Secondo libro delle Cronache ܕܒܪܝܡܝܢ 8

¹ܘܗܘܐ ܠܣܘܦ ܥܣܪ̈ܝܢ ܫܢܝ̈ܢ ܕܒܢܐ ܫܠܝܡܘܢ ܠܒܝܬܗ ܕܡܪܝܐ ܘܠܒܝܬܐ ܕܡܠܟܘܬܗ²ܘܩܘܪ̈ܝܐ ܕܝܗܒ ܚܝܪܡ ܠܫܠܝܡܘܢ ܒܢܐ ܐܢܝ̈ܢ ܫܠܝܡܘܢ ܘܐܘܬܒ ܒܗܝܢ ܠܒܢ̈ܝ ܐܝܣܪܝܠ³ܘܐܙܠ ܫܠܝܡܘܢ ܠܐܢܛܝܘܟܝ ܘܫܪܐ ܥܠܝܗ̇ ܘܥܩܪܗ̇⁴ܘܒܢܐ ܠܬܕܡܘܪ ܕܚܪܒܐ ܗܘܬ ܐܝܟ ܡܕܒܪܐ ܘܠܟܘܠܗܝܢ ܩܘܪ̈ܝܐ ܕܐܘܨܪ̈ܐ⁵ܘܒܢܐ ܒܝܬ ܚܘܪܢ ܥܠܝܬܐ ܘܒܝܬ ܚܘܪܢ ܬܚܬܝܬܐ⁶ܘܠܟܠܗܝܢ ܩܘܪ̈ܝܐ ܕܐܘܨܪ̈ܐ ܕܗܘ̈ܝ ܠܫܠܝܡܘܢ ܘܩܘܪ̈ܝܐ ܕܙܘ̈ܓܐ ܘܩܘܪ̈ܝܐ ܕܦܪ̈ܫܐ ܘܟܘܠܗ̇ ܪܓܬܗ ܕܫܠܝܡܘܢ ܕܪܓ ܗܘܐ ܠܡܒܢܐ ܒܐܘܪܫܠܡ ܘܒܠܒܢܢ ܘܒܟܠܗ̇ ܐܪܥܐ ܕܫܘܠܛܢܗ⁷ܘܟܠ ܥܡܐ ܕܝܬܪܘ ܡܢ ܐܡܘܪ̈ܝܐ ܘܚ̈ܬܝܐ ܘܦܪ̈ܙܝܐ ܘܚܘ̈ܝܐ ܘܝܒܘ̈ܣܝܐ ܕܠܐ ܗܘܘ ܡܢ ܒܢ̈ܝ ܐܝܣܪܐܝܠ⁸ܒܢܝ̈ܗܘܢ ܕܝܬܪܘ ܡܢ ܒܬܪܗܘܢ ܒܐܪܥܐ ܕܠܐ ܐܫܟܚܘ ܒܢ̈ܝ ܐܝܣܪܝܠ ܠܡܘܒܕܘ ܐܢܘܢ ܥܒܕ ܐܢܘܢ ܫܠܝܡܘܢ ܕܢܗܘܘܢ ܠܗ ܥܒ̣ܕ̈ܐ ܘܦܠܚ̈ܐ ܘܡܣ̈ܩܝ ܡܕܐܬܐ ܥܕܡܐ ܠܝܘܡܢܐ⁹ܘܡܢ ܒܢ̈ܝ ܐܝܣܪܝܠ ܠܐ ܥܒܕ ܫܠܝܡܘܢ ܥܒ̣̈ܕܐ ܒܡܠܟܘܬܗ ܡܛܠ ܕܗܢܘܢ ܗܘܘ ܓܒܪ̈ܐ ܥ̇ܒ̈ܕܝ ܩܪܒܐ ܘܪ̈ܘܪܒܢܐ ܕܙܘܓܘ̈ܗܝ ܘܦܪ̈ܫܘܗܝ¹⁰ܘܗܠܝܢ ܫܠܝ̈ܛܢܐ ܘܩܝܘ̈ܡܐ ܕܩ̇ܝܡܝܢ ܗܘܘ ܠܗ ܠܫܠܝܡܘܢ ܡܐܬܝܢ ܘܚܡܫܝܢ ܕܡܥܒܕܝܢ ܗܘܘ ܠܥܡܐ ܕܥ̇ܒܕܝܢ ܗܘܘ ܥܒܝ̈ܕܬܐ¹¹ܒܪܡ ܒܪܬܗ ܕܦܪܥܘܢ ܐܣܩܗ̇ ܗܘܐ ܫܠܝܡܘܢ ܡܢ ܩܪܝܬܗ ܕܕܘܝܕ ܠܒܝܬܐ ܕܒܢܐ ܠܗ̇ ܡܛܠ ܕܐܡܪ ܗܘܐ ܠܐ ܬܬܒ ܐܢܬܬܐ ܥܡܝ ܒܒܝܬܗ ܕܕܘܝܕ ܡܠܟܐ ܕܝܣܪܝܠ ܡܛܠ ܕܩܕܝܫ ܗܘ ܕܥܠܬ ܠܗ ܩܒܘܬܗ ܕܡܪܝܐ¹²ܗܝܕܝܢ ܡܩܪܒ ܗܘܐ ܫܠܝܡܘܢ ܥܠܘ̈ܬܐ ܠܡܪܝܐ ܘܫܠܡ̈ܐ ܥܠ ܡܕܒܚܐ ܕܡܪܝܐ ܕܒܢܐ ܩܕܡ ܣܪܘܓܐ¹³ܘܚܘܫܒܢܐ ܟܠ ܝܘܡ ܒܝܘܡ ܡܣܩ ܗܘܐ ܐܝܟ ܦܘܩܕܢܐ ܕܡܘܫܐ ܒܫܒ̈ܐ ܘܒܥ̈ܐܕܐ ܬܠܬ ܙܒܢ̈ܝܢ ܒܫܢܬܐ ܒܥܐܕܐ ܕܦܛܝܪ̈ܐ ܘܒܥܐܕܐ ܕܨܘܡܐ ܘܒܥܐܕܐ ܕܡ̈ܛܠܐ¹⁴ܐܝܟ ܢܡܘܣܐ ܕܕܘܝܕ ܐܒܘܗܝ ܟܗ̈ܢܐ ܥܠ ܥܒܝ̈ܕܬܗܘܢ ܘܠܘ̈ܝܐ ܥܠ ܡܛܪܬܗܘܢ ܠܡܫܒܚܘ ܘܠܡܫܡܫܘ ܩܕܡ ܟܗ̈ܢܐ ܚܘܫܒܢ ܝܘܡ ܒܝܘܡܗ ܘܬܪ̈ܥܐ ܐܝܟ ܙܕܩܗܘܢ ܕܢܗܘܘܢ ܢܛ̇ܪܝܢ ܬܪ̈ܥܐ ܟܠܝܘܡ ܒܝܘܡ ܡܛܠ ܕܗܟܢܐ ܦܩܕ ܕܘܝܕ ܡܠܟܐ ܕܐܝܣܪܝܠ ܕܩܡ ܒܡܠܟܘܬܐ ܡܢ ܩܕܡ ܡܪܝܐ¹⁵ܘܠܐ ܣܛܐ ܡܢ ܟܘܠ ܡܕܡ ܕܦܩܕܗ ܡܠܟܐ ܥܠ ܟܗ̈ܢܐ ܘܥܠ ܠܘ̈ܝܐ ܘܥܠ ܟܘܠܗ̇ ܬܫܡܫܬܐ ܕܒܝܬܐ¹⁶ܘܬܩܢ ܗܘ̈ܝ ܟܠܗܝܢ ܥܒܝܕ̈ܬܗ ܕܫܠܝܡܘܢ ܡܢ ܝܘܡܐ ܕܢܦܠ ܫܬܐܣ̈ܐ ܕܒܝܬܗ ܕܡܪܝܐ ܥܕܡܐ ܠܝܘܡܐ ܕܓܡܪ ܟܠܗ ܥ̇ܒܕܗ¹⁷ܗܝܕܝܢ ܐܙܠ ܗܘܐ ܫܠܝܡܘܢ ܠܥܝܨܝܢܘܓܒܪ ܩܪܝܬܐ ܕܐܝܬ ܗܘܐ ܠܘܩܒܠ ܐܠܘܬ ܥܠ ܣܦܬܐ ܕܝܡܐ ܒܐܪܥܐ ܕܐܕܘܡ¹⁸ܘܫܕܪ ܚܝܪܡ ܒܣ̈ܦܝܢܐ ܠܥܒ̣ܕ̈ܘܗܝ ܓܒܪ̈ܐ ܣ̈ܦܢܐ ܕܝ̇ܕܥܝܢ ܠܡܕܒܪܘ ܐ̈ܠܦܐ ܒܝܡܐ ܥܡ ܥܒ̣ܕ̈ܘܗܝ ܕܫܠܝܡܘܢ ܘܐܙܠܘ ܠܐܘܦܝܪ ܡܕܝܢܬܐ ܘܢܣܒܘ ܡܢ ܬܡܢ ܐܪ̈ܒܥܡܐܐ ܟܟܪ̈ܝܢ ܕܕܗܒܐ ܘܐܝܬܝܘ ܠܡܠܟܐ ܫܠܝܡܘܢ

Cambia Bibbia

Confronta con un'altra Bibbia

Versetti esaminati