Isaiah (ישעיה) - Isaia 92

¹ מזמור שיר ליום השבת טוב להדות ליהוה ולזמר לשמך עליון² להגיד בבקר חסדך ואמונתך בלילות³ עלי עשור ועלי נבל עלי הגיון בכנור⁴ כי שמחתני יהוה בפעלך במעשי ידיך ארנן⁵ מה גדלו מעשיך יהוה מאד עמקו מחשבתיך⁶ איש בער לא ידע וכסיל לא יבין את זאת⁷ בפרח רשעים כמו עשב ויציצו כל פעלי און להשמדם עדי עד⁸ ואתה מרום לעלם יהוה⁹ כי הנה איביך יהוה כי הנה איביך יאבדו יתפרדו כל פעלי און¹⁰ ותרם כראים קרני בלתי בשמן רענן¹¹ ותבט עיני בשורי בקמים עלי מרעים תשמענה אזני¹² צדיק כתמר יפרח כארז בלבנון ישגה¹³ שתולים בבית יהוה בחצרות אלהינו יפריחו¹⁴ עוד ינובון בשיבה דשנים ורעננים יהיו¹⁵ להגיד כי ישר יהוה צורי ולא עלתה בו