Secondo libro delle Cronache ܕܒܪܝܡܝܢ 2

¹ܘܡܢܐ ܐܢܘܢ ܫܠܝܡܘܢ ܫܒܥ̈ܝܢ ܐ̈ܠܦܝܢ ܓܒܪ̈ܝܢ ܫ̇ܩ̈ܠܝ ܩܘ̈ܦܐ ܘܬܡܢܐܝܢ ܐܠܦ̈ܝܢ ܓܒܪ̈ܐ ܦܣܘ̈ܠܐ ܒܛܘܪܐ ܘܫܠܝܛܝܢ ܥܠܝܗܘܢ ܬܠܬܐ ܐ̈ܠܦܝܢ ܘܫܬܡܐܐ²ܘܫܕܪ ܫܠܝܡܘܢ ܠܘܬ ܚܝܪܡ ܡܠܟܐ ܕܨܘܪ ܘܐܡܪ ܠܗ ܐܝܟܢܐ ܕܥܒܕܬ ܥܡ ܕܘܝܕ ܐܒܝ ܚܣܕܐ ܪܒܐ ܘܫܕܪܬ ܠܗ ܐܪ̈ܙܐ ܠܡܒܢܐ ܠܗ ܒܝܬܐ ܠܡܬܒ ܒܗ³ܘܗܐ ܐܢܐ ܒܢ̇ܐ ܒܝܬܐ ܠܫܡܗ ܕܡܪܝܐ ܐܠܗܝ ܠܡܩܕܫܘ ܠܗ ܘܠܡܩܪܒܘ ܩܕܡܘܗܝ ܩܛܪ̈ܘܩܐ ܕܒܣ̈ܡܐ ܘܠܡܢܗܪܘ ܫܪ̈ܓܐ ܐܡܝܢܐܝܬ ܘܕܒ̈ܚܐ ܠܡܩܪܒܘ ܒܨܦܪܐ ܘܒܪܡܫܐ ܘܒܫܒ̈ܐ ܘܒܪܝܫ ܝܪ̈ܚܐ ܘܒܥܐ̈ܕܐ ܕܡܪܝܐ ܐܠܗܢ ܠܥܠܡ ܗܕܐ ܓܙܪ ܥܠ ܟܠܗ ܐܝܣܪܝܠ⁴ܘܒܝܬܐ ܕܐܢܐ ܒܢ̇ܐ ܪܒ ܗܘ ܛܒ ܡܛܠ ܕܪܒ ܗܘ ܓܝܪ ܡܪܝܐ ܐܠܗܢ ܡܢ ܟܠܗܘܢ ܡܠܟ̈ܐ⁵ܘܡܢܘ ܐܝܬ ܒܗ ܚܝܠܐ ܠܡܒܢܐ ܠܗ ܒܝܬܐ ܡܛܠ ܕܫܡܝܐ ܘܫܡ̈ܝ ܫܡܝܐ ܠܐ ܡܣܝܒܪܝܢ ܠܗ ܘܡܢܐ ܚܫܝܒ ܐܢܐ ܕܐܒܢܐ ܠܗ ܒܝܬܐ ܐܘ ܕܐܣܩ ܠܗ ܩܛܪ̈ܘܩܐ ܕܒܣ̈ܡܐ⁶ܡܟܝܠ ܫܕܪ ܠܝ ܓܒܪܐ ܚܕ ܚܟܝܡܐ ܕܢܥܒܕ ܒܕܗܒܐ ܘܒܣܐܡܐ ܘܒܢܚܫܐ ܘܒܦܪܙܠܐ ܘܒܐܪܓܘܢܐ ܘܒܒܘܨܐ ܘܒܣܣܓܘܢܐ ܘܒܬܟܠܬܐ ܘܕܝ̇ܕܥ ܠܡܪܡܝܘ ܐܩܠܝ̈ܕܐ ܥܡ ܚܟܝ̈ܡܐ ܕܐܝܬ ܒܝܗܘܕܐ ܘܒܐܘܪܫܠܡ ܕܐܬܩܢ ܕܘܝܕ ܐܒܝ⁷ܘܫܕܪ ܠܝ ܩܝܣ̈ܐ ܕܐܪܙܐ ܘܕܩܛܪܘܩܐ ܘܕܐܫܟܪܥܐ ܡܢ ܠܒܢܢ ܡܛܠ ܕܐܢܐ ܝܕܥ̇ܢܐ ܕܥܒ̣̈ܕܝܟ ܝܕܥ̇ܝܢ ܠܡܦܣܩ ܐܪ̈ܙܐ ܡܢ ܠܒܢܢ ܘܗܐ ܥܒ̣̈ܕܝ ܥܡ ܥܒ̣ܕ̈ܝܟ⁸ܢܗܘܘܢ ܡܝܬܝܢ ܠܝ ܩܝܣ̈ܐ ܣܓܝ ܡܛܠ ܕܒܝܬܐ ܕܒ̇ܢܐ ܐܢܐ ܪܒ ܗܘ ܛܒ ܘܕܬܡܗܐ ܗܘ⁹ܘܐܢܐ ܡܝܬܐ ܐܢܐ ܢܓܪ̈ܐ ܕܐܘܡ̈ܢܝܢ ܘܐܢܐ ܝܗ̇ܒ ܐܢܐ ܚ̈ܛܐ ܣܝܒܪܬܐ ܠܥܒ̣ܕ̈ܝܟ ܟܘܪ̈ܐ ܥܣܪܝܢ ܐ̈ܠܦܝܢ ܘܣܥܪ̈ܐ ܟܘܪ̈ܐ ܥܣܪܝܢ ܐ̈ܠܦܝܢ ܘܚܡܪܐ ܪ̈ܒܥܐ ܥܣܪܝܢ ܐ̈ܠܦܝܢ ܘܡܫܚܐ ܪ̈ܒܥܐ ܥܣܪܝܢ ܐ̈ܠܦܝܢ¹⁰ܘܐܡܪ ܚܝܪܡ ܡܠܟܐ ܕܨܘܪ ܒܟܬܒܐ ܘܫܕܪ ܠܘܬ ܫܠܝܡܘܢ ܘܐܡܪ ܠܗ ܡܛܠ ܕܪܚܡ ܡܪܝܐ ܠܥܡܗ ܐܩܝܡܟ ܥܠܝܗܘܢ ܡܠܟܐ¹¹ܘܐܡܪ ܚܝܪܡ ܒܪܝܟ ܗܘ ܡܪܐ ܡܪ̈ܘܬܐ ܕܐܝܣܪܝܠ ܕܒܪܐ ܫܡܝܐ ܘܐܪܥܐ ܘܝܗܒ ܠܕܘܝܕ ܒܪܐ ܚܟܝܡܐ ܡܫܬܘܕܥ ܘܡܬܒܝܢ ܘܗܘܬ ܡܢ ܪܥܝܢܗ ܠܡܒܢܐ ܒܝܬܐ ܠܡܪܝܐ ܘܒܝܬܐ ܠܡܠܟܘܬܗ¹²ܘܐܦ ܗܫܐ ܫܕܪܬ ܠܟ ܓܒܪܐ ܚܟܝܡܐ ܝܕ̇ܥ ܡܒܝܢܢܘܬܐ ܠܚܝܪܡ¹³ܒܪ ܐܢܬܬܐ ܗܘܐ ܐܪܡܠܬܐ ܡܢ ܒܝܬ ܕܢ ܘܐܒܘܗܝ ܓܒܪܐ ܗܘܐ ܐܘܡܢܐ ܝܕ̇ܥ ܠܡܥܒܕ ܒܕܗܒܐ ܘܒܟܣܦܐ ܘܒܢܚܫܐ ܘܒܦܪܙܠܐ ܘܒܟܐ̈ܦܐ ܘܒܩܝ̈ܣܐ ܘܒܐܪܓܘܢܐ ܘܒܬܟܠܬܐ ܘܒܒܘܨܐ ܘܒܣܣܓܘܢܐ ܘܒܐܣܦܝܢܝܩܐ ܠܡܥܒܕ ܩ̈ܠܝܕܐ ܠܬܪ̈ܥܐ ܘܠܡܥܒܕ ܟܠ ܐܘܡܢܘ ܕܐܬܝܗܒܬ ܠܗ ܡܢ ܩܕܡ ܡܪܝܐ ܥܡ ܚܟܝ̈ܡܝܟ ܘܥܡ ܚܟܝ̈ܡܘܗܝ ܕܡܪܢ ܕܘܝܕ ܐܒܘܟ¹⁴ܘܐܦ ܗܫܐ ܚܛ̈ܐ ܘܣܥܪ̈ܐ ܘܡܫܚܐ ܘܚ̣ܡܪܐ ܕܐܡܪ ܡܪܝ ܠܡܫܕܪܘ ܠܥܒ̣ܕ̈ܘܗܝ ܢܫܕܪ¹⁵ܘܚܢܢ ܢܦܣܘܩ ܐܪ̈ܙܐ ܡܢ ܠܒܢܢ ܐܝܟ ܨܒܝܢܟ ܘܐܝܟ ܡܘܫ̈ܚܬܟ ܘܢܝܬܐ ܐܢܘܢ ܠܟ ܘܢܪܡܐ ܐܢܘܢ ܒܝܡܐ ܕܣܘܦ ܘܐܢܬ ܬܣܩ ܐܢܘܢ ܠܐܘܪܫܠܡ¹⁶ܘܟܢܫ ܫܠܝܡܘܢ ܟܠ ܓܒܪ̈ܐ ܓܝܘܪ̈ܐ ܕܗܘܘ ܒܐܪܥܐ ܕܐܝܣܪܝܠ ܒܬܪ ܡܢܝܢܐ ܕܡܢܐ ܐܢܘܢ ܕܘܝܕ ܐܒܘܗܝ ܘܐܫܟܚ ܡܐܐ ܘܚܡܫܝܢ ܐ̈ܠܦܝܢ ܘܬܠܬܐ ܐܠܦܝ̈ܢ ܘܫܬܡܐܐ¹⁷ܘܥܒܕ ܡܢܗܘܢ ܡܠܟܐ ܫܠܝܡܘܢ ܫܒܥܝܢ ܐ̈ܠܦܝܢ ܫ̇ܩ̈ܠܝ ܩܘ̈ܦܐ ܘܬܡܢܐܝܢ ܐ̈ܠܦܝܢ ܦܣܘ̈ܠܐ ܒܛܘܪܐ ܘܬܠܬܐ ܐ̈ܠܦܝܢ ܘܫܬܡܐܐ ܩܝܘ̈ܡܐ ܕܡܥܒܕܝܢ ܠܥܡܐ

Cambia Bibbia

Confronta con un'altra Bibbia

Versetti esaminati