Secondo libro delle Cronache ܕܒܪܝܡܝܢ 27

¹ܒܪ ܥܣܪܝܢ ܘܚܡܫ ܫܢ̈ܝܢ ܝܘܬܡ ܟܕ ܩܡ ܒܡܠܟܘܬܐ ܘܫܬܬܥܣܪܐ ܫܢ̈ܝܢ ܐܡܠܟ ܒܐܘܪܫܠܡ ܘܫܡܐ ܕܐܡܗ ܝܪܘܫܐ ܒܪܬ ܨܕܘܩ²ܘܥܒܕ ܕܫܦܝܪ ܩܕܡ ܡܪܝܐ ܐܝܟܢܐ ܕܥܒܕ ܥܘܙܝܐ ܐܒܘܗܝ ܒܠܚܘܕ ܕܠܐ ܥܠ ܠܒܝܬܗ ܕܡܪܝܐ ܘܥܕܡܐ ܠܗܫܐ ܥܡܐ ܡܚܒܠܝܢ ܗܘܘ³ܘܗܘ ܒܢܐ ܬܪܥܐ ܕܒܝܬܗ ܕܡܪܝܐ ܥܠܝܐ ܘܐܦ ܒܫܘܪܐ ܕܐܬܓܡܪ ܒܢܐ ܣܓܝ ܛܒ⁴ܘܩܘܪ̈ܝܐ ܒܢܐ ܒܐܪܥܐ ܕܝܗܘܕܐ ܘܒܚܪܫܬ ܒܢܐ ܒܝܪ̈ܬܐ ܘܡܓ̈ܕܠܐ⁵ܘܗܘ ܐܬܟܬܫ ܗܘܐ ܥܡ ܥܡܐ ܕܒܢ̈ܝ ܥܡܘܢ ܘܐܬܬܩܦ ܥܠܝܗܘܢ ܘܝܗܒܘ ܠܗ ܒܢ̈ܝ ܥܡܘܢ ܒܫܢܬܐ ܗ̇ܝ ܡܐܐ ܟܟܪ̈ܝܢ ܕܟܣܦܐ ܘܥܣܪ̈ܐ ܐ̈ܠܦܝܢ ܟܘܪ̈ܐ ܕܚ̈ܛܐ ܘܥܣܪ̈ܐ ܐ̈ܠܦܝܢ ܟܘܪ̈ܐ ܕܣܥܪ̈ܐ ܗܢܐ ܟܠܗ ܩܘܪܒܢܐ ܚܫܒܘ ܕܩܪܒܘ ܠܗ ܒܢ̈ܝ ܥܡܘܢ ܘܒܫܢܬܐ ܕܬܪܬܝܢ ܘܕܬܠܬ⁶ܐܬܥܫܢ ܝܘܬܡ ܡܛܘܠ ܕܐܬܩܢ ܐܘܪ̈ܚܬܗ ܩܕܡ ܡܪܝܐ ܐܠܗܐ⁷ܘܫܪܟܐ ܕܦܬܓܡ̈ܘܗܝ ܕܝܘܬܡ ܘܟܠܗܘܢ ܩܪ̈ܒܘܗܝ ܘܐܘܪ̈ܚܬܗ ܗܐ ܗܢܘܢ ܟܬܝܒܝܢ ܥܠ ܣ̣ܦܪܐ ܕܡ̈ܠܟܐ ܕܐܝܣܪܝܠ ܘܕܝܗܘܕܐ⁹ܘܫܟܒ ܝܘܬܡ ܥܡ ܐܒܗ̈ܘܗܝ ܘܐܬܩܒܪ ܒܩܪܝܬܗ ܕܕܘܝܕ ܘܐܡܠܟ ܐܚܙ ܒܪܗ ܒܬܪܗ

Cambia Bibbia

Confronta con un'altra Bibbia

Versetti esaminati