Isaiah (ישעיה) - Isaia 108

¹ שיר מזמור לדוד נכון לבי אלהים אשירה ואזמרה אף כבודי² עורה הנבל וכנור אעירה שחר³ אודך בעמים יהוה ואזמרך בל אמים⁴ כי גדול מעל שמים חסדך ועד שחקים אמתך⁵ רומה על שמים אלהים ועל כל הארץ כבודך⁶ למען יחלצון ידידיך הושיעה ימינך וענני⁷ אלהים דבר בקדשו אעלזה אחלקה שכם ועמק סכות אמדד⁸ לי גלעד לי מנשה ואפרים מעוז ראשי יהודה מחקקי⁹ מואב סיר רחצי על אדום אשליך נעלי עלי פלשת אתרועע¹⁰ מי יבלני עיר מבצר מי נחני עד אדום¹¹ הלא אלהים זנחתנו ולא תצא אלהים בצבאתינו¹² הבה לנו עזרת מצר ושוא תשועת אדם¹³ באלהים נעשה חיל והוא יבוס צרינו