Secondo libro delle Cronache ܕܒܪܝܡܝܢ 10

¹ܘܐܙܠ ܪܚܒܥܡ ܠܫܟܝܡ ܡܛܠ ܕܠܫܟܝܡ ܐܙܠ ܟܠܗ ܐܝܣܪܝܠ ܠܡܩܡܘܬܗ ܡܠܟܐ²ܘܗܘܐ ܕܟܕ ܫܡܥ ܝܘܪܒܥܡ³ܘܟܠܗ ܐܝܣܪܝܠ ܐܬܘ ܐܡ̇ܪܝܢ ܠܪܚܒܥܡ ܒܪܗ ܕܫܠܝܡܘܢ⁴ܐܒܘܟ ܐܣܓܝ ܫܘܥܒܕܢ ܘܐܢܬ ܗܫܐ ܐܩܠ ܡܢ ܫܘܥܒܕܗ ܕܐܒܘܟ ܩܫܝܐ ܘܡܢ ܡܪܘܬܗ ܥܫܝܢܬܐ ܘܢܦܠܚܟ⁵ܘܐܡܪ ܠܗܘܢ ܙܠܘ ܘܡܟܐ ܠܬܠܬܐ ܝܘܡ̈ܝܢ ܬܘ ܠܘܬܝ ܘܐܬܘ ܥܡܐ ܠܘܬܗ⁶ܘܐܬܡܠܟ ܡܠܟܐ ܪܚܒܥܡ ܒܩܫܝ̈ܫܐ ܕܦܠܚ̇ܝܢ ܗܘܘ ܠܫܠܝܡܘܢ ܐܒܘܗܝ ܟܕ ܚܝ ܗܘܐ ܘܐܡܪ ܗܘܐ ܠܗܘܢ ܡܢܐ ܡ̇ܠܟܝܢ ܐܢܬܘܢ ܕܢܗܦܟ ܦܬܓܡܐ ܠܥܡܐ ܗܢܐ⁷ܘܡܠܠܘ ܥܡܗ ܘܐܡ̇ܪܝܢ ܠܗ ܐܢ ܗܘ ܕܛܒ̈ܬܐ ܬܥܢܐ ܠܥܡܐ ܗܢܐ ܘܬܚܕܐ ܠܘܩܒܠ ܐܦܝ̈ܗܘܢ ܘܬܡܠܠ ܥܡܗܘܢ ܡ̈ܠܐ ܛܒ̈ܬܐ ܢܗܘܘܢ ܠܟ ܥܒ̣̈ܕܐ ܛܒ̈ܐ ܘܦܠܚ̈ܐ ܟܘܠ ܝܘܡ̈ܬܐ ܕܚܝ̈ܝܟ⁸ܘܫܒܩ ܡܠܟ̣ܐ ܕܩܫ̈ܝܫܐ ܕܡܠܟܘܗܝ ܘܐܙܠ ܐܬܡܠܟ ܒܛ̈ܠܝܐ ܕܪܒܘ ܥܡܗ ܘܩ̇ܝܡܝܢ ܩܕܡܘܗܝ⁹ܘܐܡܪ ܠܗܘܢ ܡܢܐ ܡ̇ܠܟܝܢ ܐܢܬܘܢ ܕܢܗܦܟ ܦܬܓܡܐ ܠܥܡܐ ܗܢܐ ܕܡܠܠܘ ܥܡܝ ܘܐܡ̇ܪܝܢ ܠܝ ܕܐܩܠ ܡܢܢ ܫܘܥܒܕܐ ܕܫܥܒܕܢ ܐܒܘܟ ܘܢܦܠܚܟ¹⁰ܘܡܠܠܘ ܥܡܗ ܛ̈ܠܝܐ ܕܪܒܘ ܥܡܗ ܒܫܘ̈ܩܐ ܘܐܡ̇ܪܝܢ ܠܗ ܗܟܢܐ ܬܐܡܪ ܠܥܡܐ ܕܡܠܠܘ ܥܡܟ ܘܐܡ̇ܪܝܢ ܠܟ ܕܐܒܘܟ ܐܥܫܢ ܫܘܥܒܕܢ ܘܐܢܬ ܐܩܠ ܡܢ ܫܘܥܒܕܢ ܗܟܢܐ ܬܐܡܪ ܠܗܘܢ ܕܚܨܪܝ ܥܒܝܐ ܗܝ ܡܢ ܟܪܬܗ ܕܐܒܝ¹¹ܘܐܦ ܗܫܐ ܐܒܝ ܫܥܒܕܟܘܢ ܫܘܥܒܕܐ ܩܫܝܐ ܘܐܢܐ ܡܘܣܦܢܐ ܥܠ ܫܘܥܒܕܟܘܢ ܐܒܝ ܪܕܟܘܢ ܒܫܘ̈ܛܐ ܘܐܢܐ ܪܕ̇ܐ ܐܢܐ ܠܟܘܢ ܒܡܪ̈ܓܢܐ¹²ܘܐܬܐ ܝܘܪܒܥܡ ܘܟܠܗ ܥܡܐ ܒܝܘܡܐ ܕܬܠܬܐ ܐܝܟܢܐ ܕܫܐܠ ܡܢܗܘܢ ܙܒܢܐ ܘܐܡܪ ܠܗܘܢ ܕܬܘ ܠܘܬܝ ܒܝܘܡܐ ܕܬܠܬܐ¹³ܘܥܢܐ ܐܢܘܢ ܡܠܟܐ ܡ̈ܠܐ ܩܫܝ̈ܬܐ ܘܫܒܩ ܡܠܟܐ ܪܚܒܥܡ ܡܠܟ̣ܐ ܕܩܫܝ̈ܫܐ ܕܡܠܟܘܗܝ¹⁴ܘܡܠܠ ܥܡܗܘܢ ܐܝܟ ܡ̈ܠܐ ܕܛ̈ܠܝܐ ܘܐܡܪ ܠܗܘܢ ܐܒܝ ܐܣܓܝ ܫܘܥܒܕܟܘܢ ܘܐܢܐ ܡܘܣܦ ܐܢܐ ܥܠ ܫܘܥܒܕܟܘܢ ܐܒܝ ܪܕܟܘܢ ܒܫܘ̈ܛܐ ܘܐܢܐ ܪܕ̇ܐ ܐܢܐ ܠܟܘܢ ܒܡܪ̈ܓܢܐ¹⁵ܘܠܐ ܫܡܥܘ ܥܡܐ ܡܢ ܡܠܟܐ ܡܛܠ ܕܗܘܬ ܗܦܝܟܬܐ ܡܢ ܩܕܡ ܡܪܝܐ ܕܬܫܪ ܡܠܬܗ ܕܐܚܝܐ ܢܒܝܐ ܕܡܢ ܫܝܠܘ ܥܠ ܝܘܪܒܥܡ ܒܪ ܢܒܛ¹⁶ܘܚܙܘ ܟܠܗ ܐܝܣܪܝܠ ܕܠܐ ܫܡ̇ܥ ܠܗܘܢ ܡܠܟܐ ܘܐܬܝܒܘܗܝ ܥܡܐ ܦܬܓܡܐ ܠܡܠܟܐ ܘܐ̇ܡܪܝܢ ܠܗ ܠܝܬ ܠܢ ܡܢܬܐ ܒܕܘܝܕ ܘܐܦ ܠܐ ܝܪܬܘܬܐ ܒܒܪܗ ܕܐܝܫܝ ܐܢܫ ܠܒܝܬܗ ܙܠܘ ܐܝܣܪܝܠ ܡܟܝܠ ܚܙܝ ܒܝܬܟ ܕܘܝܕ ܘܐܙܠܘ ܐܝܣܪܝܠ ܠܒܬܝ̈ܗܘܢ¹⁷ܘܒܢ̈ܝ ܐܝܣܪܝܠ ܕܝܬ̇ܒܝܢ ܒܩܘܪ̈ܝܐ ܕܝܗܘܕܐ ܐܡܠܟܘ ܥܠܝܗܘܢ ܠܪܚܒܥܡ¹⁸ܘܫܕܪ ܥܠܝܗܘܢ ܡܠܟܐ ܪܚܒܥܡ ܠܐܕܘܢܝܪܡ ܕܫܠܝܛ ܗܘܐ ܥܠ ܡܣܩ̈ܝ ܡܕܐܬܐ ܘܪܓܡܘܗܝ ܟܠܗ ܐܝܣܪܝܠ ܒܟ̈ܐܦܐ ܘܡܝܬ ܘܡܠܟܐ ܪܚܒܥܡ ܣܠܩ ܘܝܬܒ ܠܗ ܒܙܘܓܐ ܠܡܥܪܩ ܠܐܘܪܫܠܡ¹⁹ܘܡܪܕܘ ܒ̈ܢܝ ܐܝܣܪܝܠ ܥܠ ܒܝܬܗ ܕܕܘܝܕ ܥܕܡܐ ܠܝܘܡܢܐ²¹ܘܐܬܐ ܪܚܒܥܡ ܠܐܘܪܫܠܡ ܘܟܢܫ ܠܕܒܝܬ ܝܗܘܕܐ ܘܠܫܒܛܐ ܕܒܢܝܡܝܢ ܡܐܐ ܘܬܡܢܐܝܢ ܐ̈ܠܦܝܢ ܓܒܪ̈ܐ ܫ̇ܡ̈ܛܝ ܣܝܦܐ ܘܥ̇ܒ̈ܕܝ ܩܪܒܐ ܠܡܬܟܬܫܘ ܥܡ ܐܝܣܪܝܠ ܠܡܗܦܟܘ ܡܠܟܘܬܐ ܠܪܚܒܥܡ ܒܪܗ ܕܫܠܝܡܘܢ²²ܘܗܘܐ ܦܬܓܡܗ ܕܡܪܝܐ ܥܠ ܫܡܥܝܐ ܘܐܡܪ ܠܗ²³ܐܡܪ ܠܪܚܒܥܡ ܒܪܗ ܕܫܠܝܡܘܢ ܡܠܟܐ ܕܝܗܘܕܐ ܘܥܠ ܒܝܬ ܒܢܝܡܝܢ ܘܥܠ ܟܠܗ ܐܝܣܪܝܠ ܘܥܠ ܫܪܟܐ ܕܥܡܐ ܐܡܪ ܠܗܘܢ²⁴ܗܟܢܐ ܐܡ̇ܪ ܡܪܝܐ ܠܐ ܬܣܩܘܢ ܘܠܐ ܬܬܟܬܫܘܢ ܗܦܘܟܘ ܓܒܪ ܠܒܝܬܗ ܡܛܠ ܕܡܢ ܩܕܡܝ ܗܘܐ ܦܬܓܡܐ ܗܢܐ ܘܫܡܥܘ ܡܠܬܗ ܕܡܪܝܐ ܘܗܦܟܘ ܠܡܐܙܠ ܐܢܫ ܠܒܝܬܗ²⁵ܘܒܢܐ ܝܘܪܒܥܡ ܠܫܟܝܡ ܒܛܘܪܐ ܕܫܒܛܐ ܕܒܝܬ ܐܦܪܝܡ ܘܝܬܒ ܒܗ̇ ܘܢܦܩ ܡܢ ܬܡܢ ܘܒܢܐ ܠܦܢܘܐܝܠ²⁶ܘܐܡܪ ܝܘܪܒܥܡ ܒܠܒܗ ܗ̇ܦܟܐ ܠܗ̇ ܡܠܟܘܬܐ ܠܒܝܬ ܕܘܝܕ²⁷ܐܢܗܘ ܕܣ̇ܠܩܝܢ ܥܡܐ ܗܢܐ ܠܡܥܒܕ ܕܒܚ̈ܐ ܒܒܝܬܗ ܕܡܪܝܐ ܒܐܘܪܫܠܡ ܘܗ̇ܦܟ ܠܒܗ ܕܥܡܐ ܗܢܐ ܠܘܬ ܡܪܗܘܢ ܘܩ̇ܛܠܝܢ ܠܝ ܘܡܗܦܟܝܢ ܠܗ̇ ܡܠܟܘܬܐ ܠܪܚܒܥܡ ܒܪ ܫܠܝܡܘܢ²⁸ܘܐܬܪܥܝ ܡܠܟܐ ܘܥܒܕ ܬܪܝܢ ܥܓ̈ܠܐ ܕܕܗܒܐ ܘܐܡܪ ܠܗܘܢ ܣܓܝ ܠܟܘܢ ܠܡܣܩ ܠܡܢܐ ܣ̇ܠܩܝܢ ܐܢܬܘܢ ܘܢܚ̇ܬܝܢ ܠܐܘܪܫܠܡ ܗܠܝܢ ܐܢܘܢ ܐܠܗ̈ܝܟ ܐܝܣܪܝܠ ܕܐܣܩܘܟ ܡܢ ܐܪܥܐ ܕܡܨܪܝܢ²⁹ܘܣܡ ܚܕ ܒܒܝܬ ܐܝܠ ܘܐܚܪܢܐ ܣܡ ܒܕܢ³⁰ܘܗܘܬ ܡܠܬܐ ܗܕܐ ܠܚܛܝܬܐ ܘܐܙܠܘ ܥܡܐ ܩܕܡ ܥܓܠܐ ܚܕ ܥܕܡܐ ܠܕܢ³⁴ܘܗܘܐ ܦܬܓܡܐ ܗܢܐ ܠܚܛܝܬܐ ܠܟܠ ܒܝܬ ܝܘܪܒܥܡ ܠܡܥܩܪ ܘܠܡܘܒܕܘ ܡܢ ܐܪܥܐ

Cambia Bibbia

Confronta con un'altra Bibbia

Versetti esaminati