Proverbia 18
12345678910111213141516171819202122232425262728293031
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Occasiones quærit qui vult recedere ab amico : omni tempore erit exprobrabilis. | 1 Occasiones quaerit, qui vult recedere ab amico; omni consilio exacerbatur. |
2 Non recipit stultus verba prudentiæ, nisi ea dixeris quæ versantur in corde ejus. | 2 Non delectatur stultus prudentia sed in revelatione cordis sui. |
3 Impius, cum in profundum venerit peccatorum, contemnit ; sed sequitur eum ignominia et opprobrium. | 3 Cum venerit impius, veniet et contemptio, et cum ignominia opprobrium. |
4 Aqua profunda verba ex ore viri, et torrens redundans fons sapientiæ. | 4 Aqua profunda verba ex ore viri, et torrens redundans fons sapientiae. |
5 Accipere personam impii non est bonum, ut declines a veritate judicii. | 5 Accipere personam impii non est bonum, ut declines iustum in iudicio. |
6 Labia stulti miscent se rixis, et os ejus jurgia provocat. | 6 Labia stulti miscent se rixis, et os eius plagas provocat. |
7 Os stulti contritio ejus, et labia ipsius ruina animæ ejus. | 7 Os stulti ruina eius, et labia ipsius laqueus animae eius. |
8 Verba bilinguis quasi simplicia, et ipsa perveniunt usque ad interiora ventris. Pigrum dejicit timor ; animæ autem effeminatorum esurient. | 8 Verba susurronis quasi dulcia, et ipsa perveniunt usque ad interiora ventris. |
9 Qui mollis et dissolutus est in opere suo frater est sua opera dissipantis. | 9 Qui mollis et dissolutus est in opere suo, frater est viri dissipantis. |
10 Turris fortissima nomen Domini ; ad ipsum currit justus, et exaltabitur. | 10 Turris fortissima nomen Domini; ad ipsum currit iustus et exaltabitur. |
11 Substantia divitis urbs roboris ejus, et quasi murus validus circumdans eum. | 11 Substantia divitis urbs roboris eius et quasi murus excelsus in cogitatione eius. |
12 Antequam conteratur, exaltatur cor hominis, et antequam glorificetur, humiliatur. | 12 Antequam conteratur, exaltatur cor hominis; et, antequam glorificetur, humiliatur. |
13 Qui prius respondet quam audiat, stultum se esse demonstrat, et confusione dignum. | 13 Qui prius respondet quam audiat, stultitia est ei et contumelia. |
14 Spiritus viri sustentat imbecillitatem suam ; spiritum vero ad irascendum facilem quis poterit sustinere ? | 14 Spiritus viri sustentat imbecillitatem suam; spiritum vero confractum, quis poterit sustinere? |
15 Cor prudens possidebit scientiam, et auris sapientium quærit doctrinam. | 15 Cor prudens possidebit scientiam, et auris sapientium quaerit doctrinam. |
16 Donum hominis dilatat viam ejus, et ante principes spatium ei facit. | 16 Donum hominis dilatat viam eius et ante principes deducit eum. |
17 Justus prior est accusator sui : venit amicus ejus, et investigabit eum. | 17 Qui prior in contentione loquitur, putatur iustus; venit amicus eius et arguet eum. |
18 Contradictiones comprimit sors, et inter potentes quoque dijudicat. | 18 Lites comprimit sors et inter potentes quoque diiudicat. |
19 Frater qui adjuvatur a fratre quasi civitas firma, et judicia quasi vectes urbium. | 19 Frater, qui offenditur, durior est civitate firma, et lites quasi vectes urbium. |
20 De fructu oris viri replebitur venter ejus, et genimina labiorum ipsius saturabunt eum. | 20 De fructu oris viri replebitur venter eius, et genimina labiorum ipsius saturabunt eum. |
21 Mors et vita in manu linguæ ; qui diligunt eam comedent fructus ejus. | 21 Mors et vita in manu linguae; qui diligunt eam, comedent fructus eius. |
22 Qui invenit mulierem bonam invenit bonum, et hauriet jucunditatem a Domino. Qui expellit mulierem bonam expellit bonum ; qui autem tenet adulteram stultus est et impius. | 22 Qui invenit mulierem bonam, invenit bonum et hausit gratiam a Domino. |
23 Cum obsecrationibus loquetur pauper, et dives effabitur rigide. | 23 Cum obsecrationibus loquetur pauper, et dives effabitur rigide. |
24 Vir amabilis ad societatem magis amicus erit quam frater. | 24 Vir cum amicis concuti potest, sed est amicus, qui adhaereat magis quam frater. |