ ܠܗܽܘܢ ܒܢܰܝ̈ܳܐ ܡܶܢ ܒܳܬܰܪ ܛܰܘܦܳܢܳܐ.

² ܒܢܰܝ̈ ܝܰܦܶܬ: ܓܳܡܰܪ: ܘܡܳܓܽܘܓ: ܘܡܳܕܰܝ: ܘܝܰܘܳܢ: ܘܬܽܘܒܶܝܠ: ܘܡܳܫܳܟ: ܘܬܺܝܪܶܣ.

³ ܘܰܒܢܰܝ̈ ܓܳܡܰܪ: ܐܰܫܟܢܳܙ: ܘܕܰܝܦܳܪ: ܘܬܽܘܓܰܪܡܳܐ.

⁴ ܘܰܒܢܰܝ̈ ܝܰܘܳܢ: ܐܶܠܺܝܫܳܐ: ܘܬܰܪܫܺܝܫ: ܘܟܳܬܺܝܡ: ܘܕܽܘܕܳܢܺܝܡ.

⁵ ܘܡܶܢ ܗܳܠܶܝܢ ܐܶܬܦܪܶܫܘ ܒܓܳܙܖ̈ܳܬܳܐ ܕܥܰܡ̈ܡܶܐ ܒܰܐܖ̈ܥܳܬܗܽܘܢ: ܓܒܰܪ ܠܠܶܫܳܢܶܗ: ܠܫܰܖ̈ܒܳܬܗܽܘܢ: ܒܥܰܡܡܰܝ̈ܗܽܘܢ.

⁶ ܘܰܒܢܰܝ̈ ܚܰܡ: ܟܽܘܫ: ܘܡܶܨܪܺܝܡ: ܘܦܽܘܛ: ܘܰܟܢܰܥܢ.

⁷ ܘܰܒܢܰܝ̈ ܟܽܘܫ: ܫܒܳܐ: ܘܰܚܘܺܝܠܳܐ: ܘܣܳܒܬܳܐ: ܘܪܰܥܡܳܐ: ܘܣܰܒܬܟܳܐ: ܘܰܒܢܰܝ̈ ܪܰܥܡܳܐ: ܫܒܳܐ ܘܕܳܪܰܢ.

⁸ ܘܟܽܘܫ ܐܰܘܠܶܕ ܠܢܰܡܪܽܘܕ: ܗܽܘ ܫܰܪܺܝ ܠܡܶܗܘܳܐ ܓܰܢ̱ܒܳܪܳܐ ܒܰܐܪܥܳܐ.

⁹ ܗܽܘ ܗܘܳܐ ܓܰܢ̱ܒܳܪܳܐ ܢܰܚܫܺܝܪܬܳܢܳܐ ܩܕܳܡ ܡܳܪܝܳܐ: ܡܶܛܽܠ ܗܳܢܳܐ ܡܶܬܶܐܡܰܪ: ܐܰܝܟ ܢܰܡܪܽܘܕ ܓܰܢ̱ܒܳܪܳܐ ܢܰܚܫܺܝܪܬܳܢܳܐ ܩܕܳܡ ܡܳܪܝܳܐ.

¹⁰ ܘܰܗܘܳܬ ܪܺܝܫ ܡܰܠܟܽܘܬܶܗ ܒܳܒܶܝܠ: ܘܳܐܪܳܟ: ܘܳܐܟܳܪ: ܘܟܶܠܝܳܐ: ܒܰܐܪܥܳܐ ܕܣܶܢܥܳܪ.

¹¹ ܡܶܢ ܐܰܪܥܳܐ ܗܳܝ ܢܦܰܩ ܐܳܬܽܘܪܳܝܳܐ: ܘܰܒܢܳܐ ܠܢܺܝܢܘܶܐ: ܘܰܠܪܰܚܒܽܘܬ ܩܪܺܝܬܳܐ: ܘܰܠܟܳܠܳܚ.

¹² ܘܰܠܪܳܣܰܢ ܕܒܶܝܬ ܢܺܝܢܘܶܐ: ܘܒܶܝܬ ܟܳܠܳܚ ܗܺܝ ܗܺܝ ܩܪܺܝܬܳܐ ܪܰܒܬܳܐ.

¹³ ܘܡܶܨܪܺܝܡ ܐܰܘܠܶܕ ܠܠܽܘܕܺܝܡ: ܘܰܠܝܰܥܒܺܝܡ: ܘܰܠܠܰܗܒܺܝܡ: ܘܰܠܝܰܦܬܽܘܚܺܝܡ.

¹⁴ ܘܰܠܦܰܬܪܽܘܣܺܝܡ: ܘܰܠܟܶܣܠܽܘܚܺܝܡ: ܕܰܢܦܰܩܘ ܡܶܢ ܬܰܡܳܢ ܦܠܶܫܬܳܝ̈ܶܐ: ܘܩܰܦܽܘܕܩܳܝ̈ܶܐ.

¹⁵ ܘܰܟܢܰܥܢ ܐܰܘܠܶܕ ܠܨܰܝܕܽܘܢ ܒܽܘܟܪܶܗ: ܘܰܠܚܺܝܬܳܝ̈ܶܐ.

¹⁶ ܘܰܠܝܰܒܽܘܣܳܝ̈ܶܐ: ܘܠܰܐܡܽܘܖ̈ܳܝܶܐ: ܘܰܠܓܰܖ̈ܓܽܘܣܳܝܶܐ.

¹⁷ ܘܰܠܚܰܘܳܝ̈ܶܐ: ܘܰܠܥܰܖ̈ܩܳܝܶܐ: ܘܰܠܣܺܝܢܳܝ̈ܶܐ.

¹⁸ ܘܠܳܐܖ̈ܽܘܕܳܝܶܐ: ܘܰܠܨܰܡܖ̈ܳܝܶܐ: ܘܠܰܚ̈ܡܳܬܳܝܶܐ: ܘܡܶܢ ܒܳܬܰܪܟܶܢ ܐܶܬܒܰܕܰܖ̈ܝ ܫܰܖ̈ܒܳܬܳܐ ܕܰܟܢܰܥܢܳܝ̈ܶܐ.

¹⁹ ܘܰܗܘܳܐ ܬܚܽܘܡܳܐ ܕܰܟܢܰܥܢܳܝ̈ܶܐ ܡܶܢ ܨܰܝܕܽܘܢ ܕܰܒܡܰܥܠܳܢܳܐ ܕܓܳܕܳܪ: ܘܰܥܕܰܡܳܐ ܠܥܶܐܙܳܐ ܕܰܒܡܰܥܠܳܢܳܐ ܕܰܣܕܽܘܡ: ܘܰܕܥܳܡܽܘܪܳܐ: ܘܕܳܐܕܳܡܳܐ: ܘܕܰܨܒܽܘܐܺܝܡ: ܥܕܰܡܳܐ ܠܠܶܫܳܥ.

²⁰ ܗܳܠܶܝܢ ܒܢܰܝ̈ ܚܰܡ: ܠܫܰܖ̈ܒܬܗܽܘܢ: ܠܠܶܫܳܢܰܝ̈ܗܽܘܢ: ܒܰܐܖ̈ܥܳܬܗܽܘܢ: ܒܥܰܡܡܰܝ̈ܗܽܘܢ.

²¹ ܘܫܺܝܡ ܐܰܘܠܶܕ ܐܳܦ ܗܽܘ: ܐܰܒܽܘܗܽܘܢ ܕܟܽܠ ܒܢܰܝ̈ ܥܳܒܰܪ: ܐܰܚܽܘܗܝ ܕܝܰܦܶܬ ܪܰܒܳܐ.

²² ܒܢܰܝ̈ ܫܺܝܡ: ܥܺܝܠܰܡ: ܘܰܐܫܽܘܪ: ܘܰܐܪܦܰܟܫܰܪ: ܘܠܽܘܕ: ܘܳܐܪܳܡ.

²³ ܘܰܒܢܰܝ̈ ܐܳܪܳܡ: ܥܽܘܨ: ܘܚܽܘܠ: ܘܓܳܬܰܪ: ܘܡܳܫ.

²⁴ ܘܰܐܪܦܰܟܫܰܪ ܐܰܘܠܶܕ ܠܫܳܠܰܚ: ܘܫܳܠܰܚ ܐܰܘܠܶܕ ܠܥܳܒܰܪ.

²⁵ ܘܰܠܥܳܒܰܪ ܐܶܬܺܝܠܶܕܘ ܬܪܶܝܢ ܒܢܺܝ̈ܢ: ܫܡܶܗ̇ ܕܚܰܕ ܦܳܠܳܓ: ܡܶܛܽܠ ܕܰܒܝܰܘܡܰܘ̈ܗܝ ܐܶܬܦܰܠܓܰܬ ܐܰܪܥܳܐ: ܘܰܫܡܳܐ ܕܰܐܚܽܘܗܝ ܝܰܩܛܳܢ.

²⁶ ܘܝܰܩܛܳܢ ܐܰܘܠܶܕ ܠܰܐܠܡܽܘܕܳܕ: ܘܰܠܫܳܠܳܦ: ܘܠܰܚܨܰܪܡܽܘܬ: ܘܰܠܝܳܪܳܚ.

²⁷ ܘܠܰܗܕܽܘܪܳܡ: ܘܠܽܐܘܙܺܝܠ: ܘܰܠܕܶܩܠܳܐ.

²⁸ ܘܰܠܥܽܘܒܳܠ: ܘܠܰܐܒܺܝܡܶܠ: ܘܠܰܫܒܳܐ.

²⁹ ܘܠܳܐܘܦܺܝܪ: ܘܠܰܚܘܺܝܠܳܐ: ܘܠܺܝܽܘܒܳܒ: ܟܽܠܗܽܘܢ ܗܳܠܶܝܢ ܒܢܰܘ̈ܗܝ ܕܝܰܩܛܳܢ.

³⁰ ܘܰܗܘܳܐ ܡܰܘܬܰܒܗܽܘܢ ܡܶܢ ܡܰܢܫܳܐ: ܕܰܒܡܰܥܠܳܢܳܐ ܕܰܣܦܰܪܘܺܝܡ ܛܽܘܪܳܐ ܒܡܰܕܢܚܳܐ.

³¹ ܗܳܠܶܝܢ ܒܢܰܝ̈ ܫܺܝܡ: ܠܫܰܖ̈ܒܬܗܽܘܢ: ܠܠܶܫܳܢܰܝ̈ܗܽܘܢ: ܒܰܐܖ̈ܥܳܬܗܽܘܢ: ܒܥܰܡܡܰܝ̈ܗܽܘܢ.

³² ܗܳܠܶܝܢ ܫܰܪܒܬܳܐ ܕܰܒܢܰܝ̈ ܢܽܘܚ: ܠܬܰܘ̈ܠܕܳܬܗܽܘܢ: ܠܫܰܖ̈ܒܳܬܗܽܘܢ: ܒܥܰܡܡܰܝ̈ܗܽܘܢ: ܘܡܶܢ ܗܳܠܶܝܢ ܐܶܬܦܪܶܫܘ ܥܰܡ̈ܡܶܐ ܒܰܐܪܥܳܐ: ܡܶܢ ܒܳܬܰܪ ܛܰܘܦܳܢܳܐ.